زواجات اسلاميه

هلا اختي ميمي1.. ويزاج الله خير على طرح هالموضوع الرائع..

صدقتي مافي أحلى من انج تبدين حياتج الزوجيه بدون معاصي عشان ربي يباركلج..

وعندنا وايد أشرطه فيها زفات إسلاميه روعه بالدف وبكلمات وايد حلوه مثل شريط ((هذي ليلتي)) للمنشد أسامه الصافي.. هالشريط فيه أكثر من زفه.. بختار وحده منهم لزفتي ان شالله..

تقدرين تسمعين الشريط في هالموقع

الله يوفقج ويوفق جميع العرايس للخير.. واسأل الله أن يبارك في أعراسنا.. اللهم آمين..

صدقتي اختي ميمي

انا حاضرت لزواج وحده من قربتي

وكانت حاطه طقاقات بدون اورق

الا الزفه حالطه فيها موسيقى

واحنا في الزواج قالت واحده ( الله لايوفقها حاطه موسيقى )

وبعد مرور السنوات على زواجها

تزوج عليها زواجها

على انها ماشاء الله في قمه الجمال وماناقصها شي


___

لذلك يجب ان نبعد عن هذه الاشياء لكي يكون زواج سعيد باذن الله


وجزيتي خيرا

بنات انا بقولكم شى واحد ازواج الاسلامى يانه يوكون اسلامى صدق ولا لتقولون اسلامى الاسلام يكون شرعي من ناحية اللباس ومن ناحية سماع الاغاني مو علي شي وشي مره حظرت زواج اسلامي لا اللباس خالع وغير كذا اسلامي واسلامي بنهايه بس بدون موسيقه والا الاغاني كل حب وغرام ايش هذا الاسلامي الاسلام بدوف وبدون اغاني خليعه يعنى انشاد وبس والزواج الشرعي يعنى يبدا الساعه 9 ينتهاي الساعه 12 هذا الزواج الشرعي وجزاكم الله الف خير علي موضوعكم

انابصراحه اايد الزواج الاسلامي وان شاء الله اني بحط زواجي اسلامي علشان الحده ما تبدأحياتها بشيء يغضب الله واتمنى لك التوفييييييييييق اختى وعقبالنا:o :o

حبيباتي اللي تعرف اشرطه اسلاميه تصلح احطها في زواجي تعلمني اياها
من جد محتاجه لمساعدتكم ابي زفات حلووووووووووووووووووه
اللي عندها ترسل لي على الخاص واذا ما تقدر تكتب هنا ومشكورين
تعبتكم:)

معاج اختي انه الوحدة تبدى حياتها بهذا الشيئ
لكن شو تسوي لو هي ما تبى وغيرها يبون
الموسيقى والأغاني معصية تعود عليها الجميع
ويشوفونها شيئ حلال 100% والدنيا ماتسوى من غير أغاني
والعرس من غير أغاني مب شيئ
الأغاني اللحين الكل يسمعها ونادرا تدخلين عرس ما فيه أغاني
اللحين أنا عرسي قرب شهر 7
ولين اللحين ريلي مب راضي يقولي شو مسوي حق العرس
دق ولا أغاني
كلمته وااااااايد عن هذه السالفة اهلى ما يحطون أغاني في العرس
والحمد الله اهلي متدينين بس طاح حظي على ريال هو صح زييييين
بس الله يهديه
ما أعرف كيف أقنعه أرجوكم خبروني ترى السالفة مسببتلي توتر وحاله نفسية :confused: :confused: :confused:

بصراحة موضوع هام للغاية وأنا عن نفسي حضرت لوحدة من قرايبنا مسويه شبكتها بدون موسيقى والزفة جايبتلها CD للزفة وكان جدا روعة والي ينشد فيه اصلا طقاقات بدفوف وبدون موسيقى والزفة لمحمد عبده بس بدون صوته بس كانت جدا رائعة :D

كانت بداية الزفة عبارة عن صوت أمواج بحر وأصوات لخيول وكأنها تجري وبعدين تصفيق وبعدين تبدأ الزفة بالصلاة على النبي ومن ثم تبدأأنشودة الزفة وفيها مدح للعروسين وأهلهم

بالنسبة للطقاقة اللي جايبينها كمان بدون موسيقى وعلى فكرة هي مسمية حالها منشدة اسلامية



بس فعلا روعة انك تبداين حياتك بدون منكرات :D

لو واحدة حابة اقولها اسم شريط الزفة ماعندي مشكلة :) :D

ابشركم لقيت اسم شريط الزفة اللي قلت لكم عليه واللي تحصلونه عند محلات التسجيلات الاسلامية الشريط اسمه زفة بنت الديرة (1)

وعموما بامكانكم انكم تسألون عن اشرطة زفات عندهم وانت اختاري اللي يناسبك:D

والله يوفقنا وياكم لما يحبه ويرضاه


:D


ولا تنسونا من صالح دعاكم:D

مشكورين على ردودكم جميعا
وان شاء الله يوفقك ياازهار ويكون زواجك من دون موسيقى باذن الله
اللاخت وردة الهدا وين هذي المنشده الاسلاميه ان كنت تعرفين رقمها ارسليه على الخاص لان اختي حابه ان زواجها يكون اسلامي

انزين حد يعرف أشرطة طقاقات بدون موسيقى بس يكون شي;)

حبيباتى الغاليات

ما اجمل ان تزف العروس بزفة ترضي الله تعالى .. والاجمل من دلك حضور المدعوات الى هدا العرس .. حيث تحل البركة فيه .. مكان يرضى الله عنه ويبارك فيه وفي الموجودين .. وإن كثر في هدا الزمن الاغاني واصطحابها في كل حفل :eek2: فلمادا لا تكون البداية منا نحن ولمادا نرضي الناس ونعصى رب الناس .

لنفعل ما هو رضى لله وإن لم يحضر الزفاف إلا شخص واحد .. وبحزمنا وقرارانا الحازم في ألا نجلب مثل تلك المعازف تفرض احترام الآخرين لدينا .

وهناك الكثير من الاشرطة التى تغنى عن الاغانى ولا بأس من استجلاب الفرق النسائية ( الطقاقات ) ، او استبدالهم بأشرطة وهي عديدة ويمكنكم الاستعانة بالتسجيلات الاسلامية او يمكنكم زيارة الموقع التالى
http://go.3roos.com/d4RuuEq4U0S

حيث به العديد من اناشيد الافراح بالإضافة الى الزفة
الزفة ستجدينها في اكثر من شريط من ضمنها شريط " هده ليلتى "
شريط " يا عريس " زفة شمس ******
فلنجعل زفافنا زفافاً مباركاً تحل وتعم به البركة والخير