مالجه(عقد قراني) من شهر وافكر في الطلاق بسبب زوجي المجنون

ابوس راسك يازمن;6139124:
السلام على اختي باقيه على العهد
انا خايفه اعطيك رائي مع خواتي ولا تسمعينه لان عندك قناعتك به بس حابه تعرفي راي الاكثريه دون الاخذ بها
بعيدا عن الجنسيه والاصل انتي تحبينه لانك عاطفيه وحنونه وتبي حب حقيقي زواج ناجح حضن يحتضنك وقت الضيق والفرج
تعتقدين انكي وصلتي لسن خلاص مافيه زواج
لكن اتمنى ان تجلسي بمفردك وتفكري
هل هذا زوجي ؟
رجل يشيلني وانجب منه ويصرف على البيت
مانتي فاتحه جمعيه خيريه تتحسني عليه وترحمينه
انا ماقول المراءه ماتوقف مع زوجها
بس مو واحد انا كافلتها واصرف عليه ويهزاءني ويتطاول علي واقول
اهله السبب وطفولته مادري وش فيها
مانتي بعد فاتحه عياده نفسيه
هذا زواج تفهمين حياه عمر
مو فلم او مسلسل رومنسي
هذا بيكون زوجك اذا هذا بدايته خوفي منه بصراحه
وبيرزقك ربي
افضل اقعد طول عمري بنت ماتزوجت ولا ابتلش بواحد قليل ادب لايحترمني
وترى الاحترام اهم من الحب
وانتي موظفه ولله الحمد مانتي محتاجه لا لاخ ولا اب ولا زوج
انصحك تصلين صلاة الاستخاره
وانصحك تتطلقين منه
وربي يعوضك
وصدقيني ماتتضيق الا تنفرج
واكثري من الاستغفار

اناداخله بقول نفس هالكلام

الوحده تتزوج عشان زوجها يسعدها ويحترمها
مو هي اللي تراكض تدور راحته وهو يسبها ويشتمها

انا اشوف انك تطلقين وانتي عالبر احسن لك
ودام اهله يشتكون منه يعني اكيد عنده مشكله ازليه يعني حالته هذى مو بسبب الوظيفه
وانتي مو مضطره تحلين له مشاكله وعقده اللي باين انها من الطفوله اطلبي الطلاق و انصحيه يروح عياده نفسه وبكذا تكونين ساعدتيه
وانتي استخيري والله يوفقك ويسعدك(f)

السلام عليكم

انا حابة احكيلك هالشغله انه اولا مدام الحب موجود خلص اطمني وانتي بشطارتك بتقدري تغيري زوجك للأحسن صدقيني انا خطيبي كان عصبييييي ومايتحمل اي كلمة مني على طول يزعل ويهدد ويتوعد انه يطلقني ويبعد عني لكن مع الوقت غيرته وخفت عصبيته علي وبطل يزعل بسرعه اهم اشي العشرة صدقيني كل ما طالت العشرة وكنتي منيحه مع زوجك بيتغير هوه لحالو اصبري عليه ولما يعصب ماتردي احكيله كل اشي ولا عصبيتك اصبر وكل اشي بهون وبالنسبه للغلط خليها شوي هاي المشكلة ولما يستقر وضعو بلشي معه شوي شوي احكيله انه انا مابرد عليك لانه اهلي ربوني ماتطلع الكلمة العاطله مني واحكيله صح انته بتحبني ؟؟ صح انا حبيبتك ؟؟كيف بتقدر تغلط علي ؟؟ صدقيني يا اختي الوحده فينا مالها الا بيت زوجها لو شو ماكانوا الاهل كويسين وبالنسبه لرأي خواتي انه بلا من وجع الراس انا بخالفهم بالرأي لانه مافي انسان كامل وكل انسان عنده اخطاء وانتي نصيبك انه زوجك فيه عيبات كثير ومع العشرة والله بيتغير واسألي مجربة ولاتنسي حبيبتي لو شو ماكن الرجل صاحب شأن وسلطة بين يدين زوجته يكون كالطفل ولكن بشرط اذا عرفت كيف تعاملة

هلا حبيبتي اشلونج
بحاول اساعدج قد ما اقدر
اول شي انتي اتحبينه واهو بعد ايحبج وهاي المهم
من ناحيه انه مايبي منج مساعده فهالشي ايدل على رجولته وعزت نفسه والريال يعتبر هالشي اهانه مو مساعده ودامج تعرفين هالشي خلاص خليه لا تساعديه واهو اذا احتاجج وماله غيرج راح اييج ويطلب المساعده منج او انج لما اساعدينه عطيه فلوس وقولي له هالفلوس خذها سلف الحين ولما تشتغل رجعها لي بهالطريقه يمكن ايوافق ماراح ايحس بالذل
وبخصوص ان اهله يعاملونه بطريقه مب زينه وعلى حسب كلامج صراحه ووووايد كسر خاطري كله ولا دمعه الرجال
الله ايسامحهم شكلهم معقدينه ومو معطينه حنان واهتمام واهو الحين يبي احد يهتم فيه ويحن عليه لان هالشي ما لقاه عند اهله ولانج حبيبته اهو يطلب منج هاالاشياء بس بطريقه غلط ونتي لازم تعذرينه وتفهمين هالشي وانتي الحين لو هديتيه يمكن ايروح فيها بيحس انه صج ماله قيمه ولا له احد فهالدنيا
وبخصوص انه يبكي على كتفج والله والله احس بالصيحه يوم قريت هالكلام تراه مجروح جروح عميقه بس للحين مب قادر ايقولها لج بحكم انكم توكم مالجين
ونفس الشي الالفاظ اللي يستخدمها وياج سببها الاول والرئيسي اهله شكله من انولد واهو مايسمع غير هالالفاظ والاهانات عشان كذا صارت عاديه عنده لان اهاله لو مسمعينه الكلام الطيب ماكان على هالحاله
والله حرام ترى الله عطاج ريال كله اجروح وماعنده ثقه في نفسه ومهزوز يمكن انج حنونه ودواه عندج
انا حاطه نفسي مكانه لو اهلي يسون لي نفس اللي ايسوون فيه اول شخص راح احبه راح اتعبه بس عشان اعوض الحرمان اللي عشته
انتي الحين لاتهدينه حتى لو تعبتي معاه لج الاجر انتي الحين لو تبدئي تبنينه من اول وجديد حتى وان طالت المده لين ايصير ريال طبيعي ومرتاح ذيك الساعه راح ايريحج ويعوضج عن كل شي
وتمسكي بالله اهم شي صلي قيام الليل وادعي ان الله يهديه ويفقكم مع بعض ويتمم كل شي على خير
ولاتعصبين ولاتنتفين شعرج اعتبريه طفل ويغلط ومع الايام راح يعقل
وامج ما شا الله عليها ماقصرت سمعي كلامها والله ايوفقكم مع بعض ونسمع اخبار زينه

السلام عليكم

خواتي الكريمات أشكركن على كل رد وحل قدمتوه لي..

الحمدلله على كل حال... انا وهو تصالحنا من كم يوم والامور صارت طيبه شوي...
وبحاول امسك نفسي وما اعصب عليه...
ومعاكن حق في سالفة السب والشتم...انا كلمت الوالد على اساس يكلمه ويفهمه ان هالشي غلط.. مافي وحده تحب تنسب وتنشتم,, انا متحمله عشان ظروفه ..لكن بمجرد انتهاء هالظروف بيكون لكل حادث حديث وما بيكون عنده حجه يتطاول علي

والله ما ادري شاقولكن.. خواتي اللي قالولي انفصل عنه... والله انها صعبه علي لاني مختارتنه بعقلي وقلبي..وصار جلسه كبيرة بينه وبين اهلي وقرايبي انه يتعهد بانه يتم هني معاي حتى لو عندنا عيال.. وبصراحه هو اصلا مرتاح هني لان ظروف بلاده صعبه ومافي مجال للمقارنه يعني هو قال حتى عيالنا هني بيعيشون عيشة كريمة...

بصراحه خواتي عيبه الوحيد اللي ذابحني انه يوم يعصب يشتم غير شذي مافي.. والحمدلله..
بس لين الحين موب قادرة اشل من قلبي اول مرة شتمني لانها كانت جدا صعبه علي..موب قادرة انسى..وشايلتنها بقلبي..

عموما خواتي كلكن بلا استثناء اشكركن مرة ثانية على ردودكم الطيبه عسى ربي يجعلها في ميزان حسناتكم ويوفقكن .. أمين

انا بتم معاكين وبخبركن التطورات أول باول.. وادعولي انه زواجي يتم على خير..

مع السلامه.....

Bint -qatar 2008;6129211:
مرحبا اختي انا بنصحج بنصيحه وحده وفكري فيها زين

لو ربي ارزقج باأولاد منه وتهاوشتوا وسافر عنج وخلاج وخذاهم معاج انتي ساعتها شبتسوين وعلى فكره لا تقولين لي ما يقدر احنا عندنا في الدوحه وووووووووووايد ناس جذيه وعلى فكره انتي حطي في بالج ان زوجج دايما راح يكون مهدد بالتفنيش من اي مكان عمل لانه مش مواطن فغلطاته محسوبه عليه يعني دايما لو صار ما صار انتي اللي راح تتحملين مسؤليه كل شي

وبعدين بقولج على نظام عندنا في الدوحه اي وافد من برع بغض النظر عن جنسيته سواء كان عربي او خليجي او اسيوي اذا سوا اي مشكله وتدخلوا فيها الشرطه يتسفر على طول لانه بهالطريقه يكون ما احترم هالبلاد فاانا
ماادري اذا عندكم مثلنا بس انتبهي

وبعدين انتي شحادج على المر يعني بالعربي اشتبين في واحد راح يعور راسج بالمشاكل والهم والسب واللي اكيد راح تتطور في يوم من الايام وتصير ضرب ليش لا تقولين لي كبيره
وماراح اتزوج صدقيني في هالعصر المره هي اللي تختار حق نفسها ما تنتظر واحد يجي ويختارها
انا اقولج خليه ودام هذي بدايتها اللي يعينج في النهايه

salam alikom ya okhti ana saraha maaref ich mssabrek alih zay magalett al okht
okhti hada inssan 3assabiiiiii

wbytkhaba wala telephone 3achan ygoulek kalimatt ....... bass kouni mtakda miya bel miya ino iza jama3kom bit wahed rah yakhoud aliki w ygoulek kalam jareh ktir ktir
okhti alah mawjoud w howa 9der ino yrzo9ek b a7ssan menoooooooo
ana nassi7ti liki inek tssali salat istikhara w tenfassli menouuu
li ano mohada zouj li momkel tethani maaaaaaaah
alah yhaniki ya rab w yrzo9ek zawj assaleh w banat mosslimiiiiiiiiiiiiiine amine

الله يوفقك ويسعدك ويتمم لك على خير
حبيبتي كثري من الاستغفار في كل وقت بتشوفين الفرج بإذن الله ..




ضيقتي صدري :sad:من يوم قريت الموضوع وانا ادعيلك تكفييييييييين طمنيني عليك..
موفقه ياالغلا....

الأخت تطلقت و انتهى الأمر ..

http://www.3roos.com/forums/showthread.php?t=349312

انا اقول لك خليه هو بنفسه يدور على شغل وبعدين لاتساعدينه بالفلوس لانه بكرة راح يعتمد عليكى صدقنى وانتى ساعديه انك تاكلينه غير كذا لا لانه راح يعتمد عليكى

ماحبيت اطلع وماارد

الله يعينك يارب ودعوواتي معك .......

بجد شكله صعبه وحلها عند ربنا بس ادعي والحي في الدعااء

ربنا يهدهولك يارب

السلام عليكم و رحمة الله و بركاته ...

اختي العزيزة أسأل الله لك بالفرج العاجل .. واضح من رسالتج انج وحده اصيله جدا .. و هو صج محظوظ بج
في البداية اقولج هو احسه من كلامج انه مهزوز نفسيا و ممكن مع العشرة اتعرفين اشلون اتعاملين مع شخصه
بس لفت انتباهي انه مب طمعان فيج و هذي ميزة وايد زينه لكن ماعجبني انه يشتم يعني لازم هذي الشي ينتهي منه للأبد .. انا مانصحج بالطلاق .. لأن فيه وايد ميزات بس عيبه هل لسان و هل الشي النفسي اللي فيه و هذي له حل .... حاليا لا تعرضين عليه المساعده كلش و حاولي تتقربين منه و تفهمينه و حسسيه دايما انه اعلى منج و استشيريه يعني بعباره اخرى خليه يحس انج محتاجه له مب هو المحتاج لج

اختي بس السب لازم توقفينه عند حده و الأفضل اذا عندكم مشكله لا تتفاهمون بالتلفون و لا المسجات و اذا قابلتيه قولي له انا هواش مابي اتفاهم بالتلفون اذا عندك شي تعال انتفاهم وجها لوجه ..

اذا عندج احد حكيم و رشيد من العيله ممكن تستشيرينه و الله يوفقج

استخيري ربج أحسن ف هالزواجه

مغروره بس مجبوره;6129384:
هلا حبيبتي اشلونج
بحاول اساعدج قد ما اقدر
اول شي انتي اتحبينه واهو بعد ايحبج وهاي المهم
من ناحيه انه مايبي منج مساعده فهالشي ايدل على رجولته وعزت نفسه والريال يعتبر هالشي اهانه مو مساعده ودامج تعرفين هالشي خلاص خليه لا تساعديه واهو اذا احتاجج وماله غيرج راح اييج ويطلب المساعده منج او انج لما اساعدينه عطيه فلوس وقولي له هالفلوس خذها سلف الحين ولما تشتغل رجعها لي بهالطريقه يمكن ايوافق ماراح ايحس بالذل
وبخصوص ان اهله يعاملونه بطريقه مب زينه وعلى حسب كلامج صراحه ووووايد كسر خاطري كله ولا دمعه الرجال
الله ايسامحهم شكلهم معقدينه ومو معطينه حنان واهتمام واهو الحين يبي احد يهتم فيه ويحن عليه لان هالشي ما لقاه عند اهله ولانج حبيبته اهو يطلب منج هاالاشياء بس بطريقه غلط ونتي لازم تعذرينه وتفهمين هالشي وانتي الحين لو هديتيه يمكن ايروح فيها بيحس انه صج ماله قيمه ولا له احد فهالدنيا
وبخصوص انه يبكي على كتفج والله والله احس بالصيحه يوم قريت هالكلام تراه مجروح جروح عميقه بس للحين مب قادر ايقولها لج بحكم انكم توكم مالجين
ونفس الشي الالفاظ اللي يستخدمها وياج سببها الاول والرئيسي اهله شكله من انولد واهو مايسمع غير هالالفاظ والاهانات عشان كذا صارت عاديه عنده لان اهاله لو مسمعينه الكلام الطيب ماكان على هالحاله
والله حرام ترى الله عطاج ريال كله اجروح وماعنده ثقه في نفسه ومهزوز يمكن انج حنونه ودواه عندج
انا حاطه نفسي مكانه لو اهلي يسون لي نفس اللي ايسوون فيه اول شخص راح احبه راح اتعبه بس عشان اعوض الحرمان اللي عشته
انتي الحين لاتهدينه حتى لو تعبتي معاه لج الاجر انتي الحين لو تبدئي تبنينه من اول وجديد حتى وان طالت المده لين ايصير ريال طبيعي ومرتاح ذيك الساعه راح ايريحج ويعوضج عن كل شي
وتمسكي بالله اهم شي صلي قيام الليل وادعي ان الله يهديه ويفقكم مع بعض ويتمم كل شي على خير
ولاتعصبين ولاتنتفين شعرج اعتبريه طفل ويغلط ومع الايام راح يعقل
وامج ما شا الله عليها ماقصرت سمعي كلامها والله ايوفقكم مع بعض ونسمع اخبار زينه

:9_33::sa31::9_33:

الحقيقة أنا أأيد كلام الأخت *مغروره بس مجبوره *

والرأي الأول و الأخير يعود لك ...:shy:

بس الشيء الحلو إلي عجبني فيك هو أنك لا تحكين لأهلك عن المشاكل التي بينكما وهدا صراحة

نعم العقل وتباث .....ربنا يكملك بعقلك ويصلح زوجك ويهديه :21_201:

:9_28::Zd_bye_3::Zd_bye_3::9_28: