يافرحة ماتمت (الحمدلله على كل حال )

السلام عليكم يااخواتي انشاء الله بخير
اكتب لكم الموضوع وانا متضايقة مرة لانة انا كنت حامل بالسبوع التاسع وقبل ثلاث ايام صار ينزل معي افرازات بنية لاني جالسة انقل لبيت ثاني وتعبت شوي واستمر معي كل مااتعب ينزل شوي مرة خفت وقلت خليني اروح المستشفى اتطمن ورحت امس بالليل للطوارئ شافني الدكتور وقالي لازم نسويلك تحليل هرمون الحمل والتراساوند فسويت التحليل والاترا ساوند سويتها اليوم الصبح المهم الاخصائية حقت الاترا ساوند طولت وهي تسويلياها وبعدين قالتلي بسويلك اشعة مهبلية من هنا عرفت انة فية شي غلط وفعلا بعد ماخلصت شافني الدكتور وقالي اسف ماشفنا جنين :( فية كيس حمل ومافية جنين وكيس الحمل مرة صغير عمرة اسبوع بس
تخيلوا يابنات اناصار معي كذا اول ماعرفت اني حامل سويت اشعة قالولي مافية جنين وسويتها مرة ثانية وقالولي فية كيس بس مو واضح شي والثالثة قالولي مبروك انتي بالاسبوع السادس وشفت النبض والحين يقولون مافية شي والله اني تعبت نفسيا من يوم ماعرفت اني حامل وانا كلة على اعصابي خاصة اني حملت فجاءة بعد انقطاع الدورة عني ست شهور وكنت حاسة فية شي غلط من البداية وبعدين يوم كنت في الاسبوع السادس كان فيني وحم وفيني الم قوي ببطني من الجهه اليمين وبعد فترة حسيت وقف الوحم وخفت منها حسيت انه فية شي بس مانزل معي اي افرازات
بس الحمد لله على كل حال الله يعوضني انشاء الله ويرزقني ويرزق جميع اخواتي المحرومات ويتمم على كل الحوامل يارب واسفة على الاطالة