اللي عندها حل غير الماي والملح!!!!؟؟؟؟؟؟؟؟؟
دبـدوبـتـه
24-05-2008
16 رد
1,064 مشاهدة
حبيباتي ابي شوركم
انا فيني التهابات من كم يوم احس فيها
خصوصا في في حدود ال.....
مادري شنو السبب
ويزيد فترة الجماع
واحس بحرقة بس حكة شوي
من كم يوم حطيت ماي وملح صار شوي اوووكي وعقب رجع
اليوم الثاني حطيت ماي وملح وخل و صار زين واليوم رجع
امس حطيت ماي مع ديتول و حطيته والله قعدت اناقز واصيح من الحرقة
الحرقة تزيد خصوصا بعد الجماع
تدروون لين اغتسل بالماي تحت احس كانه في شي مشقوق بس مادري وين
مع اني دايم انشف المنطقة والبس قطني يمكن عشان الكريمات اللي استخدمها بس انا ماحط تحت بس فوق و شوي بعد
مادري شاسوي طووولت عليكم
عندكم حل يريحيني او اروووح حق دكتورة احسن؟؟؟؟ ابي رايكم
واللي في قطر تعرف دكتورة زينه حق الالتهابات تخبرني
لاني تعبت من الالم
وتسلمون فديتكم
الله يشفيج ويعافيج ..
الغاليه انا يتني مثلج جي حالة حرقان بس عطتني الدكتوره مضاد وتحميله وكريم..
بس بعد لازم قبلها تسوي فحص..فاستشيري الدكتوره افضل..
والماي وملح احسبه بس مؤقت وبعدها مفعوله يختفي..
أنتي أي نوع من الملح استخدمتي ؟!!
الملح لازم يكون بحري و طبيعي 100% .. و أظن أن النوع هذا متوفر بكثرة في دول الخليج
و تعمليه كالتالي جيبي طشت و حطي فيه ماء ساخن اللي تقدري تتحمليه .. حطي فيه ملح بحري اللي يخليه معادل لملوحة البحر .. عبي سطل بماء ساخن جدا و قربيه جنب الطشت .. عشان اذا برد الماء تزيديه .. انزعي ثيابك كلها و حطي منشفه فقط على ظهرك و اكتافك من البرد .. اجلسي في الماء لمدة 20 دقيقة .. بعدها نشفي و البسي ثيابك و تدفي .. اياكي تتعرضي لبرد
اعملي هذا يوميا و بعد كل جماع ..
بعد ما تطلعي و تنشفي المنطقة حطي عليها زيت زيتون ..
و يرفع يمكن واحدة من البنات تدلك على طريقة أو دكتورة مناسبة ..
تمنياتي لك بالشفاء العاجل ..
هلا اختي يفضل انج تكشفين عند طبيبه لانه اذا كان الالتهاب قوي يمكن يأثر
i
innocent angel
عروس مشرقة
25-05-2008 | 07:31 PM
اختي انتي ببداية الزواج؟
لان انا فاول شهرين بغيت اموت
احس بجرح بس مدري وين
والدكتورة عطتني كريم وتحميلة والحمدلله صرت وايد اشوى
لكن الألم يرجع لي في كل مرة يرجع زوجي من السفر لانه يسافر 4 اشهر ويرجع
والحين بيرجع بعد شهر بالسلامة
خيتوووو اذا فيج التهاب انه انصحج روحي المستشفى لاتخلين روحج لان الالتهاب بلووووووه ومب زين بليز خيتووو روحي لاتهملين روحج مثلي واذا رحتي خبريني وان شاء الله خير
د
دلوعة محمداني
عروس برونزية
25-05-2008 | 08:41 PM
الغالية رووووحي المستشفى على طول
انا اهملت الالتهاب
و استوتلي قرحة ف عنق الرحم
و ما انشلت ال بالكي بالتبريد
هلا حبيباتي
العهد
مريم نور
popular girl
innocent angel
ام نبراسي
دلوعة محمداني
اشكركم على اهتمامكم والله استانس اذا حد يرد لان ماعندي حد اسأله
انا اليوم رحت حق دكتووورة وقالت لي بتشوف المكان باااااااااال بالغصب رضيت اول مرة وماستوعبت وشوي اصيح
وبعدين حطت شي يألم بس مادري شنوووو في حد يعرف
و عطتني تحاميل لمدة 3 أيام شكلها دائري
بس ماسألتها شلون احين بس احطهم وانام ولا شاسوي
ولازم تروح داخل
وبعدين انا سمعت ان لازم ابتعد عن الجماع
بس مادري كم يوم لين ااخف
؟؟؟
ردوا علي حبيباتي
د
دلوعة محمداني
عروس برونزية
26-05-2008 | 04:24 PM
هلا الشيخة بالنسبة للشي اللي دخلته فيج
هذي حديدة تفتح فيها عنق الرحم عشان تتاكد من نوعية الالتهاب
و التحاميل هذي تحطينها لمدة 3 ايام
تدخلينها باصبعج لاقصى حد تقدرين عليه قبل ما تنامين
و طول فترة العلاج لازم تبتعدين عن الجماع
و لازم زوجج بعد يدهن عضوه ب كريم إسألي الدكتورة عنه
عشان تظمنين ان ما يرجعلج الالتهاب
و ما عليج شر ان شاء الله
و الله يعين الحريييييييييم ..!!!
حبيبتي دلوعة محمداني
امس في الليل قبل ما انام حطيت التحميلة وكان كل شي اووكي في البداية
بس عقب فترة بسيطة ماقدرت حرقة و احساس بحكة
تمتيت ربع ساعة وانا اناقز مب قادرة مع اني حاولت ماوقف
بسعقب ماقدرت رحت وغسلت وبعد زادت الحرقة وماخفت الا عقب ساعة والله
يعني كل الحريم يصير لهم جذي مع التحاميل
؟؟؟؟؟؟؟؟ظ
دبـدوبـتـه;6144798:
حبيبتي دلوعة محمداني
امس في الليل قبل ما انام حطيت التحميلة وكان كل شي اووكي في البداية
بس عقب فترة بسيطة ماقدرت حرقة و احساس بحكة
تمتيت ربع ساعة وانا اناقز مب قادرة مع اني حاولت ماوقف
بسعقب ماقدرت رحت وغسلت وبعد زادت الحرقة وماخفت الا عقب ساعة والله
يعني كل الحريم يصير لهم جذي مع التحاميل
؟؟؟؟؟؟؟؟ظ
انا من فترة بسيطة كنت اتعالج م الالتهاب ووصفتلي الطبيبة تحميلة يوم بعد يوم وفعلا اول تحميلة استوالي نفس الشي بس صبرت والمرة الثانية اخف وبعدين راحت الحرقة وحسب النشرة المرفقة مكتوب انه عادي يصير هالشي ف البداية
تسلمين فديتج
والله امس صحت صياح
د
دلوعة محمداني
عروس برونزية
27-05-2008 | 04:13 PM
دبدوبته ..
عادي اختي تصير لانج توج بادية بالعلاج
اصبري لين تنتهي فترة العلاج و ان شاء الله تخفين من بعدها
و الله يهون عليج يارب
اولا الف سلامه عليكى
طالما الالتهابات جدا فظيعه بهاى الشكل كان لازم الدكتورة تعطيكى دواء بالفم برشامه واحدة بتتاخد مرة واحدة تقضى على الالتهابات اسمها ديفلوكان اسالى عليها
والمرهم كويس برضه(w)(w)(w)(w)
ب
بنت امي و ابوي
عروس رائعة
05-06-2008 | 09:03 PM
فديتج انا ف بداية عرسي جي استوا حرقه و حكه و خاصه في الجماعه رحت للدكتوورة قالت لي التهاب ف المثانه
بس ما عطتني تحاميل عطتني حبوب مثل المضاد و فوار و الحمدلله 5 ايام و راحت...
و فديتج كثري من شرب الماي ...
حمدلله على سلامتك اختي كل وحده وعلى حسب التهابتها والمفروض انك ماتستحين من الدكتورة تسالينها كل شي التحاميل يكون معاها جهاز مثل القلم دخليه لاقصى حد واضغطي علشان تطلع التحميله منه ومافي جماع بهالوقت وانا دكتورتي وصفتلي غسول مهبلي كل يوم قبل النوم ماوصفتلك هالشي المهم المرة الجاية لاتستحي وقولي اللي بخاطرك
فديتكم حبيباتي على الردود والله طيبتو ا خاطري
ماستغنى عنكم