لو تقدم لك شاب يشتغل على ميكرو باص ؟

أوافق طبعاً ..

على العكس هذا عز الطلب ..

متدين و خلوق و ابن ناس كرام .. و فوق هذا مزية أنو منتف و ما عنده فلوس ..

الرجال من هذا النوع يكون منكسر .. و التعامل معاه سهل

و بمعلومك المال يورث البطر ..

أما المكانة الاجتماعية التي قد يؤثر عليها نوع عمله فأنا لا أقيم لها وزناً ..

والله عادي انا قد خطبني واحد هذي شغلته وعادي اهم شي الدين والاخلاق بس ماصار نصيب الله يوفق الجميع

عمره ما كان الشغل عيب المهم الانسان متدين وعلى خلق

انا مع كلام الاخوات الكريمات ...لانه فعلا الشغل مو عيب. والدين والاخلاق زينة الرجل..والراي اولا واخيرا يرجع لك ..لو ما كنتي مقتنعة عمرك ما حتعيشي سعيدة ( القناعة كنز لا يفنى )

الارزاق بايد الله ... ومتى ماجا النصيب مافي شي يوقفه

انا زوجي يوم يخطبني كان توه متخرج .. يعني عاطل عن العمل وانا وافقت.. ووقفت وياه لين وقف على روجله

ومااعتقد بوقفني نوع وظيفته اذا كنت مقتنعه بالرجال وبأخلاقة

بظبط .. انا كمان المال ما يهمني كثير ولا نظرة المجتمع لانه الشغل ما هو عيب العيب الرجال لما يكون عاطل عن العمل واعتمادي ,,, حتى لو كناس ما عندي مشكلة بكرة بفضل الله بيصير وضعه احسن .. وممكن المليونير يصير كناس .. اللي يبقى هو الاخلاق الحسنة ...بس المادة مهمة ولو على الاقل يكون يقدر يوفر لي حياة كريمة ((يعني من اكل وشرب مكان للنوم)) ... ومع الوقت مع الطموحات اي احد يكون واحسن ووضعه ممكن يتصلح ..

يابنت الحلال ترى اللي فلوسة شوي


يحبك ويحافظ عليك ولا يتزواج


واهم شي دين وش تبين بعد


تقبلي مروري

كلامكم صحيح امكن الفقير والي على قد حاله يسعدك ويدلعك والغني يبخل عليكي

ويضربك وامكن يتزوج عليكي بعد وما تحصلي منه الا الجفاف


والواحد الي يحكم تصرفه هو اخلاقه ودينه

انا بالنسبة لي وبكل صراحه ماراح ارضى وذلك لاسباب كثيره
اولها، ممكن تقولين والله الريال زين ومافيه شي واهم شي الاخلاق بس هذا كلام غير عن الفعل وعن الواقع
يعني اذا انتي عايشة في بيت ابوج وطول عمرج متعوده على مستوى معين وعلى حياة معينة وانتي بكبرج متبرمجه على شي
يعني مثلا الحين انا ادرس بالجامعه، من بيدفع مصاريف جامعتي؟؟؟ وين بنسكن؟؟؟ طيب ممكن اسكن بالبيت معاه
وبعدين؟؟ العيال وين بيقعدون كيف بنصرف عليهم
يمكن ناس بيقولون المفروض ماتفكرون بالمستقبل بس الواحد لازم بتمر هالافكار على باله

وانا من رايي ان هالشي يعتمد على شخصية كل وحده منا
في ناس يقدرون يتكيفون وفي ناس لا
وبعدين انتوا قعدتوا تفكرون اما الواحد ماعنده فلوس ولا يكون غني وفلوسه زايده
طيب احنا اغلبنا اوضاعنا تكون بالنص وفلوسنا على قدنا

واعتقد ان كل وحده المفروض ترتبط بشخص يكون من مستواها سواء مادي او تعليمي او اجتماعي الخ الخ
لان هالشي له تأثيراته الكبيره وممكن يسبب المشاكل

واخيرا انا ممكن ارتبط بشخص براتب ضعيف جدا بشرررط انه يكون مجتهد وعنده طموووح مثلا ومابيرضى انه يتم على هالوضع طول عمره يعني مثلا يشتغل سايق وهو يدرس في الجامعه في نفس الوقت وناوي يطور من روحه، في هذي الحاله فقط ممكن اني ارضى به
بس ماراح ارضى بشخص ماعنده طموح ويائس، لان برايي اي واحد اذا حط في باله شي ممكن يحققه، بتقولون هاذي وايد تحلم بس صج انا مقتنعه بهالشي

ومن تجربه شخصيه انا تقدم لي واحد عنده شغله ممكن تعتبر زينه وعنده سكن مستقل بروحه وشكله اللي يشوفه مايقول انه من هني يعني العيون زرقة واشقر والكل يمدح فيه انه طيب واخلاق
بس مارضيت به، ليش؟؟؟ عشان ماعنده الا شهادة اعداديه يعني متوسطه بس
فعرفت ان هالشخص مايناسبني لان انا تفكيري غير وعندي طموح ودايما احب اتطور بس هو وقف عند هالحد وماتعب عمره حتى انه يكمل ثانويه على الاقل فحسيت ان ماراح نتناسب في التفكير

احس اني وايد طلعت من الموضوع
وكأني خربطت وايد بس ان شاءالله وصلت وجهة نظري

ايه ممكن ليش لاا يمكن الله يفتحه عليه بعد الزواج ويرزقه ماتدرين

أنا الشوق;6126728:




ومن تجربه شخصيه انا تقدم لي واحد عنده شغله ممكن تعتبر زينه وعنده سكن مستقل بروحه وشكله اللي يشوفه مايقول انه من هني يعني العيون زرقة واشقر والكل يمدح فيه انه طيب واخلاق
بس مارضيت به، ليش؟؟؟ عشان ماعنده الا شهادة اعداديه يعني متوسطه بس
فعرفت ان هالشخص مايناسبني لان انا تفكيري غير وعندي طموح ودايما احب اتطور بس هو وقف عند هالحد وماتعب عمره حتى انه يكمل ثانويه على الاقل فحسيت ان ماراح نتناسب في التفكير

احس اني وايد طلعت من الموضوع
وكأني خربطت وايد بس ان شاءالله وصلت وجهة نظري

أختي الشهادة مو كل شي والطمووح مو بالشهادة بس الطموح انه يطور من عمله ووظيفته ووضعه وياما جامعيين ماعندهم طمووح اغلب من ياخذ شهاادة الآآن ياخذها عشان البرستيج ويتفاخر امام الناس انه جامعي لكن تعالي تناقشي معااه تلاقينه تافه ومابراسه عقل وتفكيره محدود

وبعدين بيل غيتس ماعنده شهادة طلع من الجامعة وتركهاا يعني ماعنده طمووح واغنى رجل في العالم
اينتشتاين ونيوتم ماعندهم شهادات وماكملوا دراستهم لكن سووواا اللي محد سوااه يعني ماعندهم طمووح

الطموح شي والشهادة شي ثاني

اذا كان الميكروباص للبنات وتوصيل مدرسات وهالخرابيط
اكيد ما اقبل نهائيا لان بيكون يتكلم زي الحريم واختلاطه معهم اكيد بيأثر علي
بس لو كان لرجال يمكن عادي
تحياتي

انا مع الاخت عذب القوافي وفي النهاية هذا قرارج انتي وهاذي حياتج وبالتوفيج

انا اكيد راح اوافق دام انة ابن ناس وخلوق ودين ... واذا كان طموح بيوصل للعاااااااااااااااااااااااااااااااالي يا ما في ناس تزوجوا وهم مرتاحين جارت عليهم الظروف ورجعوا يشتغوا مثل هذي الشغلات . بعدين طالما اي شغل بالحلال ماااااااااااااااااااااااااا فية عيب ابدا بالعكس ..

كل وجهات النظر مقبوله وتسلمو يالغلا

اهم شيء في الرجل الاخلاق والتدين ومن عائله كريمه
يكفي مو مهم الفلوس

في شعار يقول(مين قال الشغل ) ,, والفلوس مو كل شي في الحياه ,,, في نااس عايشين على تااكسي

وعلى مايكروباص ,,, وعايشين حياة جداااااااااااااااااااا رائعه ومثاليه ,,, وفي ناس حياتهم كلها صرفياات وفلووس وفشخره

وهما مااعندهم تفااهم ولاحب و الفلوس تعمي عيوونهم ,,,

مشكوره على الموضوع الرائع

احنا في قطر ماعندنا قطري يرضى يسوق تاكسي او باص او اي وظيفه تكون اقل من مسمى موظف

يعني له مكتب خاااص فيه ومكان فيه تكييف وراحه

اما لو جاني واحد يخطبني بصراحه في مجتمعنا صعب صعب صعب اوافق عليه

واهلي اول من يرفض مش عشان فلوس وحاجه بس المجتمع يرفض هالشي

مريــم نور;6115556:
أوافق طبعاً ..

على العكس هذا عز الطلب ..

متدين و خلوق و ابن ناس كرام .. و فوق هذا مزية أنو منتف و ما عنده فلوس ..

الرجال من هذا النوع يكون منكسر .. و التعامل معاه سهل

و بمعلومك المال يورث البطر ..

أما المكانة الاجتماعية التي قد يؤثر عليها نوع عمله فأنا لا أقيم لها وزناً ..

وانا فعلا مع رأيك (y)