شوووو فيــــــــــــــــــــــيني؟؟

ولا لاني تعرضت من 3 شهور لمشاكل وضغوطات نفسية وانهيااار عصبي للاسف ودخلت المستشفى؟

دلوعةحناني;6099648:
حبيبتي هالحاله غريبه والله
بس احتمال تكون اكتئاب من اشياء معينه صارت لك
والانسان طبيب نفسه يعني انتي لازم تجلسين مع نفسك وتعددين نعم الله عليك الي الكثيرات يتمنونها
صحه ومال واهل وزوج كل هالنعم وانتي تبين الموت
شوفي انا ما ابي اتفلسف عليك
بس قسما بالله الحال من بعضه انا زيك مخطوبه وكل الامور تمام واهلي زينين معي واموت في شي اسمه تكشخ وطلعه ومشتريات بس تجيني ايام او اسابيع يوووووووه احس اني بجنازه واحس بثقل بجسمي وتعب ومابي اتحرك ولا لي خلق على شي وحتى افتعل مشكله ويا الكل علشان اجلس بروحي بس تعرفين شنو السبب؟؟
البعد عن الله صح اصلي بس قليل اسمع قران او ادعي او اصلي نوافل علشان كذا بديت اذا جاتني هالحاله اتعوذ من ابليس واصلي بكثره ودوم استغفر واحمد ربي على النعمه الي انا فيها وارتاح كثير
لان هذا الشيطان يوسوس لك انك منتي مرتاحه وفي شي مضيق صدرك
الا بذكر الله تطمئن القلوب
كثري من التقرب لله عزوجل وبتشوفين التغير للافضل انشالله
تحياتي

المجدليه;6099679:
السلام عليكم ورحمة الله وبركاته

اختي انتي لازم تروحين لطبيب نفسي مو معقوله فترة الخطوبه من احلى مراحل العمر ومن الفترات اللي الوحده لا يمكن تنساها اكيد الضغوط والمشاكل اللي مريتي فيها هي السبب

روحي لطبيب نفسي وشوفي اكيد بتلاقين الحل المناسب

وبعدين اطلعي انتي وخطيبك وتكلموا بالتلفون كثير تروح الكآبه صدقيني

صح وتذكرت

جربي الرقيه الشرعيه يمكن تكون عين جايتك ماتدرين

الله يسعدك بالدنيا والآخره

شمس حياته;6100652:
الغالية ..الحالة هذي معرووووووووفة قبل الزواج سبحان الله جنه خوف العقل الباطن من المجهول ..انا صارلي مثلج خمس شهور لا ليلي ليل و لا نهاري نهار..حتى الاكل ما كنت اقدر اكل و ضعفت تقريبا 6-7 كيلو..بس اول ما خلصنا من هم مسؤولية العرس راحت عني هالحالة مع انه مرات كنت اقوم من النوم و انا حاسة بهالشعور المهم راح الهم بسرعة مع الايام الحمدلله..حتى قريباتي و صديقاتي صارلهم نفس الشي لا تحاتين لا فيج مرض و لا شي لا سمح الله..نصيحة مني الصلاة و قراءة القران تريييح وااااااايد و حاولي تستمتعين بالتجهيز و تطلعين و تنسين نفسج..و حطي فبالج انه الله بيسرلج كل شي باذن الله..الله يوفقج و يريح بالج..

ساعة غروب;6101149:
اختي العزيزة هذا السبب الرئيسي دخولجامستشفى وحالة الانهيار العصبي وانتي في عمر الزهور 21 سنه احلى عمر

ومخطوبة ما شاء الله ومبين انج من حبج للطلعات انج كنت نفس الفراشة بروحها ولطفها وخفة ظلها والمشكلة اللي سببت انهيار عصبي اكسرت داخلج معنى الفرحة اعتقد كلامي صح ولا انتي شرايج

انسي كل اللي مريتي فيه وادري صعب بس حاولي ، حاولي ترجعين نفس قبل وانا متأكدة انج تقدرين لان مستحيل اقبالج على الحياة واقبالج على الناس بضحك وروح الفكاهة اللي كانت قبل الامستشفى مستحيل انه تنتهي بمشكلة نفس هذي ترى اختي الحياة فيها امتحانات من رب العالمين يشوف صبرج عليها ،، ذكري الله وتعوذي من ابليس ولا تخلين نفسج ضعيفة في مهب الريح خلج قويه ولا يهزج شيء خلي امانج بالله اقوى ترى الانسان من النسيان وهذي صفة لازم نحمدالله عليها ..

ياللع عاد بسج قومي جهزي حق زواجج وتشري كل مستلزماتج ما بقى شي خلج قويه حبوبة اقدمي على الحياة مثل اول واحسن ترى العذاب ما تستهلينه ولا يستاهله خطيبج واهلج ترى الكل ينتظر احلى عروس في احلى حفل عرس ان شاء الله

اتمنى لج التوفيق والسداد