هل تبلغين اقربائك بانك تخضعين لعلاج لاجل الحمل؟؟

انا يابنات مشكلتي هرمون الحليب
وما تصدقون اذا قلت لكم اهلي واهل زوجي يدرون بس ما يدرون با التفاصيل اللي بيني وبين زوجي عند الدكتور بس يسالون نزل اولا وانا اقول ان شاء الله الله كريم وانا اشوف الموضوع عادي لانه تلقائيا اذا تاخرتي ما حملتي راح يسألون ....يعني سالين سالين مافي مجال خلهم يدرون ماراح يضرني شي اذا اعرفوا كل شي بيد الله سبحانه وتعالى انا عارفه بتقولون انه موضوع حساس ويمكن يجرح احيانا وانا
الحمدلله اهل زوجي متفهمين علشان كذا الامر عادي
ومشكوره حبيبتي على الموضوع الحلو
والله يرزقنا يارب

امي وأخواتي وصديقاتي المقربات كلهم يدرون بالتفصيل

الواحد مهما كان محتاج يفضفض ومحتاج حد يخفف عليه

لكان باقي الناس لا وألف لا

انا اول مااخذت منشطات ابر خبرت امي و اختي

و كم صديقه و بصراحه ندمت اول شي على الصديقات اللي قلتلهم

و مستحيل افكر اقوللهم مره ثانيه

و اهلي ندمت لاني تعبتهم وايد و يكفي لمن تجي الدورة اسويلهم عزا و بجي و حاله

باطفال الانابيب خبرت بس اختي و صديقتين مقربات الي وبصراحه وايد خففوا علي

بس بعد ارجع واقول وااايد تعبتهم و خاصتا اختي حبيبتي وايد تعبتها نفسيا لانها عاشت معاي اللحظات كلها و طبعا بعد الفشل وايد تحطمنا

والحين ناويه باذن الله اذا ابدي بالعلاج ماراح اخبر هالمره ايي احد كفايه وايد تعبتهم معاي

خلاص انا مكتوب علي هالشي هذا مايصير اتعب احد معاي

ولو اقدر مااقول لزوجي كان بعد ماقلت

ومااقول غير الله يفرجها علينا و يريحنا من هم العلاج و يرزقنا و يعوض صبرنا خييير يارب ياكريم

و يرزق كل بنت بالزوج الصالح يارب

انا اتفق مع الاخت ام فضولي لان الصراحه اذا كانوا الاهل يضايقونج... لا تقولين لهم بس اذا الاهل يساندونج عادي بالعكس بتشوفين الي يشجعج.. وهم هلج خواتج وامج ..
بس انا خبرت خواتي واخوي لان كانو يسالوني واجد واختي طبعا تجي معاي مواعيدي... فتعرف وتناقش دوم ... اخوي هو الي يشجعني ع العلاج لما صار لي سنه.. وهو يحن علي..لانه يحبني وايد فيخاف علي لازم تروحين وتشوفين ايش المشكله ..
بس اهل الزوج ابعدي عنهم بيسالونج كل يوم حتى لو كنتي معاهم بنفس البيت ... :)

انا عن نفسي ماما وبابا واخواتي يعرفو وابو زوجي وصحباتي وقريباتي بس مو كلهم وخالاتي والحمدلله مافي احد بيسألني او يجرحني وكلهم يقولولي بدري وقريباتي اللي حكيتهم نفس حالتي كلنا متأخرات في الحمل

انا اهلى بس يدرون امى وخواتى مش مكبرات الموضوع عاااادى يقولون لسه بدرى بس عمتى تدرى بس ساكته

انا عن نفسي ما احب احد يعرف شي عني
بيني وبين زوجي فقط

لكن مره ام زوجي شافت دواء هرمون الحليب وسألتني
هذي لمين وانا ارتبكت لانها عارفه هذا الدواء بالذات
لان بنتها زي حالتي وماقدرت اكذب وعرفت
بس انها ماعرفت ان زوجي عنده مشكله
وهذا الشي الي ماابغى احد يعرفه علشان ما احرج زوجي

والله يعينا ويرزقنا الذرية الصالحه

ادعوووووووووووووولي أحمل هالشهر

شكرا خواتي على مشاركتنا بتجاربكم و رايكم في الموضوع ..

و ربي ييسر لكم و يرزق الجميع بالذريه الصالحه ان شاء الله

تدرين انا قلت لامي عشان تدعي لي

لاتنسين دعوه الام مافي مثلها

لكن ماتعرف التفاصيل اكيد


اما اهل زوجي وبنات عمي واقاربي لاااااااا


انا ماقلت لهم وهم يرمون كلام كيف لو قلت لهم


يووووووووووووووووووووووه يزوجونه على طول هههههه

والحمدلله ربي اكرمني وتفضلي على ورزقني بالحمل اخير

بعد محواله دامت اربع سنوات الله يثبته ويجعله ولد صالح بار

عبير: ربي يثبت حملج و يتمم لج على خير و تقومين بالسلامه انتي و البيبي ان شاء الله

مرمر دائما مواضيعك رائعه نفس صاحبتها

وبالنسبه للعلاج انا ماعرف اسوي شي الا امي تدري فيه لان علاقتنا صداقه ولازم اهي الي تصبرني وتساعدني بس اهل زوجي مستحيل اقولهم الحين انا ماقلت لهم وماسلمت من النغزات بعد يدرون وهم منبهه زوجي مايقول ماله داعي يعرفون وحتى اذا الله كتب وحملت ماراح اقول انا بسوي نفس مايسون فيني اذا احد حمل من حمواتي او حريم حمواني محد يقول الا بعد جم شهر وصج الناس مو كفو

اني علمت اهلي وياريت ماعلمتهم صارو يتكلمو في الموضوع قدام الكل مع اني قلت لامي وابوي اني ما ابغا احد يعرف لكن لا حياة لمن تنداي يتكلموا قدام الجميع وخبرو الكل وحتى كلامهم جارح ومهين للحين مو قادره انساه الله يسامحهم واهل زوجي بعد اعظم للحين يفكرو ان احنا كذبنا عليهم واني السبب وهاتي يا اهانات وكلام جارح ونغزات ماليها معنى

للالالالالالا مستحيل اعلم حد غير امي

انا علمت امي وياليتني ماعلمتها ماخلت احد ماعرف وكل مااحد ولد ولا حامل تناظر فيني

زوجي مايسكت كل شي يقوله لامه وامه تجي وتسأل وماتخلي احد مايعرف

اختي الحين بتولد وانا اخاف من كلام الناس اااااهـ

الله يرزقني وكل المحرومات اطفالا اصحاء ليس في خلقهم زياده ولا نقصان ياكريم

الله يكتب لنا الاجر يارب

المشكله ان الامهات من خوفهم و قلقهم الزايد ...و لان هم بعد يتضايقون علشان يقومون يفضفضون لشخص ثاني ما يدرون ان ممكن هذا الشخص يعق كلام يكون جارح


على فكره ترى مثل ما نحن نسمع كلام جارح بعد امهاتنا ربي يحبفظهم بعد يسمعون من صديقاتهم و الاقارب و خاصه اذا في وحده بنتها تزوجك وياج و هي ما شاء الله صار عندها العدد الفلاني من الاطفال و نحن بعدنا يالسين ننتظر ...الله يعينهم شايلين همنا

الله يهون على الجميع و يصبرنا و يرزق الجميع بالذريه الصالحه ان شاء الله

و شكرا لكم خواتي على مداخلاتكم و تجاربكم بالموضوع

انا عن نفسي ما احب اخبر حد بيني وبين ريلي؟؟؟؟؟؟؟؟؟؟؟ صح ان اسئلتهم كثيرة بس الله المستعان والله عبالهم انا بايدنا والله لو بايدينا جان حملنا من اول يوم بس شو نقول غير الحمدالله ع كل حال

هاذي اشياء شخصية وصعب احكي لاي احد ...إلا ماما وخواتي وبس

بالنسبة ليا مااحب اقول الا لماما الله يطول في عمرها واخواتي بس

الله يوفق الجميع في رحلتو العلاجية ويرزقنا الذرية الصالحة تامة الخلق والخلقة

الشهر دة اول مرة اتعالج .........................وعرفت ماما بس

ربي يخلي لكم امهاتكم ان شاء الله و يوشوفونكم امهات في القريب العاجل ان شاء الله و تفرحون قلوبهم ان شاء الله