مطلوب معرفة نوع وماركة مكياج

بنوتة الدوحه 20-05-2008 9 رد 1,250 مشاهدة
ب
السلام عليكم ورحمة الله وبركاتة

اشلونكم خواتي؟ يارب تكونون بخير وعافيه

حبيتكم اتساعدوني يالغاليات في معرفة نوع المكياج الموجود بالصوره اللي ارفقها مع الموضوع لان بصراحه وحده من رفيجاتي شافته بمجله وخذت صوره له بس الحين ماتتذكر الاسم وانا محتاجه هالنوع من المكياج

انا قالولي انه ماينباع الا بلبنان بس انا ماعتقد ان هالكلام صح

اتمنى من الاخوات اللي يعرفونه ومتأكدين منه انهم يخبروني عن اسمه ووين ينباع او عالاقل اسم

هذا صورته



وشاكره لكم كل الشكر

اختكم بنوتة الدوحه
ق
كأنه كونسيلر كريولاين



اذا هو تراه رووعه انصحج فيـه ؛)

ان شاء الله اكون افدتج
ب
ان شاءالله يكون هو والله يشبهه بصراحه

بس اتمنى من اللي متأكد يقولي مع ان شكله :)

اختي هذا ينباع بالخليج؟ واشلون اسمه بالانجليزي ينكتب؟
أ
بنوته هذا تحصلينه في صالون قنطار اللي في مجمع البستان اللي جنب السد بلازا

بس طبعا سعره مضروب في 3

اذا تعرفين حد يجيبه لك من برا احسن لك

اما اذا مضطره .. فأمرك لله ..
ق
بنوتة الدوحه;6081702:
ان شاءالله يكون هو والله يشبهه بصراحه

بس اتمنى من اللي متأكد يقولي مع ان شكله :)

اختي هذا ينباع بالخليج؟ واشلون اسمه بالانجليزي ينكتب؟


هلا حبيبتي


بالكويت ينباع عندنا بالجابريه (( الوكيل )) والفروانيه ((محل عروس البحر ))

اسمه بالانجليزي kryolan
ب
السلام عليكم

يعطيكم الف عافيه والله انكم ماقصرتو معاي وفعلا طلع هو اللي نبيه

بحاول ان شاءالله اجيبه من الكويت لان مثل ماقالت الاخت اماني ان الاسعار وايد مبالغين فيها

وجزاكم الله خير
l
حبوبة .. يبيعون في صالون قنطار ..في الدوحة..
أ
الماركة موجوده عندنا
واتوقع الاسعار ارخص لان اللي اعرفه ان انتوا ماعندكم وكيل له
ب
جزاكم الله الف خير خواتي
بصراحه اتصلت في الصالون وفعلا اسعارهم مبالغ فيها ان شاءالله بحاول اجيبه من بره

ماقصرتو
اختكم بنوتة الدوحه :)
@
هذا كونسيلر كريولان عندكم مثل ماقالو الخوات في صالون قنطار ودبي بعد في محلات اسمها قنطار اما في البحرين في محل كريولان نفسه في السيف والدانه وسعره على ما اعتقد 9 دينار بس تراه صح روعه
X