هل أنتي مع أم ضد هذه العادة؟؟؟

ضد هذا الموضوع ، لانه في اشياء تظل سر عن الرجل

انا اشوف انه شي عادي جداً والثقه مالها علاقه بهالشي ليش اذا زوجك فتح جوالك تعتبر عدم ثقه لا والف لا
انا افتح جوال زوجي باي وقت وهو يفتح جوالي ومافيه بينا شي اسمه خاص لان الشي مايستدعي ومدام انا واثقه من نفسي ليش ازعل بالعكس حلو ان الزوج والزوجه يكونون شي واحد بس النسوان ماينعرف لهم اذا ماخلها الزوج تشوف جواله قالت اكيد فيه شي وقامت تشك فيك واذا شافت قالت لازم يصير فيه خصوصيه
والله دنيا عجيبه ممكن انتي تكونيني زعلتي انه رد عليك برساله ممكن ماله داعي يرسل بس انا ارد واقول حلوووو ان الزوجين يصير ون متطلعين على بعض

يفتح جوالي و بحضوري ومو من ورااي مو مشكله

لكن يرد على مسجاتي الخاصه خييييييييير انشا الله

لا ماراح ارضى ابدا

وبعدين انا متعوده المسجات الخاصه امسحها اول باول

انا مع و مع و مع و مع ومع ومع ومع هذا الموضوع
مفيييييييش خصوصية بين الزوجين

لا انا مع هالعادة احنا زوجين ومابينا خصوصيات

وزوجي اغلى عندي من كل الحريم وسوالف الحريم

واذا يرضيه انه يفتح تلفوني يفتحه عادي انا قبل لااسلمه الجوال

سلمته قلبي وحياتي وكياني وانا متأكدة اني

(سلمتهم للانسان اللي يستاهل وراح يحبني ويحافظ علي)

الثقة موجودة ولأنها موجودة انا امسك جواله وهو يمسك جوالي عااااااادي مافيها شي...

بس ماتوصل لأنه يرد على صديقاتي وانا ارد على ربعه....

وانا لما امسك تلفونه امسكه وانا حاطة راسي على صدره وفي قمة الحب والراحة معاه

مب في لحظات شك وغيره...

والمفروض ان اللي تبي تقول شي خاص وسري تنطرني لين ارد عليها وتقول اللي تبيه

ومليون بالمية راح يكون الكلام بيني وبينها بس

مب ترسل مسج وتلومني اذا زوجي قراه...

عقب الزواج صرنا أنا وزوجي روح وحدة في جسدين....

انا اكتب مذكراتي لزوجي اذا كان بعيد ولا مسافر ولما يرجع اقعد

معاه عالسرير واقرا له اللي كتبته سواء كان حب ولا شوق ولا عصبية ولا هواش

ومابينا اي زعل بالعكس يضحك ويحاول يراضيني (وانا مب زعلانة بس اتدلع عليه)

الزواج مافيه شي اسمه خصوصيات انا استغرب ان الوحدة تكون مع زوجها في بيت واحد

وكل واحد فيهم قافل تلفونه بكود نمبر.... هذا زواج هاذي هي الثقة اللي تتكلمون عنها..

انا ماتكلم عن كل الازواج لأن اصابع اليد مو سوا

انا اتكلم عن نفسي وعن اللي مثلي...

والله لايغير علينا انا والغالي ويحفظ لنا حبنا ويخلينا لبعض وعساني ماانحرم منه..

طبعاً أنا ضدحتى زوجي مايحب

شي عادي جدا ان انا افتح رسايله واشوفها وهو بعد عادي عندي يفتح رسايلي
الغلط هني مو في فتاح الرسايل الغلط في انه يرد هذا غلط واني ما ارضى فيه ولا اكيد زوجي بيرضى فيه اما عن انه يفتح ويقرا شي عااااااادي جدااا

اكيد ضد

بصراحه انا اشوفو شي عادي

انا بصراحه مع هالعاده وعادي جدا والزوج وزوجته مابينهم شي

وانا دئما افتح جواله واقراء رسايله
واهو كمان يفتح جوالي ويقراء رسايلي

(((((وانا ضد الخصوصيه بين الزوجين)))))

هذا الشي يعتمد على كل زوجين..90% او اكثر من الرجال ما يرضو بهالشي
بس بالنسبة لي عادي صراحة

عادي يفتح جوالي زي انا افتح جواله
بس الرسائل الخاصه زي سوالف انا والبنات
في حافظه وما يفتحها
واي رساله جديدة مايفتحها
بس عااااد قوووووويه يرسل لك بجوالها
مابي اظلمها بس هي يمكن مسويه
حركة تصريييييف
زي وحده من البنات سوت علي كذاااا
اكتشفت انههااا هي

و عليكم السلام و رحمة الله و بركاته
انا ضد هالعاده و ارفضها رفضا تاما لاني اعتبر الرسائل اللي توصلني امانه عندي و ما لازم يشوفها غيري حتى لو كان فيها كلام عادي
و مثل ما انا ما ارضى انو وحده من صحباتي او من العيله توري مسجاتي لاي حد انا ما ارضاه لغيري

شكرا لك أختي أما بالنسبه لي فما أحب أفتح جوال زوجي وهو أيضا كذالك وأحنا نتبادل كل اللأحترام ولكن يجب إحترام الخصوصيات بين أفراد الأسره

¤¦¤ glbUaE ¤¦¤;6187302:
وانا ضـد وبقوهـ

واكرهـ هالعادهأ

^.^

الصراحة كل واحد من الزوجين له خصوصياته

وما يصير انه الواحد يتلقف في خصوصية التاني ولو كان زوجها:15:

مع هالعاده
ومافي سبب يمنعني او يمنعه يفتح رسايلي او افتح رسايله واذا هو رفض
انا بزعل وبشك اكيد
تحياتي انا مع الاخت دلوعة حناني .. بس طبعا ماراح يتلقف ويرسل الاختي .......

انا بصراحها اشوفه شي عادي انه يفتح موبايلي
لان مااعتقد انه في خصوصيات بين الزوج والزوجه

بس انه يرد لا كفايه يفتح المسجات

طبعا ضد
لازم يكون فيه ثقه من بينهم
لا اتقولون هالشي ما يخصه فالثقه
شو يبا المسجات قلن عشان يشوف مسجات الحرمه
السموحه

أنا بالنسبة لي عادي بس اللي مب عادي انه طرش لج مسج !! يعني هذي العيب اشلون ايرد عليج و يقولج راقده