الصراحة بقولكم شي في خاطري شمسة المهيري

السلام عليكم

خواتي اللي كاتبه الموضوع واللي يردون عليها أولاً: اذكروا الله
ثانياً: في فرق بين الحجاب والعباية اللي تلبسها البنت المسلمة في طلعتها في الشارع وبين اللي تلبسها في المناسبات
وكل وحدة مسؤولة عن نفسها وهي التي تحاسب، والبنت المستورة الخايفة ربها أكيد تحاسب نفسها قبل لا يحاسبها أي حد
أنا ما أفتي بس اللي تبيع فستان هل تعرف وين البنت بتلبسه؟ واللي تبيع عطر هل تعرف البنت متى بتتعطر به؟
والحق يقال أكثر التجاوزات تحدث في الأعراس سواء اللبس كان فستان أو عباية( على الرغم أن في الخليج الأعراس تكون منفصلة)

نسأل الله أن يسترنا ومثل ما قلت كل وحدة مسوؤلة عن نفسها

شوفي شمسه في ناس يمكن ماعندهم علاقااات وحياتهم عامه
ماعندهم شئ حق اعرااس شئ حق زياراااات
الواحد للسوق للاماكن العااامه مايلبس جيه
هي البنت تحطهم للمنااسبات
بدال لا اروح البس فستاااان ومحد بيشوفه البس عبايه كشخه وحلوه
شمسه انا مصممه عباياااات والصراحه خبلتني عباياااااتج

يااخواتي انتبهوا الاخت تقول البسوها بالاعراس يعني بدل الفساتين

يعني انتي رايحة عرررس البسي هالعباية تحت عباية الراس وهي حلوة وساترة وللمناسبات

ومثل ماقالوا الاخوات الامارات يسمون الجلابية عباية انتبهوا يااخواتي الاخت ماقلت شي انتم شفيكم ؟

يعني سؤالي لكل وحدة دخلت الموضوع من تروحين عرس وتدخلين القاعة شنو تكونين لابسة ؟

يعني قدام النساء لابسة عباية راس !!! والله ماصارت ولا شفنا وحدة جالسة بالقاعة لابسة عباية راس


يااخواتي حبذا تفهمون قصد الاخت تقصد للمناسبات وبالمناسبات البسي هذي العباية او الجلابية

ساترة وانيقة والبسيها تحت عباية الراس ومن تدخلين القاعة تطلع الجلابية ساترتك .

رايي من راي الاخت

هلا حبيبتي شمسه اللي موعجبه عبياتك مافي داعي انها تسوي عباياتك دام انتي عيبنك فستمري وسوي لا تهتمي في كلام ناس واكي حبيبتي لا تقهري نفسك دام انتي قلتي حج الاعراس :21_207:

اللؤلؤه السوداء;6080260:
ان لله وان اليه رااجعوووووووون
يعني شمووسه بتتحكم في كل وحده تشتريهاا عباايتهاا؟؟
اضن كل وحده تعرف الحلاال من الحراام
يعني الحين الي يبيع المكيااج والعطوراات
بياخد ذنب البناات الي يحطوون فل ميكب في الشاارع؟؟ والكل يشم ريحه عطرهاا؟؟
والله غريب منطقكم
شموووسه لا تزعلين ولا تحطين في خاااطرش حبووبه

صح فديتج لاتحطين في خاطرج شي ولا تزعلين نفسج
تتهنين فيهم العبايات يارب :wink:

مرحبا اختي شمسه .. انا شفت موضوعج .. كان واضح جدا ان الدفه للاعراس .. فماله داعي المبالغه ,, ويا شعب لا يقرأ ... لو كنتو قريتو العنوان من البدايه في الموضوع السابق ما وصل الحال للمشاحنات والتجريح ..

تحياتي والله يوفقك يا اخت شمسه.....

ام جنى

السلام عليكم

والله اتشوقة اشوف العبايات اجوز تعجبني واشتري لاعراس

على كيفكم يا الربع ترى الكلام كلش واضح

جلابيات او عبايات لاعراس...وليس حجابات

تحياتي

الله يهديكم خواتي ,, مثل ماقالو الاخوات ,, في الامارات يقولون عن العبايه جلابيه ,, ف الاخت شمسه هذا هو قصدها استهدو بالله ولاتجرحوها

كلنا عارفين الحلال من الحرام والحمدلله

ما أدري ليش المغالطة ؟!!

أنتم تعرفون حق المعرفة أن هذي العبايات لا تستخدم لهذا الغرض في الغالب ..

و المجال هذا واسع و متشعب ..

و باب لما انفتح ما انقفل و لا قدر أحد يسيطر عليه ..

ثم و عفواً ..

لما شفتي أنو في عدم فهم بحكم اختلاف المجتمعات ليش ما تكلمتي و بينتي و ظهر هذا البيان من غيرك ؟!!

انا اسفه اخت شمسه بس ماكنت اعرف انو انتو في الامارات تجلسو بالعبي في الفرح

لأنو عندنا في السعوديه فساتين مانجلس بالعبي

واليوم وحده من صحباتي قالت لي انو البعض يجلس بالعبي

شمسه ماعليج منهم انتي كتبتي عبايات للاعراس وهم غشم ما يفهمون بقولج شغله ترى العبايات اللي حطيتيهم يجننون والله روووعه

عزيزتي.. اخت شمسه..

بالنسبه لما وحده تدخل وتقول ان العبايه كانها (فستان)... اممم.. خلنا نكون واقعين .. معظم المحلات الحين .. صارت عبيهم كانها فستاين .. من كثر الحركات .. والتخصر اللي فيها.. فصج صارت تشبه الفستان...

وبالنسبه للي يدخلون ويعلقون ان هذي ما تصلح للطلعه ومادري ايش.. انا معاكم.. ما تصلح .. لكن عزيزاتي.. في دوله الامارت .. معظم الحضور يتمون قاعدين بعياياتهم..(وترى بالخليج في فرق بين العبايه والجلابيه.).. العبايه هي السودا..<<<(توضيح للاخت الي من العراق)... ومو بس بالامارات حتى احنا بقطر في حريم من المعازيم يقعدون بعبيهم.. وبالعاده تكون عبيهم مزركشه .. وفيها موديلات.. البعض يجي من بيتهم لا بسها .. والبعض يكون لابس عباه ثانيه... فوقها.. ويفصخها عشان تبان العباه الي تحت اول ما يدخل القاعه...
والاخت شمسه ..( انا ما اعرفها .. ولاقد تعاملت معاها عشان الكل بعد ما يجي ويقلب)... حطت بالعنوان عبايات للأعراس... هي من ناحيتها برت ذمتها..

وعجبني رد احد الاخوات.. بما معناه .. ان حتى الي يبيعون عطور... واللي يبيعون مكياج بعد آثمين!...

انا صج ضد العبايه المزخرفه .. زياده عن اللزوم... لكن بعد، لو كنت تاجره راح احاول ابعد نفسي عن الشبهات..

وتقبلوا مروري..

الله يهــــــــــديكم ان شـــــاء الله ..
ويريكـــــــــم الحــــــق حقـــــــــاً ويرزقكـــــــم
اتبــــــــــــــــااعه ..
و الباطــــــــل باطــــــــــلاً ويرزقكـــــــــم
اجتنــــــــــــــاابه ..
.,.

اختي شمسه بغض النظر عن موضوع العبايات..من الادب العضوه لو حبت تنصح بالكلمه الطيبه مش بالطنازه..وانا لاحظت وايد عضوات يطنزن ويتمسخرن ويفتن على كيفهم ومن غير علم..لاتحطين عقلج بعقولهن..هذا دليل على شخصيه كل وحده بالمنتدى..


الله يهديهم..

المفروض خوااتي اللي عندها تعليق او شي اترد باسلوب احسن من جذي

الاخت شمسه تاجره سواء قالت عبايه للاعراس ولااي مناسبه خلاص اللي بيشتري منهاا هو حر وين يلبسهاا كلا عقله براسه ويعرف خلاصه يعني اظن مب ذنبهاا والله لو وحده خذت عباه من عبايات شمسا واطلعت متبرجه فيهاا

وانا عجبني رد الاخت اللي قالت ان اغلب المحلات يبيعون مكياج وجذي يعني حراااام شذنبهم لو البنت اطلعت متبرجه بهالمكياج خلاص يوقفون يبيعون مكياج يعني

اوكي الاخت شمسا تاجره بعطور وخلطااااات يعني لو البنت حطت من خلطاتهااااا ولاعطورهاا وشموه رياييل الذنب عليهاااااا

طبعا لا محد قال لهالبنت تتعطر وتطلع ويشمون ريحتهاااااا والفكره نفس الشي بالنسبه للعبااااااه

وانتواا بنات وحريم كباااااؤ واتميزوووون الصح من الغلط ومايصير الله يهديكم اتردون وتهجموووون وان عندكم شغله بالطيب والاسلوب الزين

بالفعل النصيحة و ابداء الراي لازم يكون باتباع الاخلاق و الادب و على فكرة كل شخص بالغ و عاقل مسؤول عن افعاله الاخت تاجرة و ابدت رايها انها عبايات للاعراس و تتطلب الستر و كل شارية هي فقط المسؤولة عن اغلاطها و اثامها ..يعني كل شي يمكن يستخدم بطريقة خاطئة العبي العطور المكياج و حتى النت اللي كلنا قاعدين نتواصل عن طريقه..فياليت كل حد يراقب كلامه اللي يمكن يسبب الاثم بحد ذاته بسبب تجريح الاخت و التسبب بحزنها من غير حق ..ليش نصور الناس بصورة خاطئة و هم ما يقصدون اي شي.اختي شمسة الله يوفقكم دام مالكم حلال و تخافون الله لا تخلون الناس تاثر عليكم..

ان لله وان اليه رااجعوووووووون
يعني شمووسه بتتحكم في كل وحده تشتريهاا عباايتهاا؟؟
اضن كل وحده تعرف الحلاال من الحراام
يعني الحين الي يبيع المكيااج والعطوراات
بياخد ذنب البناات الي يحطوون فل ميكب في الشاارع؟؟ والكل يشم ريحه عطرهاا؟؟
والله غريب منطقكم
شموووسه لا تزعلين ولا تحطين في خاااطرش حبووبه
من رايها

صوت نبضي;6086634:

قال صلى الله عليه وسـ ــلم " من كـ ـان يؤمن بالله واليوم الأخر
فليقل خيراً أو ليصمت "
وإلي تبغى تنصح تنصح بأسلوب راقي وإلا بلاش تنصـ ـح اصلاً
قال تعـ ـالى جل شأنه "( ولو كنـ ـت فظـ ـاً غليظ القلب لأنفضـ ـوا من حـ ـولك )"

الأخـ ـــــلاق الأخـ ــــلاق الأخـ ــــــلاق

شمـ ـسه الله يوفقكـ في تجـ ــارتكـ ويعيـ ــنكـ يارب

كوني بخير
اختك
نبض

امممم حبيت اصحح غلطه هنيه ..

قال تعالى جــل شأنه .. اتمنى وحده من المشرفات تصحح الخطأ ..