المغتربات الليبيات

دكتورة لامار انا ياخيتى من بنغازى ب ن غ ا ز ى
طالبة قانون فى قاريونس ربى يحفظ جامعة قاريونس سبب خطبتى بلغالى ربى يحفظا
وانتى يا اختى من وين
وعالعموم انحب انقوللكم كل عام وانتو بخير وربى يحفظكم ويحقق امالكم

السلام عليكم
[GRADE="FFA500 FF6347 008000 4B0082"]كل عام وانتم بخير وصحة وسلامة وانشالله من العايدين الفايزين والله اتمنيت كل من يحب بلادة واللمة يكون معانا خاص اليوم والليلة بالذات والله مانحكيلكم علي الزحمة والحركة اللي مش عادية في البلاد والله اني اليوم من سوق الثلاث الي شارع عمر المختار قريب ساعة واكثر ولتو قاعدة الزحمة اهو توا الساعة 2 ليلا والناس قاعدة تشري في الحوايج والمعرض حتي هو فاتح مانحكلكمش علي الزحمة فية تصوروا انتم عاد سامحوني اني بلعاني شعي فيكم باش تعيشوا الجو ربي يكون في عونكم ويرجعكم للبلاد سالمين سلامتكم توا ربييهني الجميع وسامحيني اخيتي بالومة توا كيف خشيت اني ليبية مش مغتربة من طرابلس [/GRADE]

:sa31:
مساء الخير علي الليبيات:87457:

منورات ياحلي اليبيات ماشاء الله الله ماكنت نحساب الليبيات هلبه في المنتدي :clap:

ربي يكون في عونكم في الغربة:tears: بس احسن شئ فيها الواحد يعتمد علي نفسه ويتقوي انا مجربتهاش لكن اكيد هذا الشئ اللي يطلع به الواحد من الغربة

مانوصيكمش خشو علي قسم سفر وسياحة كاتبة موضوعين علي ليبيا نبي رايكم:shy: وومشرفة القسم ليبية عسولة

ومازال الموضيع علي ليبيا هلبه بس نبي تشجيع خشو وقيمو الموضوع:21_184:

وماتغيبوش هلبه علي \موضوع اللليبيات المغتربات:21_186:



سلااااااااااااام:Zd_bye_3:
تحياتي tuba nona

كــــــــــــل عام وانتم بالف خير

طبعا احنى غدوة عيدنا فى مصر يعنى الليلة ليلة عيد ومش حلو العيد الا فى بلادك
مع انه اهلى معاى لكن خطيبى وصاحباتى واقاربى مش معاى ربى يصبرنى وخلاص

اختى وايــــــــــت بيــرد وييييينك طمنينا عنك طولتى الغيبه ان شاء الله المانع خير
وخلونا على تواصل

السلام عليكم


صباح الخير صباح الفطيرة والزبدة والعسل صباح السفنزوالدحي :wink: اليوم احنا تاني ايام العيد امس بنعيد مفضيتش زحمة العيد وانتم ادرا واليوم خشيت باش انعيد عليكم ونقوللكم كل عام وانتم بخير وعيدكم سعيد ونشالله عيادي وسنين دايمة

:sm113::sm113::21_159::dd::21_21::21_112::21_214:(^)

عيدكم مبارك يالليبيات وكل العربيات وانا من المدينه المنوره اهنيكم بالعيد وكل سنه وانتم طيبين

مساء الخير fanar1

مشكورة وكل سنة وانتي طيبة وكل اهل مدينة المنورة وكل العرب

السلام عليكم
كل عام وانتو بالف خير
انا عضوه جديده فى المنتدى وفرحت لما لقيت هل التجمع الحلو
انا ليبيه مقيمه فى الامارات ومنتزوجه وعندى بنتين وولد وانا من بنغازى بس اصلى من زليتن وقاعده فى الحوش يعنى ربة منزل وبس

om adm3;7324064:
السلام عليكم
كل عام وانتو بالف خير
انا عضوه جديده فى المنتدى وفرحت لما لقيت هل التجمع الحلو
انا ليبيه مقيمه فى الامارات ومنتزوجه وعندى بنتين وولد وانا من بنغازى بس اصلى من زليتن وقاعده فى الحوش يعنى ربة منزل وبس

اهلين بيك في لمة الحلوة

السلام عليكم ورحمة الله وبركاته اخواتتتتتتتتتتتتتى الليبيات كل عام وانتم بخير مانحكيلكمش قداش انى فرحنا لما دخلت ولقيت الكم الهائل من العزيزات الليبيات لما طرحت الموضوع لم اتوقع هده التجاوب ربى ايخليكم يا ربى سامحونى انى ماطليتش من شهر 7 كنت فى اجازة فى ليبيا وجيت اخر رمضان يعنى هدى اول طلة ليا من الصيف والله وحشنى المنتدى والى فيه وربى يسعد الجميع ومشكورين على التواجد.

السلام عليكم
اختى ام ايهم معلش ماعرفتش انرد عليك بالخاص لانى لازم يكون عندى 15 مشاركه عموما انا فى الشارقه وانتى

خير يـــــــــــا حنـــــــــــــــــــاتي

كل عام وانتن بالف خير وصحة وسلامة والله هالمرة طولت عليكن مشغوله في توتاي للفرح العقبة للعزابيات

اهو مشي رمضان بالصحة والعافية تق الله صيامكم وقيامك بمزيد من الاجر والتواب وجنا العيد والحمد الله وان شاء من العايدين الفايزين (علي قولة الشيابين) ينعاد علينا بالخير والصحة والعافية وربي ايونسنا بي بعضنا لا فاقد ولا مفقود ويفتح علي الجميع

المهم قلتلكم قاعدة انوتي في حوايج العرس وان شاء الله بعد العرس راح انحطلكم الصور امتاع العرس من الفيلو الي الكوشة والحفله والفرقة ومكياج الحفلة ربي ايكمل عليا بالخير والعقبة للعزابيات

دكتورة لامار انا من سبها ونسكن في المهدية وان شاء الله عندي غربة بس لي هولندا بادن الله او ماليزيا الراجل عنده بعته غادي ومنها بنكمل اقرايتي امعاه ربي ايسهل امورنا ويفرج علينا ويجمعنا بالخير

تحياتي للجميع وان شاء الله نتلاقو علي خير اهو كان حصلت فلته منهم انخش نطمن عليكن

هي انستو بعضكم وانشوفوكم علي الف خير

السلام عليكم
وكل عام وانتم بخير
اني ليبية من طرابلس واصلي من بنغازي ومتزوجة وعندي بنتين وولد ربي يحفظهم لي ..قولوا آمين
وصراحة عجبتني لمتكم هلببببببببببببببببة

واني مقيمة في ليبيا مش مغتربة
حبيت نسلم عليكم ونعيدكم ونبارك للعريسة **بالومة** ونقلها ربي يهنيك ويسعدك ويباركلك في زوجك ويبارك فيك
وسلالامي للكل فرداً فرداً

كيف حالكم وخياتى ان شاء الله تكونو بخير

الف الف مبروك اختى بالومة وربى يهنيك ويتمملك على خير:) وتمر الايام بسرعه ويصبرنى على البعد اللى بينى وبين خطيبى ويجى عرسى
وربى يعينك عالغربة ويوفقك انتى وزوجك اهم شى قرايتك
طمنينا عنك مش تختفى
نشوفك على خير

هلا اختى عروس مملكتى ربى يخليلك ولادك
وسلميلى على طرابلس استاحشتهاااااااااااااااا

[FRAME="11 70"]
السلام عليكم
انا زعلان منكم كلكم اللي في المنتدي وينكم ما حد رد عليا ولا رحب بيا ولا حتي لفتة خيركم معاي انا عجبني المنتدي وحبيت انكون معاكم وانتم ولا معدلين حتي كل عام وانت بخير مهناش الله يسامحكم مشكورين وخاصة ام ايهم مع السلامة منورين
[/FRAME]

اختى زنبقه مرحبتين بيك معانا ونورتينا :)
كله ولازعلك اسفين مش قاصدين (f)
ان شاء الله تكونى رضيتى..ماتقطعيش

اهلين بيك اختى الزنبقة الموف بين خواتك ونوورتى الموقع وبانتظار اخبارك

السلام عليكم ورحمة الله وبراكاته كيف حالكم اخوتى كلكم وانشاء الله كل عام حيين (تهنئة بليبي):Dلالالا كل شى ولا زعلك يا زمبقة موف معليشى سامحينا تعرفى مسؤليات وتوا خشينا على المدارس وامتحانات يعنى انشاء الله كم يوم ونفظوا شوية وندردشوا المهم 0(على فكرة انموت فى لون الموف(y))كيفكم اخواتى شن امدايرين ووين اخواتنا الليبيات الى فى كندا وبريطانيا ما طلوا وانشاء الله نطل فى اقرب فرصة اسمحولى بنطلع لانى سمعت حاجة اتكسرت سسسسسسسسسسسسلام:confused::mad:.