المغتربات الليبيات

روح الوليد;7852655:
السلام عليكم مساء الورد على الحلوات . بصراحة لمتكم حلوة عا الاخر وانا حابة نكون أختكم وصديقتكم ممكن تقبلونى وتضيفونى معكم بس ان بصراحة مازالت متغربتش ...........لكن على وجه غربة وحالتى زي الاخوات العرايس . يعنى انا حاليا مخطوبة وانشاء الله بعد الزواج مسافرة مع زوجي ؟
حبيباتى حبيتكم فى الله وحبيت قصصكم ومواضيعكم الخفيفة عا القلب .
تقبلونى أختا عزيزة و صديقة وفيه .

نارنج الودى يا هلايا هلا وينك وينك حمد الله على سلامتك امتى روحتى والله ليك وحشة كيفك وشن اخبارك خلاص معاش تغيبى علينا واهلا بعودتك وانشاء الله ربى يرزقك بلدرية الصالحة يا رب. اهلا بلعزيزة سمية وانشاء الله ربى ايتمم على خير نستنوك عاد فى الامارات قولينا اول ما توصلى مش نقوموا بلواجب . اختى روح الوليد يا هلا بيك بينا اخت وصديقة وتدللاى علينا اى شى استفسار او حاجة بس ااومرى اوخياتك جاهزات مش هكى يا بنات .

روح الوليد اهلا بيك وخية حبيبة وغالية .. عرفينا بنفسك ، وكيف إستعدادك للعرس إن شاء الله ؟ ربي يتمملك بخير يارب

دلوعة حبيبها حتى في نهاية شهر ستة صقع ؟
أكيييييد والله نجيك كان مايقوليش لا ..

أم أيهم إن شاء الله ياغالية .. غير قوليلي كيف الوضع في أبوظبي حلو ؟ زي دبي؟ الحق عمري مامشيت لأبوظبي بس نمشي لدبي في العادة.


راهو امبكري كنت نبكي :confused:
اليوم لقيت روحي فاضية قلت هيا يابنت امشي ابدي كل مرة اشري هدية ذهب لحمواتك .. المهم عجبتني حديدة بخاتمها حقها 1800 :confused::confused::confused::confused: كنت حنروح طول للحوش فقلت لا خلي نمر على العطار "في قرقارش" ومابيتش نخلي الباكو في السيارة ، مشيت نزلت شريت حاجة ووليت ، وأول ماوصلت للحوش ناديت على امي بنوريهالها وعارفة اني حناخد تكشيخه بتقولي غاليه << نية امي والله ، المهم مانلقاش الباكو في الشنطة رجعت طول للمحل اني كيف خشيت تخش عزوزة تبكي"لما كنت نشري كانت قبلي" تقوله ياوليدي خنبولي نقالي :confused::confused: واني قلتله خنبولي هدية ذهب كيف شاريتها مسكين حط ايديه على راسه وقعد يقول : لاحول ولاقوة الا بالله، وفتش محله لقي جهة من الباكوات مقيومة تخيلو!!!!!!!!
لأنه لما خشيت اني كانت هالمره وبنتها قبلي وفجأة تعبى المحل نساوين !!
المهم روحت ثاني للحوش بكيت وجعوني الفلوس والله ماشاء الله حمواتي هلبا!! بكيت واتكيت شوي بعدين قلت علاش نحرق في اعصاب امي نسكت وخلاص " مسكينة تقولي معليش سلامتك الاهم " هههههههههه مسكينة ماسألتنيش على حقهم مازال!!

للأسف هالشيء على قد ماوجعني هلبا على قد ماخلاني نقول علاش شعبنا بدي يخنب !! بجد مش لينا ، واني مانبررلهاش يلي خنبتني بس برضو والله اول مرة نشوف وضع الشعب كيف تغير ، للأسف بالرغم اني ليبية بس والله عمري مااحتكيت هلبا بالناس وشفت الوضع بحكم غربتي وعدم جياني هلبا ، الناس تغيرت والنفوس تبدلت.. و الله المستعان
أعوذ بالله من الفقر
وربي يلطف بالعباد ويشوف في هالناس ولا حول ولا قوة الا بالله
والله المستعان

حبيبتي سمية .. اول حاجة انقولك اتجي في الفلوس ولا اتجي في النفوس
وديما خلي في لسانك " انا لله وانا اليه راجعون اللهم اجرني في مصيبتي واخلف لي خيرا منها "

يا نا عليا 1800 مش اشوية يعوضك الله خير

بعدين انا قصدي صقع سويسرا يعني حلوة بكل مش قصدي الجو مسقع ههههههههه

ابدي من 6 و7 و8 الجو روووووووووووووووووعة وهو افضل وقت للجى .. بس انقولك ديما جيبي معاك جاكة لان الجو هنا مش مضمون
فجاة تكون شمس والجو دافي وتلقيها تنقلب صقع ومطر

وان شاء الله انشوفوك وما قلتيليش قبلتي عزومتي ولا لا ؟؟؟؟؟؟؟

سمييييييه ربى يعوضك انشاءالله وسلامتك انتى
وحتى انى حمواتى هلبا ماشالله

حبيبتى نونا جربيها لكن مش حتقدرى خصوصا اول عام

دلوعة حبيبها شنى ماوصلاتكش رسالتى عالخاص ولا طنشتينى؟؟

روح الوليد اهلا وسهلا بيك معانا واكيد نتشرفو بااخوتك وصداقتك ومبارك عليك وربى يتمملك على خير
شنو وتيتى للعرس ولا مازال

خير عليكن


سمية شن هل خبرية والله انفجعت بعد سمعت هل كلام,خدوا سوك يا غاليه مش مشكلة يتعوضوا ان شاء الله,لكن تعرفوا يا عرايس الظاهرة هدي بدت تتكاثر في بلاد العربيه كلها ,انا مرة صار معاي نفس القصه بس في دولة عربية شقيقة مش في بلادنا وكان نقالين مش وااااااحد واحد نوعهn95 وواحد نوعهn70 واحد كان اهو ماشي معاي كم سنة بس واحد كيف واخدته جديد وجعنــــــــــــــــــــــي’بس مافيه الا حسبي الله ونعم الوكيل وخلاص,.

هدا نصيبنا عاد.

المهم يعوضك ربي يا خيه وخلاص .

كيفكم يا عرايس سامحوني خداني الكلام وماسلمت عليهم اه ايهم دكتور عروستنا كيف حالكم وشني دايرين وكيف العويله بخير ان شاء الله

طمنونا عليكم

تحيتي ليكم

هلا حبيبتى عروس ليبيا انى الحمد لله انتى شن اخبارك ..شنو تشتغلى ؟؟

سميه انى عندى 6حموات شن رايك طبعا مش حناخدلهم حاجات غاليه هلبا هكى حرام
خلنرحم اهلى

ههههههههههههه دكتورة حتى اني نفس العدد بالضبط والله:D:D

مسااااااااااء الخيررررررررررر

سوميا ربي يعوضك خيررررررررررررررررررررررررررررررررر

ان شاء الله تكونو تماااااااااااااااااام

توبا .. عن نفسي وبعد الهزة القوية يلي تعرضتلها اليوم ههههههههههههههههه الحمدلله كويسة
كيف حالك انتي؟ وشني اخبارك؟

:87457: :X_hell1:

الحمد لله تمام مشكوررررررررررة على سؤالك
:Za_thanx:

سمية معليش ربى ايعوضك خير احتسبى وخلاص ورددى ان لله وان اليه لراجعون راهو الكلمة هادى سبحان الله ليها مفعول عجيب وربى ايعوض خير انشاء الله يكونوا دفع بلاء. معليش مرة تانية اسمعى كلام امك حتى انى زمان هكى درت نبى ناخد احسن حاجة لحمواتى وسلافاتى وبعد العرس اتقولى ياريتنى ما كلفت روحى:wink::D معليش ربى ايعوض .بلنسة لابو ظى جوها باهى قنين كلها ناطحات وفيها مولات جديدة بس مش زى دبى يعنى جوها اهدى وارقى من دبى بهلبة وانشاء الله حتنبسطى فيها وكان تى انعرفك على صحباتى فى ابو ظبى حتى هما عريسات زيك وكيف جاييات وازواجهم يشتغلوا فى ابو ظبى خلاص نستنوك.دكتورة لامارا كيفك يا الغالية وامتى العرس وكيف الزحمة والضباب عندكم .دلوعة حبيبها كيفك مع السنافر .عروس ليبيا نورتيمشاء الله لى البت الى فى الصورة فكرتينا فى اعراس ليبيا والمحاضر :eek2: ربى يحفضها نونا توبا منورة بوجودك الدائم.

هلا يابنات معليش قاعد كل مرة نطلعلكم بحاجة نتفكرها ونقوللكم خاطرى فيها تعرفوا شن خطر عليا اليوم البرتقال الكينى والدمى (الحسناء ) امتع ليبيا الله محلاه مشفتش بنة زيه بككككككل انشاء الله توا بنكلم العويلة يبعتولى ضرورى وخاطرى امممممم فى الخبزة امتع الكوشة الفردة يعنى:Dوخاطرى فى سفنز الللللللللللله على الصبح وخاطرى فى شكشوكة بلقرقوش يميم بس مش مشكلة القرقوش تو انحصله ونديرها وخاطرى فى مطر تصب عليا وانى تحتها اللله وصنة الحوش وشق وصقع وانى تحت البطانية جو ليبيا .انى نكتبلكم وفاتحا المكيف ونو شوية :ss: معليش خلونى انفضفض وشن تانى امممممم وخاطرى نشم الخضرة امتع ليبيا لما تشرى الخضرة تشمها من بع تلاتة امتار مش لين تحطها فى خشمك مش تشم صنة البقدونس والا الخيار اواو سبحان الله وبس هادا الى خطرلى اليوم يا بنات انتوا شن خطر عليكم حاجة افتقدتوها فى ليبيا هيا احكولى شن خاطركم. :21_93:

انا خاطري في حوشنا وادروجنا والسطوح
وخاطري في هلي
وخاطري نحضر فرح اختي
وخااااااااااااااااطري انهدرز مع ماما تهدريزة تمسح الكبد ونحنا امقمعزين في داري (سابقا هههههه) هي جالسة على سريري وانا احدا رجليها عالارض

ااااااااااااااااااه ام ايهم نوضتي المواجع الله يسامحك :sad:

يا بنات شنو معنا حموات بدوة الغرب .. مش فاهمتها

كنت نحسابها ام العريس

بعدين وحدة قالت عندها 6 حموات انفجعت ؟؟؟؟؟؟؟؟

انا من ليبيا لكن مش مغتربة ولا يهمك نقدروا نتواصلو

ان شاء الله ربى يردك بالسلامة انت وكل اليبيات المغتربات

om adm3;7840355:
السلام عليكم
كيف حالكن يالغاليات يارب الجميع بخير
اهلين بيك بينتا اختى سميه وتشرفى الامارات ان شاء وين حتعيشى فى الامارات دبى والاالشارقه والاوين ومنو خطيبك بالك نعرفه ههههههههههه قصدى اذا من دبى والا الشارقه بلك زوجى يعرفه
يابنات اليوم حصلت فجعه مش طبيعيه والله لعند توه مقهورة فى وحده معانا ليبيه مقيمه فى الشارقه بسلامتها انا مانعرفهش ممكن شفتها مرة بس بس وجعتنى فى وسط خاطرى قالى زوجى انها توفت بعد ماولدت فى السابع صارلها نزيف وشالولها الرحم وبعدها جلطه رئويه انا قلت بلك يكون خطا طبى صاير لان الاخطاء الطبيه كاترة وهيا ام لولد وبنت وجابت ولد تانى والله زعلت عليها وبكيت لين خلاص يامصعب الفراق يانارى على عيالها وزوجها واهلها فى ليبيا يامصعبك ياالغربه قاعده نكتبلكن ونبكى من كتر مانى مقهورة عليها صغيره مسكينه ياريت تدعلها بالرحمه وربى يصبر هلها وزوجها وعيالها ويشفى ولدها لانه فى الحضانه جاى ناقص مسكين

أسأل الله العظيم أن يرحمها وينزلها منزلا حسنا

أسأل الله العظيم أن يرحمها وينزلها منزلا حسنا

أسأل الله العظيم أن يرحمها وينزلها منزلا حسنا

أسأل الله العظيم أن يرحمها وينزلها منزلا حسنا

أسأل الله العظيم أن يرحمها وينزلها منزلا حسنا

أسأل الله العظيم أن يرحمها وينزلها منزلا حسنا

ام ايهم;7860899:
سمية معليش ربى ايعوضك خير احتسبى وخلاص ورددى ان لله وان اليه لراجعون راهو الكلمة هادى سبحان الله ليها مفعول عجيب وربى ايعوض خير انشاء الله يكونوا دفع بلاء. معليش مرة تانية اسمعى كلام امك حتى انى زمان هكى درت نبى ناخد احسن حاجة لحمواتى وسلافاتى وبعد العرس اتقولى ياريتنى ما كلفت روحى:wink::D معليش ربى ايعوض .بلنسة لابو ظى جوها باهى قنين كلها ناطحات وفيها مولات جديدة بس مش زى دبى يعنى جوها اهدى وارقى من دبى بهلبة وانشاء الله حتنبسطى فيها وكان تى انعرفك على صحباتى فى ابو ظبى حتى هما عريسات زيك وكيف جاييات وازواجهم يشتغلوا فى ابو ظبى خلاص نستنوك..