أحساسج يوم شفتي ولمستي أول مولود عندج.. حياكن شاركونا.

الله يرزقني هاللحظه ونولد بالسلامه جميعا والله شوقتوني ودي الايام تطوف بسرعه عشان اشوف بنوتي حبيبتي تسلمين خيتوو ع الموضوع الراااااااااااااااااااااائع...

انا قعدت اطالع ولدي اول ماحطوه على صدري
وافكر اقول شاسوي فيه هالنتفه من بيرضعه وبيلبسه ماعرف واصيح ازيادة
ماعرفت امسكه قلت لهم شيلوه بعدين جيبوه :)

ورحنا غرفة الاستراحة 3 ساعات كل دقيقة اسوي جرس حق الممرضات
وعصبوا
قلت لهم ماعرف له اخذوه ورجعوه
الله ايعيد هالايام واحمل بالثاني يارب
وربي يرزق كل محرومه اتعيش هاللحظات الحلوة

والله يا بنات شططتوني
انا للحين بالسابع صيحتوني وفرحتوني
مادري خاطري اولد اليوم لو بموت من الألم أبي اشوف بنتي
ادعولي يا بنات والله متلهفة عليها كثييييييييييييييييير

بالبداية ماحسيت بشى لانة على طول ودوة الحضانة ويوم شفتة حسيت انة اخوي وبعد يوم بدء شعور الام من ناحيتة جلسة ابكي علية واقول وشني ابي اشوفة ويوم طلعو لي بعد شهر حق الرضاعة ماصدقت انة ولدي قعدت ابوسة والمة حتي نسيت ارضعة من كثر ما شوفة

الله يرزق كل محروم يارب

بجد شوقتوني لشوفة ضناي

الله يعدي الخمس اشهر على خير !!!!!

*ام وسام*;6079041:
لما اعطوني ابني علشان اشوفه .. حسيت فجاه مافي احد في الغرفة الا انا وهو وان الزمن وتوقف في هذه اللحظة وان هل معقول ان هذا ابني ؟؟؟ وهل حقيقة خلاص صار لي ابن في الدنيا ؟؟ كنت طول عمري احمل عيال الناس وهل انا الان احمل ابني ؟؟؟ وكنت اشوف شكله مسكين كان معفص وشكله مش ولا بد ..
بس كنت حاسة بحب عجييييييييب وشايفاه احلى طفل في العالم ... بس كنت كمان شاعرة بخوف .. ان هذا الطفل يعتمد علي اعتماد اساسي وان هذي مسؤوليتي .. بس الحمد لله قدرت بمساعدة الله اني احميه واربيه ..

فعلا انا نفس لاحساس اللي حسيته ام وسام اول ماحملته حسيت بشعور ماقدر اوصفه ومو لاقيه كلمات توصف هالموقف

أول ما فقت قلت لهم عاوزة اشوفه فأعطوهولى بس كنت لسه ما فقت من البنج كويس وكانت عينى مزغلله شوية بس لما شفته كويس مكنتش مصدقه وجلست ابكى وأقول لامى ده ابنى يا ماما ؟ده بتاعى؟ وشكرت المولى عزو جل كثيرا ..... أصله جاى بعد شوقه

الله يخلي لكم عياالكم

ويرزقني ذي اللحظه يا رب

و يرزقني تووأم اولاااد يا كريم

يحلوها هذيك الحظه والله يعيدها قريب علي

والله جلست اصيح واصيح واصيح قالوا بنت وخذوها مني للحضانه وخفت عليها وال ماجابوها شعور خيالي اول ماضميتهاكتكوته وكنت اشوفها ملاك مع ان الطفل باول يوم ماينعرف زينه من شينه يجيك مغمض عيونه ومورد بس تجنن ياربي تسعدها قسم بالله تمنيت الزمن وقف وبكيت حتى وانا طالعه من المستشفى وانا حاطه يدي على بطني خلاص خرجت الغاليه للنور كنت اخاف عليها من نسمه الهوى الله لايحرمني منها ويرزقني بحمل قريب يارب ياكريم

وعساكم تمرون في هالحظه على خير

انا ربيت قيصرية وكان بنج موضعي .. وكنت قبلها مب راقدة 3 أيام متواصل .. بعد التخدير ياني نعاااااااس مب طبيعي رغم انه موضعي.. فدكتور التخدير يقولي لاتنامين.. افتحي اعيونج احينه بيطلع البيبي .. حرام بعد هالتعب ماتشوفينه ..شوي إلا اسمع صوته فديت روحه.. وحطوه ع حضني كان دااااااافي ويصرخ ماشاء الله عليه.. كنت أقول حق الدكتور .. وديه عند أبوه ...أخاف حد يسرقه ..هههههههه
طبعا كنت وايد تعبانة ماقدرت اشيله ولاأرضعه.. كنت اشوفه مرة ف حضن ريلي .. ومرة عند أمي .. ومرة عند أختيه ... كنت أحس اني أغاااااار .. اباه حقي ابروحي .. مابا حد يمسكه.. فديت عمره عسى الله لايحرمني منه..

بنااات انا انتظر ولادتي وانتظر هالحظه بأحر من الجمر

الله يجيب بنتي بالسلامه ويرزق كل محرومه ياااااااااااااارب