مشكلتي مع خوات زوجي الدلوعات !!!

حبيبتي بكل بساطه..

رضى الناس غايه لا تدرك..

اهم شي حياتج ويه ريلج..

لا تخربينها ابددا..

وحاولي تكونين على طبيعتج..

واي شي يزعجج دخليه من اذن وطلعيه من ثانيه..

واهم مافي موضوع ريلج ومدامه مرتاح وياج خلالاص..

واما عن الرجيم حلو الوحده تحسن مظهرها مو علشان احد..

علشان نفسهااااا..

ولا تعطين احد اهميه ما يستحقها..

موفقه عزيزتي..

اهم شي زوجك ماعليكي منهم وخليك واثقة من نفسك وياجبل مايهزك ريح

وخففي وزنك وغير شوي في اللوك عشانك وعشان زوجك
والله يوفقك

شذى الروح;6065313:
حبيبتي بكل بساطه..

رضى الناس غايه لا تدرك..

اهم شي حياتج ويه ريلج..

لا تخربينها ابددا..

وحاولي تكونين على طبيعتج..

واي شي يزعجج دخليه من اذن وطلعيه من ثانيه..

واهم مافي موضوع ريلج ومدامه مرتاح وياج خلالاص..

واما عن الرجيم حلو الوحده تحسن مظهرها مو علشان احد..

علشان نفسهااااا..

ولا تعطين احد اهميه ما يستحقها..

موفقه عزيزتي..

(y)(y)(y)

أنا من راي اخواتي ،،
ما عليج من حد غير ريلج ،،
و كلامهم خل ولي ،،
و أصلاً اللي يسونو قهر و غيره منج لانج هادئة و رزينة و الكل يحبج ،،
و قد ما تقدرين لا تخلين عمرج معاهم و اتجاهليم ،،
أنا مريت بظرف يشبه ظرفج ،،
و اتميت اتجاهل اي شي يغثني و ما ارد ع الشينه بالشينه ،،
و كنت قتد ما اقدر اعامل عيالهم بالطيب و اشتريله هدايا ،،
و الياهل بطبعه ينقل حق امه و ابوه الشي الزين و الحلو ،،
و بالهطريقة تغيرت معاملتهم لي شوي شوي و الحين اوكيه و تمام ،،
و وحدة من أهلي بعد صادته نفس المشكلة قبلي و هي اللي نصحتني بهالشي و الحمد لله ،،

و بالنسبة لوزنج حلو انج تنزلينه علشانج و علشان ريلج ،،
و ربي يوفقج و يهنيج مع ريلج ،،
و يهدي و يصلح خوات ريلج ،،

.. تحياتي ..

الاول و الاهم زوجش ..

ولا يهمش احد ثاني ..


بمعاملتش الهاديه راح تكسبينهم .. مثل ما كسبتي ابو زوجش ..


الله يهدي سرهم و يفكونش ..


حبيبتي خلي بالج من زوجش و بيتش و ان شاء الله خواته يعقلون ..

الله يعينج اختي ويوفقج ويكفيج شر خلقه ويديم عليج وعلى زوجج السعادة

وبخصوص الرحيم اختي ماينفع بس رجيم يصير ترهل بالحسم وخطوط بيضا

رياضة وقللي من الاكل لان الرياضة مابتسبب ترهل بالعكس تشد الجسم لذلك عليج بالرياضة + تقليل الاكل

وروحي لاخصائية تغذية وبتفيدج بهالموضوع + لاتنسين ترطيب الجسم عشان جلدج يصير مرن وماتصير خطوط بيضا

الله يوفقج وحبيت افيدج .

فيه مثل بقول مدام القاضي راضي خلاص ما عليكى منهم والحمدالله الله يخليلك زوجك مرتاح ومبسوط منك وبحبك كلها مسأله غيره نسوان مو اكثر وما تخلى هالامور تخرب عليكم ...

الله وكبر على حركات الحريم خخخخخخخخخخخخخخ


خليهمممممممممم يمووووتون بقهرهم اهم شي زوجك خواته ماعليك منهم

لو انك موب عاجبته ماكان تزوجك بالرغم من كلامهم عنك :)

الله يسعدك يارب

بالنسبه للرجيم انا لو مكانك اسوي ريجيم عشان صحتي موووووب اكثر وشوفي رأي زوجك يمكن مايحب النحف بس عادي اذا نحفتي جهزي نفسك لتعليقاتهم بس خليكي قويه ياجبل مايهزك ريح

شوفي اهم مافي الموضوع زوجك مادام هوراضي فيك
ويشوفك احلى وحده طنشي الناس ثاني شيء ام زوجك
وابوه يحبونك ويحترمونك بعد طنشي بناتهم عشان لا تخيبي
امل زوجك الي اختارك على الرغم من الكلام الي قالوه خواته
قبل الزواج انتي سوي الرجيم عشان نفسك وصحتك مو لأ حد
ثاني وعشان زوجك الي حط ثقته فيك وهو ما يعرفك اتمنى لك
السعاده والتوفيق واقول الله لا يغير عليكم ويبعد عنكم الحساد

مرحبا حبيبتي احتراما لكل البنات بس انا راي العكس

ليش تطنشينهم بالعكس اصلا هالشي مأثر على علاقتج في زوجج لان انتي شخصيه مهزوزه جدامه على اي شي تروحين وتصيحين وعلى اقل شي تروحين وتقولين له

انا لو منج حبيبتي مااقوله علشان ما يشوف عيوبج حتى لو كانت بالنسبه لج مش عيوب

حبيبتي انتي عايشه معاهم لازم تتأقلمين وتصيرين مثلهم خلي شخصيتج عندج واحتفضي فيها بس خلي مظهرج يعجب الجميع

اكيد راح يقعدون مع بعض في بيت الناس لان هم كلهم نفس مستوى الكشخه وانتي اقل

انا من رايي اكشخي اضعفي مش لهم لا لنفسج ولراحه بالج وعلشان ما تزعلين وتصيحين جدام ريلج

وحاولي تلبسين مثلهم وتكشخين وتصيرين احلى منهم

والله يسعدج ويوفقج واخر نصيحه حبيبتي لا تروحين تقولين حق زوجج كل شي يصير لان هم في النهايه خواته وانتي بهالطريقه شوي تبعدينهم عن بعض

يااعيووني مداام زوجك رااضي عليكي ,,,, ماعليكي من احد ,,,,,طنشيهم

ولاتحرقين نفسك عشاان نااس مالهم دااعي اساس ,,,,,

ولاتعملي رجيم عليكي بالريااضه والريااضه والريااضه في هـ 3 شهور ولاتقطعي يووم واحد ,,,,, والله ينوولك الي في بالك ياارب ,,,,

تحيياتي
ام يارا

الله يعينش يا قلبي

ألحقران يبط المصران حبيبتي ... ما عليج منهم .. وأهم شي لا تذكرين اللي يقولونه جدام ريلج ... خلج ثقة .. ثقة ... ثقة .. خلج واثقة من نفسج ... أأيد فكرتج ضعفي واهتمي بشكلج ... والاهم الابتسامة ما تفارق ويهج ...

لك مني كل الحب

الله يعينك


مثل ماقالوا الاخوات .... اهم شي زوجك .. وراحتك معه

واكيد كل هالحركات من الغيرة لان اخوهم حبك وماسمع رايهم

خل عندك ثقة بالنفس .. وبيني لهم انت اي قد سعيده في حياتك .. خلك مبتسمه لان هالشي راح يقهرهم

اما عن الرجيم

اذا كان وزنك زايد شوي بس

الافضل النظام الغدائي + الرياضة .. هذا علشان صحتك اولا واخيرا

السلام عليكم ورحمه الله وبركاته ..

مرحبا اختي .. انا طبعا قريت كل الردود ... صح الي قالو لج الاخوات زوجك ,, واهم شي راحته وثقتج بنفسج ..

اختي حسيت ان زوجك مرتاح ماديا .. يقول المثل خلك بعيد وتصير حبيب .. طلبي سكن منفصل قريب من بيت زوجك .. عشان لو زوجك يحب يكون قريب منهم .. او بعيد .. شوفو الاريح لكم .

وليش تعورون راسكم ,, وليش تقبلون على نفسكم تعيشون في ضغط نفسي ماله اول ولا اخر . الغيره شي وارد ان ماكانت من الام من الا خت واذا مب من الاخت .. من الاعمام وهكذا دوامه ما تخلص ....

ليش تطلعين معاهم . خلي علاقتج رسميه جدا جدا جدا ... وحبي الي يحبونج وحقري الي يكرهونج .... وان عزموج مكان سوي نفسج مرتبطه بموعد ثاني .....

سوي لي لج صداقات ثانيه .. صادقتي حماتج دام تحبج طلعي معاها روح السوق ,,, سوي معاها شغلات .. مب ملزومه بخواته انتي ... وجبيهم وخلج احسن منهم ..

لا تروحين مع ناس يحسسونج بأنج اقل او شي .. ان كانت ماديتج زينه .. اكشخي وتمكجي .. واظن انج مب مقصره اختي صح ..

تحياتي لج وان شاء الله تردين بالسلامه ...

حبيبتي
اذا تابعتين حركات وحجي خوات زوجش بضيعين
وبتنسين نفسش
ولو مافيش عيب بتقعدين تحطين عيوب

اهم شي علاقتش مع عمتش وعمش ماعليش من الباقي
وطبعا تكونين مع زوجش بخير

ودام انتين بالخارج الحين وفاضية روحي حبيبتي نادي وخفي شوي وحتى لو ماخفيتين ذاك الزود بس الحمدلله لو شي بسيط زين وبركة

بس لا تفكرين ان هالشي تسوينه عشان تقهرين حماوتش ولا تتعاملين نفس اسلوبهم

خلش على اسلوبش افضل من اسلوبهم واجد

واذا قالو لش تعالي طلي معانا لا تطلعين لان الظاهر يبون يتمسخرون فيش بهذي الحركة ومسامحه على هالكلمة لان ما تعجبني ان احد يطلعني وبالاخير اصير نفس الطوفة ولا احد يسأل عني اكون قاعده بالبيت احسن لي

وخلش عيوني واثقة من نفسش

موفقين يا الغالية

أختي الحمد لله زوجك زين عمتك وعمك طيبين معاك هذا اهم شي ..وخواته طز فيهم ما عليك منهم مشكلتك منك انتي وايد طيبة وهذا الي مخليهم يستقون عليكي ..احقريهم واهم شي زوجك وامه وابوه

خلي ثقتك بحالك كبيره ولا يهمك من الناس

وانا مع البنات دام انتي تعاملي الكل بالحسنى وزوجك راضي عنك فما عليكي اختي .. ولا تتعبي روحك كيف تردي على هدي و تقهري هاديك انتي امشي بما يرضي الله مع الكل وان شاء الله تتصلح امورك ومثل ما كسبتي قلبزوجك و ابوا زوجك وعمتك ان شاء الله تكسبي قلب باقي اخواتوا بعد لان كسب عداوتهم بمجاراتهم في الغلط مارح يفيد اي طرف بالعكس تماما
واليكي مني ها الابيات الي اعجبتني واايد

[COLOR="RoyalBlue"][COLOR="Red"]ضحكت فقالوا : الا تحتشم .. بكيت فقالوا : الا تبتسم
بسمت فقالوا : يرائي بها .. عبست فقالوا : بدا ما كتم
صمت فقالوا : كليل اللسان .. نطقت فقالوا : كثير الكلم
حلمت فقالوا : صنيع الجبان ولو كان مقتدرا لانتقم
بسلت فقالوا : لطيش به وماكان مجترئا لو حكم
يقولون شد ادا قلت لا و إمعة حين وافقتهم
فأيقنت اني مهما ارد رضى الناس لابد لي ان ادم[/COLOR][/COLOR]