ساعدوني عندي مشكلتين

السلام عليكم و رحمة الله و بركاته
اخواتي العزيزات والله عندي مشكلة مقعداني والله جامد انا دايما بحس اني شكلي مش جميل (الحمد لله على كل شئ ) لأني عندي حبوب في وشي وغير كدا لوني اصفر كل الناس اللي يشوفوني يستغروبوا للوني مش قمحي ولا ابيض اصفر لما اتصور كل صوري وحشة وعندي هالات تحت عنيا انا حاولت اعالجها كتير بكل شئ حاولت اقلل السهر واشرب مية كتير واحط كريمات و احط خيار وبطاطس وبرده مراحتش وحشي كمان فيه حبوب باستعمل صابون كبريت ومنظفات وسكراب وكل شئ بردهبيعمل نتيجة بس خفيفة برده الحبوب لسة موجودة وشي باهت
وغير كدا بالبس نظارة لما بقلعها وببص في عنيا احس ان عنييا محولة لفوق
وغير كدا كل اخواتي اولاد نفسي البس لبس يحسسني اني أنثى بس طبعا باتكسف كلهم شباب وانا اصغرهم كل محاول اتعلم احط ميك اب اخويا اللي اكبر مني بسنة (21سنة عمره ) يفضل يضحك ويتريق عليا
المشكلة دي أثرت عليا جامد من ساعة موصلت لسن ال 18 ( أنا عمري دلوقتي 20 ) لأن كل صحباتي من حواليا اتخطبوا ، كتير والله كنت بتسأل من أمهات هو فلانة صحبتك دي ابوها بيشتغل ايه وهيا عمرها كام سنة ، يعني بلاقي الناس عايزين يخطبوا صحباتي لأولادهم وانا لأ :confused:
كمان انا بخاف واتوتر موت من اي شئ لما حد بينده لي فجأة احس اني عملت مصيبة لما ادخل امتحان حتى والله لو مذاكرة المادة كويس والمادة سهلة احس بالخوف وبالتالي في حاجات بنساها سواء في الإمتحنات او في باقي حياتي وساعات ببقى عايزة اتكلم احس ان لساني تقل اوي والله وفيه ناس بيقعدوا يتريقوا عليا في الموضوع دا خاصة لما يكون حد بيتخانق معايا وانا عايزة ارد ساعات الحروف تطلع مني معوجة او الكلمة متكملش او كلمة تدخل في كلمة او انسى :ss: معلش ممكن واحدة تقول ان دي مشكلة هينة عارفة والله ان فيه مشاكل اكبر من كدا بكتير بس الموواقف الكتير اللي تعرضت لها والكلام اللي سمعته جرحني جدا والله
بالله عليكن قولوا لي اعمل ايه ؟؟؟ ( لا تنسوا الدعاء لأمي عشان هيا مريضة )