شفتوا بنت حلوة وخطبتوها بعد الحفلة تفاجئتوا؟؟؟؟

حبيبتي aaaabbbbccc واللة جبتيها ليش يحرمون مااحل الله



آياتي لو كل واحد اصر على الرئية الشرعية بدون مكياج او راح ينسحب والله كان تغيرت كلمة الاهالي وطبقوا شرع ربنا لان في ناس ملتزمين ويعرفوا الدين زي بس يعتبروا الرئية الشرعية

كانهم مفرطين او يعرضوا بناتهم الله يهديهم بس

عمانية ذوق ربي يتمم لك على خير البنت ماتستحي يوم ثاني تقول لة يبان اني

حاطة مكياج المسكين استحى يرد عليها

بصراحه الرجال انغش ومن حقه ينسحب بس ماشاالله باين عليه فاهم ورزين وقنوع مع انه من حقه الانسحاب وماحد يقدر يلومه
اما بالنسبه للشوفه وبحكم مجتمعنا المغلق ضروريه جدا وهي مو بس حق يشوفها حلوه او لا مثل ماقلتوا الراحه النفسيه مو كذا خبط لزق واللوم على اهلها كل شي وله اصول
اما بالنسبه للي سوته البنت انها غيرت شكلها ماعندها ثقه فنفسها وتقص على نفسها قبل الناس الجمال مو كل شي يعني اهم شي تكون نظيفه ومرتبه ولاباس بالزينه الخفيفه كحله غلوس شي مايغير ملامحها يعني بتوازن ماتكون مبهدله وكشه ولا تتزين اوووفر ويمكن لو انه شايفها كذا كان ارتاح لها وحبها

مستحيل اغير بنفسي اصلا اذا حطيت مكياج يوم يجون خطاب اهلي بيردوني غرفتي
المفروض كل وحده تقتنع بجمالها وما هي عليه ومستحيل تخفي عيوبها عن زوجها ف مفروض من الاول تخليه يشوفها بما هي عليه ويقتنع فيها هي ما ف مكياجها

واذا طلبو يشوفوني عادي لانه من حقهم

تسلمي على الموضوع

الله يستر علينا وعلى بنات المسلمين

عن نفسي ان شاء الله ماراح احط شي بس يمكن كحل <يمكن!
وبالنسبه لهالشاب يفضل يستخير بلاش يورط نفسه ويحرجها ويحرج نفسه بعدين ..
وهي الله يسامحها ع اللي سوته حطته وحطت تفسها بموقف محرج..
وربي يوفقهم ويوفقنا :)

اهم شئ جمال الروح لكن الانسان مش المفروض يغش حد خصوصا في امور الزواج وانا شخصيا الحمد لله مامحتاجة لتلك الامور لكن بكون بسيطه بالمكياج مش اكتر ولااقل والله يوفقنا جميعا شكرا لك على الموضوع

انا بالنسبة لي عن المكياج يكون خفيف وشي بسيط

اما اذا كنا بنخطب لاي احد واهل البنت رفضوا ان احنا نشوفها فنبتعد عنهم
لان هذا حق للرجل وللبنت
وحتى الصورة مش كفايه لازم يشوفها على الطبيعه

اما عن سالفة اللي اتغش فيها فانا لو مكانه والله اتركها
لان اللي صار يعتبر غش وانا مش ممكن ارتبط بشخص خدعني من قبل الزواج او الارتباط
وبعدين اعتقد اذا الوحده تسوي جذي فأكيد هي عندها مشاكل في الشخصيه او عقد نفسيه ثانيه فمن رايي الابتعاد يكون افضل

1- ماحط غير مكياج خفيف جداً لأن بعد مهما كان لازم يشوفوني بأحلى حلة بس مب مبالغ بسيط جداً

2- اخليه يستخير ويعتمد على ذوقه

يووووو شتقوولون الحين عصر العمليات التجميليهيعني يغسل ايديه يلقى وحده طبيعيه ... والنقطه الثانيه شدعوه هم مافيهم عيوووب الله يستر من ركبهم واكواعهم اللي تجيب المرض ولاالكرشه بعد الزواج خلاص يصير ثاني اقوول اطلع وانا بقمة اناقتي يبي يبي مايبي بكيفه بالطقاااق

الف شكر على الموضوع

بس المفروض من البدايه يوم قالوا لكم مافي نظره شرعيه على طول ترفضون لانه هذا من حقكم وحلال ، بس ما شاء الله عليه اخوك شكله عاقل وقنوع ، انصحيه انه يستخير اكثر من مره لانه هذه حياة وعشره مو كم يوم !!

معقول في ناس تقدر تغير بشكلها لهدرجه
بس حرام عليها المفروض يشوفها حطبيعتها حتى هو يقرر ياخدها اول هدا اسمه غش وخداع لانها مستحيل تقدر تضل مخبيه شكلها الاصلي على طول

انا متزوجه بس يوم الشوفه الشرعيه
ما حطيت شي ولا اي نو ع ماكب
وما كنت محجبي فكيت شعري بس وعملت من تحت رل بسيط
وحطيت مشبك عن الجنب
ولبس البست لبس حلو ومرتب بس يعني عادي مو افر
وصاار نصيب

بس بنسب لتعقيب على كلامك انه لازم العريس سشوف الشوفه الشرغيه
لان الناس اذاولق لان في ناس ما يصبروا ويروح مطلقها
تاني شي
في كتير بنات يكون موحلوين وعلى التلبيسه بطلعوا بجنننننننننوا
وفي بكون حلوين وبجننوا وعلى التلبيس بطلعوا بخزوا
فهي الشغله نصيب واديش الكوفير شاطره
ههههههههههههههههههههههههههههه

انا اعرف وحده من صديقاتي اخوها تزوج بنفس الطريقه انخدع بشكلها بس بليلة الزواج ماتحمل لما شافها بدون مكياج رجعها لا اهلها وطلقها
يعني هو مصيره شايفني ليش اخبي عليه عيوبي بالعكس يمكن يتقبل شكلي بس اكيد مافي رجال يرضى بالخداع وانو ينضحك عليه

...........................................................................

.. انا انسـانه مو متزوجـه .. ادعوا لي يابنات بالزوج الصالح ياارب ..

عاجلا غير اجلا ياااارب .. اكتب لي اللي فيه الخير والصلح


1.. بكون مثل مااكون في كل مكـان .. ممكن احط روج خفيف وكحل فقط

يعني مرة على الطبيعه .. ماعدا الشعر بصراحه لازم استشوارهـا

لان مرررة كشخه ههههههههههههههههههه

2 .. مع اني مااحب النظرة الشرعيه

لان بصراحه في رجال ( الله يهديهم ) يدخلون ويشوفون البنات وبعدين ينسحبون
واكثر من بنت يسون معاها هالحركه .. ومو بس كذا

الا يمشي عند ربعه ويقول لهم اهي كذا واهي كذا

عـلشان كذا ماايد هالفكرة ابدا ابدا :)

.. وسـلامتكم

موضوعك حساس وحلو بنفس الوقت


عن نفسي ومن منظور رأيي الشخصي طبعا


سؤالك الأول


طبعا الوحده لازم تكون على طبيعتها وماتغير من نفسها شيء لان اكيد بيشوفها بعدين وساعتها يمكن يكون عقد عليها فبيحصل أبغض الحلال عند الله وهو الطلاق ورح تخسر هي قبل هو لانها يمكن ماحد يجيها غيره لانها مطلقه إلا إذا كان أرمل أو مطلق أو عنده زوجه أولى فالنظره الشرعيه مهمة جدا لان مثل ماقلتي احيانا مايرتاح نفسيا معاها مثل ماصار مع قريب لي خطبوا له و الحفله والعقد بنفس اليوم تفاجأ من شكلها وقال انا ماارتحت لها وسكت لكن هي من البدايه من اول اسبوع ابتدأت طلباتها ابغى فلوس للمعهد وابغى جوال وابغى شريحه جديده وابغى وابغى ويوم شافها كذا كانهم ماصدقوا احد يخطب بنتهم على طول من اول اسبوع داخلين بطلبات فسأل شيخ والشيخ طبعا اهتم به وبمشكلته انه ماارتاح لها وأنفصلوا



وبالنسبه لسؤالش الثاني لو كانوا طالبيني اخطب لهم راح اسألهم اكيد إذا يرضوا بالنظرة الشرعيه ولو ماوافقوا على الأقل يعطوه صوره لها وإذا ماوافقوا بعد نرجع للخاطب ونسأله إذا كان مقتنع فيها حسب الوصف ولا خلاص نشوف غيرها والبنات ماشاء الله



ولو حصل لي زي ماحصل لش انه رضي بالوصف وطلعت غير مغيره بحالها وصابغه نفسها بالمكياج ساعتها راح اتكلم معاه مره ثانيه واكلمه في الموضوع وإذا كان مقتنع خلاص هو حر

بس لازم اخلي مسؤوليتي بأني اقوله له ان هي خدعتنا حتى احنا مو بس انت فلو حاب تكمل معاها انت حر ولو مو حاب الشرع يقولك مايجوز تاخذ بنت الناس وتعيش معاها وانت كارهنها وهي راح تكون شريكة حياتك لباقي عمرك وأم أولادك ومافي شيء يجربك انك تعيش معاها إلا إذا كنت رأفان بها وبحالها ولو انه لو طلقها مابيكون غلطان لان هي اللي صورت له نفسها ملكة جمال وهي مافيها من الجمال ذره




الله يساعدك الصراحة موقف لاتحسدين عليه

والله يحببها في قلب زوجها إذا كان مايبغى يطلقها

ويوفقه مع غيرها لو قرر يطلقها