نصيحة لوجه الله لخواتي الحبيبات اللي يعانون من حب الشباب

السلام عليكم ورحمة الله وبركاته

اللي تعاني من حب الشباب وعيزت اتعالج فيه وبآثاره بدون فايدة

أنا كنت مثلج .. ما خليت طبيب جلدية ما رحتله :

حكومي

خاص

عيادات

صيدليات

خلطات

كريمات تقشير

جلسات تقشير كريستال

ليزر

ويمكن في غيرهم بعد

وبشرتي مو بس اتعبت إلا قامت اتحسس حتى من ضوء الشمس وطبعاً المضادات الحيوية حدث ولا حرج صحتي راحت بسبتها

ظليت فوق الأربع سنوات على هالحالة مع إن بشرتي كانت صافية وحلوة حتى قلت الظاهر حايشتني عين ما صلت على النبي :( اللهم صلي وسلم عليه



فجـــــــأة الاكتشاف الخطير



بعد هالمعاناة مع دكاترة الجلدية بدون فايدة تدرون شنو اطلعت المشكلة ؟؟؟

رحت حللت هرمونات وطلعت عندي لخبطة شديدة وشي مرتفع وشي نازل وهو السبب بكل هذا !!!!


والحمدلله شوي شوي مع العلاج تحسنت بشرتي .. والعلاج يا بنات مو يوم ولا أسبوع

علاج الهرمونات من سنة وطالع وترى لما تبدين تاخذين العلاج بتشوفين وايد أشياء فيج تغيرت مو بس بشرتج .. والله حتى شعرج وجسمج وإذا عندج شعر زايد وغيرها وغيرها لأن الهرمونات تدخل بكل شي فبتشوفين الفرق بعدة أمور ما كنتي حاطتها في بالج

فهذي نصيحة لكل بنت اتعالج حب الشباب ومو لاقية نتيجة .. سوي تحاليل الهرمونات عند دكتور متخصص وإذا عندج مشكلة تابعي معاه لآخر المشوار وبتدعيلي :)