ممكن احد يجاوبني

ما عندي صور يا قلبي

ولكن بشرح لك

الدائره الي فيها حرف p
يعني انك تقدرين تنظفينه بالبيت بالمستحضرات العاديه او الصابون العادي

الدائره الي خاليه وعليها علامة خطأ او اكس
يعني يمنع استخدام المواد الكيماويه وايضا يمنع تنظيفها بالتنظيف الجاف

الدائره الخاليه
يعني ان تحتاج للتنظيف الجاف

الحوض الماء الي عليها علامة اكس
يعني ان لا يسمح بالغسيل

الحوض الي فيه درجة حرارة 60مئويه
يعني انك تفرزينه مع القطع الملونه للغسيل ويمنع انك تغسلينه مع القطع البيضاء

الحوض الي فيه درجة حرارة 30مئويه
يعني ان القطعه من القطن الغير ثابت للون هذا يساعدك وقت تفريز الملابس للغسل

الحوض الي مكتوب عليه درجة حرارة 90 مئويه
فأفرزيها مع القطع البيضاء اللون ولا يسمح بالقطع الملونه معه

الدائره الي فيها حرف A
يعني انك تقدرين تستخدمين المحاليل المنظفه وكمان تقدرين تغسلينه بطريقة تنظيف الجاف

المثلث
يعني انك تقدرين تستخدمين المبيض

المثلث الي عليه اكس او خطأ
يمنع استخدام المبيض

المربع
يعني التجفيف

المربع الي عليه اكس
يمنع التجفيف

المربع الي فيه دائره
يعني يمنع استخدام مجفف الغساله

اكيد تعرفين للبطايق الي عليه صورة المكواه الكهربائي صح
عدد النقط يعني عدد درجة الحراره وقت كوي القطعه

وان كانت الصوره عليها اكس يعني يمنع استخدام الكوايه

وكمان هناك بطايق او رسومات
مثلا صورة قميص على علاقه
هذا يعني انك تنشرينه على علاقة ملابس حتى يجف

وفيه صوره قميص بدون علاقه يعني انك تنشرينه بدون علاق

وفيه قميص عليه ثلاث خطوط بزاويه هذا يعني انك تنشرينه بالظل بدون علاق

وفي صور للقطعه معصوره هذا يعني انك تعصرينه

وفي صوره للقطعه معصوره وعليها اكس هذا يعني يمنع عصره

وفي صورة شمس عليها اكس هذا يعني يمنع نشره بالشمس

وفي مثلث مكتوب داخله حرفين cL
هذا يعني انك تقدرين تستخدمين الكلور وقت غسل القطعه ...

ان شاء الله ما نسيت شي ...

موفقه ان شاء الله بالدراسه ...

الله يسعدك ياترانيم مشكوووورة

بصراحه ترانيم كفت ووفت