ملف كامل لكوافيرات مصر فى كل المحافظات

جيلان عاطف بتاخذ 1500 _1850 مش فاكرة لف طرحه ومكياج
اميرة زاهد في المهندسين 1500 جنيه مكياج واعتقد عندها بكدج
مسيوة عبدوة 2200 او اكثر مش فاكرة بكدج كامل
وعندي المواقع لو حد عايز

....للبنات اللي عايزة تحجز عند مسيو عبدو انا عرفت ان باكيدج العروسة كله ب 2200 ولو في الدار ب3200 والكورس بيبتدوه معاكي قبل الفرح بأسبوع ....

الكلام منقول من بنت اسمها حبيبي نونو

يا بنات حد يلحقني لحسن هتجنن من الكوافيرات ومش عارفه احجز عند مين انا روحت نورماندي انهارده لقيته بياخد الباكدج بتاعه اللي هو ( سويت وتكيس وحنه ومناكير وطرحه وميك اب وبس دول بي 1900) ولو هتعملي طرحه بس بييي 950 وميك اب بس 800 يعني حاجه اخر تناقد اوي مش فاهمه ولما سئلت البنت ليه الطرحه غاليه اوي كده قالتلي هو كده ده سستم هي مكنتش عارفه ترد تقول ايه اصلا.

ورحت كمان مجدي وسيد البكدج الكامل بتاعه بيبدا من 700 ولحد 1500 وبتاع 1500 ده في كل حاجه من سويت وتكيس وصبغه وهاي ليت وحنه والميكب والطرحه وتنظيف بشره وكده كولو كولو)

وروحت كمان ايمي الكاشف بس بجد فعلا مش حلو خالص وكمان الخامات بتاعت الميكب شوفتها مش حلوه اصلا

السؤال هنا دلوقتي انتو ترشحولي مين وكمان مين اتعامل في مجدي وسيد مع نواره وكده وياريت صور لو في ارجوكو ساعدوني حتجنن بجد خلاص.

دودو 1
شكرا قوى على ردك

ممكن لو سمحتى تقوليلى اسعارهم كام

والاستديهات رايك اى استديو

إزيكو يا بنات مصر أنا إمبارح روحت عند مسيو عبده وسألت على باكيدج العروسة

لو حد جالى البيت فالبنت إللى هناك قالتلى 4000 عشان أنا ساكنة فى أكتوبر مش كده كتير ولا إنتوا إيه رأيكم أنا حاسة إن كده استعباط بصراحة

وقالولى إن فى فرد عندهم إسمه soft بيتكون من زيوت كان ب 500ج حد يعرف الفرد ده كويس ولا لأ يا بنات عشان أنا بجد شعرى صعب أوى وعايزة أعمله فرد قيل ما أتجوز

خصوصا إن الكيراتين ب 3000 ج وكمان لقيت على النت إن بيجيب كانسر وأنا سألت مدام أمينة شلباية عليه قالتلى إن نسبة الفورمالين فيه عالية أوى وبيضر الشعر

حد فيدنى عن كوافيرات المنصورة

بصراحه انا معرفش اسعارهم وكل واحد فيهم عنده ميزة يعنى وى ماترتاحى

لان كل واحد فيهم بنات عمى عاملين عنهم كلهم وكلهم كانوا حلوين

ممكن حد تانى يفدنى عن الكوافيرات فى المنصورة واحسن كوافير اية

حبايبي الموضوع حلو اوي بس معقول الكيراتين ب3000 جنيه وبيجيب كانسر انا اول مرة اسمع لاني نفسي اعمله لان شعري تاعبني كانت امينة شلباية جايبة كوافير اسمه شريف عدنان بيتكلم عنه وانه مالوش اضرار وبالمناسبة اللي تعرف عنوانه تقولي وازا كان عندهم قسم للمحجبات ولا لاء

شوشو52
المنصوره
في كوفير
جونتنياس في برج السوسن في الجامعه
أنا عملت عنده صبغه بس كانت غاليه قوى وكمان واحشه قوي
وألوانه باهته وتحسي أن شعرك شايب
والشعر بعدها بيتساقط ويبقي ضعيف
أنا جربتها عنده مرتين وكل أصحابي كمان أشتكو منه
وأسم علي الفاضي
بس بصراحه القص عنده تحفه و البتكير والمنكير والماسكات وكل حاجه تحفه
أنا كنت عنده عروسه من 5أشهر كنت طلعه قمر قوي وكان الناس هتتجنن عليا
بس لو هتعملي عنده بلاش تعملي صبغه


والخطوبه كنت عامله في جمال عند فيلا غيث وكانت حلوه قوي قوي قوي

في بقي هير أستايل بس زحمه قوي اصحابي شكروا فيه كتير بس أنا مجربتوش

وفي كوفيرات تانيه كتير بس مش مشوره
يارب أكون أفدك

شكرا قوى ليكى جذابة لدرجة الاذابة بس ممكن اتكلم معاكى

ممكن تقولى على كوافير كويس بس مش مشهور لانى مش عاوزة زحمة
والمشهور بيبقا زحمةةةةةةةةة قووووووى

انتى فين جذابة لدرجة الاذابة

بجد موضوع تحفة
الكوافيرات زي دكاترتة الجلدية والاسنان والمدرسين صعب يتقفوا عليهم اكتر من 2
عمتا انا عروسة متزوجة جديد في مدينة نصر حد بقي يساعدني علي كوافير كويس واسعارة كويسة لاني مش من القاهرة خالص

السلام عليكم

كانت عاوزه اعرف كوافير للمحجبات ويكون حد جربه واسعاره معقوله فى الدقى

تصدقو خلتونى بعد 9 شهور ادخل نفس الموضوع تااانى
اسفة للاخت اللى سالتنى على بور توا فى سموحة لم ارى الرد ساعتها
رجعت احذركم اياااااااااااااااااكم من كوافير الملكة فى ثروت
والله حتى الان كلما تذكرت اقول حسبى الله ونعم الوكيل
دمرت شعرى انا قلتلكم للامانة

نوجا بالمكسرات;7340952:
موضوعكم يجنن يا بنات .. وفعلا هيفيد ناس كتير .. بالنسبة ليا أنا جربت محمد الصغير فى المهندسين طبعا هايل وحليم برضه جربته شويه بس طبعا علشان انا ساكنة فى مصر الجديدة فكنت بكسل أسوق لحد المهندسين وأنتم طبعا عارفين السواقة فى كايرو عاملة أزاى المهم جربت مسيو عبده اللى ف ميدان الحجاز هو طبعا أحسن كتير من مجدى وسيد اللى ف عمار ابن ياسر لأنه خد شهره فعلا ع الفاضى وكل دول بصراحة أسعارهم عالية شوية بالنسبة للخدمة اللى بيقدموها بس طبعا لما بتعطى تيبس حلو بيخدموكى صح هههههههههههههه انا ساعات كنت بدفع التيبس اكتر من اللى بتكلفه لقص شعرى او الباديكير وغيره

بس أنا أكتشفت كوافير هو مش كوافير بس هو بيوتى سنتر صغير بس يجنن وللمحجبات ولغير المحجبات هو مكانه فى شارع مصر والسودان بحدائق القبة أسمه حكيم بيوتى وبصراحة قص الشعر وتسريحاته تحفه بس تخلوا ابراهيم هو اللى يعملكم أى حاجة خاصة بالشعر وصبغات وخلافه وبالنسبة للحواجب والميك أب البنات كلهم هايلين بجد رووووووووووووووعة وخصوصا حنان ودعاء أديهم تحفة وعلى فكرة أسعارهم رخيصة وتجنن يعنى مثلا قص الشعر عندهم ب 25 والصبغات انا صبغت شعرى عند مسيو عبده ب 350 وصبغت عند حكيم قبل العيد ولون شيك وشعرى كان تحفة وعملت حواجب وباديكير تخيلوا بكام 180 ولما بيعرفوكى وتكونى زبونة عندهم بيكرموكى ف الأسعار بجد ومعاملتهم فظيعة تحسى أنك ف بيتك وطبعا عندهم حمامات بخار ومغربى وساونا وسويت وجاكوزى وجيم وكل حاجة ممكن تحتاجيها وأنا عملت برنامج العروسة كله عندهم السنة اللى فاتت لما اتجوزت والحمد لله بجد كنت خارجة من عندهم تحفة وبصراحة هما هايلين ورغم انى لسة ساكنة فى مصر الجديدة بس طبعا بروح لهم مخصوص .. أنا أسفة ان كنت طولت عليكم بس حبيت أفيدكم باللى أعرفه .. وتقبلوا تحياتى

انا روحت الحكيم بيوتى سنتر قبل فرحى هو فعلا فرندلى اوى و تحسى انك فى بيتك بس حسيت ان الحمام المغربى و السويت مش الحاجه التحفه يعنى فيه سنتر احلى منه فى الهرم بيعمل كل ده اختى راحت له قبل كده بس مش فاكره اسمه
بس عجبنى قص الشعر عندهم
و يا ريت لو حد يعرف حد فى اكتوبر و يقول الاسعار كمان

برومانا حببتي

مجلة حجاب فيها ماكييرات كتير كويسين

وانا عن نفسي عجبني جدا شغل الماكييرة مروة الخطيب تحسيه مختلف جدا ومش تقليدي زي بقيت الماكييرات يحطو الاكسسوار ويلزقو الطرحة وخلاص

بحس ان هي فنانة فعلا ومبتكرة وبتحب كل جديد ده بالنسبة للطرحة
بالنسبة للميك اب هي بتوفق الالوان حلو اوييييييي

كمان اكسسواراتها جديدة وقيمة اوي طقم الخاتم نفس الحلق نفس التاج او الاكسسوار
ومش بتاجره لا بتاخد منك 100 جنيه ولما ترجعلها حجتها بترجعلك 100 جنيه

هي لها جروب على الفيس بوك تقدرو تشوفو شغلها عليه

ارجو اني اكون افدتكم

تحياتي للجميع

بجد موضوع رائع

انا واحده صحبتي ففرحها راحت كوافير اسمو فرحه فالمهندسين فشارع احمد عرابي وكان مطلعها قمر

بس عشان الشهادة لله فالصبغه مكنش حلو

بس عملت عندو كل حاجه كان جميل :)

شوشو52
فى عندك كوافير رومانجى فى الاتوبيس الجديد كويس جدا وتحفه فى الميك أب بيعمله بنفسه وكمان منظمين جدا والطرح لفاتها جنان

اما الاستوديو عندك هيلتون والوزير وفوتوشوب

وستديو العائلات ساعات بيبقى حلو