أي أحسن الحمل بعد الزواج بسبوع ام بعده بفتره طويله

انا بعد ما اؤيد الحمل من بداية الزواج الا في ظروف خااااصة مثل التقدم في السن ..

عني انا كثيييير اعاني من موضوع حملي لاني ما طولت ابد في الخطوبة وبعدها تزوجت وفي الصباحية نزلت الدورة وبعدها ما نزلت ابدااا وطلعت حامل ، يمكن الفترة اللي استانست فيها مع زوجي وطلعات وسهرات هي شهر فقط وبعدها ابتدا الوحام والثقل والحالة النفسية ومثل ما قالوا البنات ما استانست بجهازي وثيابي ضاقوا علي وحتى بعض ذهبي ضاق علي وبدلتهم خخخخخ رغم ان الحمل صار بدون تخطيط وكنا نستخدم العزل لمنع الحمل ومقررين نأجل الحمل سنتين لكن الله كتب وحملت بسرررعه وكنت في بداية حياتي الجامعيه (w)
وما كملت 9 شهور من الزواج الا وولدي في حضني لاني ولدت في نص الشهر ال9 ولله الحمد على كل حال ، بعدها قررت امنع الحمل فترة 5 سنوات يكون ولدي يكبر شوي واتخرج انا ونشوف نفسنا لو على الاقل سنة بدون دراسه ولا تربية بيبي صغير وحفاظ ورضاعه ونعيد ايام الطلعات والروحات والسهرات والسفر لكن يوم كمل ولدي سنتين اكتشفت اني حامل :16:

والحين ولدي الثاني عمره سنة ونص تقريبا واذا افكر في حياتي يعورني قلبي لاني ما استانست مع زوجي مثل كل البنات غير ان جسمي اخترب ونفسيتي على طول تعبانه من التربية واكتئاب مزمن وحتى زوجي باله كل مشغول ويراكض ليل ونهار وذابح روحه في الشغل علشان عياله وكل شي يراعي فيه عياله وما في بوزه الا كلمة احنا عندنا عيال لازم نحاسب يعني مثلا ما نطلع في الشتا بسبة البرد او حتى ما نشغل مكيف لان اليهال بيمرضون ..ما نبالغ في الصرف .. ما نروح سينما لان اليهال ما تصلح لهم هالاماكن .. طيب نخلي اليهال عند احد من الاهل يقول لا هذول عيالنا احنا واحنا المسؤولين عنهم خلاص مو نفلتهم على الناس ونطلع نصيع :ss:

تخيلوا ان عمرنا ما تركنا المانع ( العزل ) الا في فترة الحمل يعني فترة تقريبا 7 اشهر "من بعد ما اعرف اني حامل" والمسكين ريلي بعد ما ياخذ راحته لاني حامل وبطني قاعد يكبر :o

اااااااااااه خليتوني افضفض وقلبتوا علي المواجع ومن الحاله اللي فيني صرت اقول خلااااااااااااااااص ما ابغي عيال بعد واللي عندي كفاية وحتى لو قالوا جيبي بنوتة اقول لهم كفااااااااااااااية خل يكبرون واهتم بنفسي شوي والله تعباااااااااااااااانه والبيت على طول عفسه ما الحق على تعبهم ولا عندي احد يعيني عليهم وابوهم يدوام من الصبح الى المغرب وعلى طول ازعااااااااااااج :confused:


في حين اللي اشوفهم يتأخرون في الانجاب عايشين حياتهم احسن مني وروحات وطلعات وسهرات وسفرات ما يحاتون شي ومستانسين ومرتاحين ..

انا احتي كملت سنة على زواجها من 3 ايام وامي تحاتيها تبغيها تحمل بس انا كل اقول لها خلها تستانس بحياتها مع ريلها والعيال لاحقة عليهم :(

بشكل عام اشوف ان الاحسن الوحده تأجل الحمل سنة بس تستخدم خلالها موانع طبيعية ، واذا كانت تحب العيال وما في شي يمنعها ومتفرغه لهم خل تمهل على الاقل 6 شهور وبعدين تفكر في الحمل (a)



الحمدلله على كل حال .. الله يخلي عيالي ويحفظهم من كل مكروه يا رب :15:

يا قلبي ياماما حسون انتي أزمتيني خلاااااااااااااااااااااااااااااص مابي خير شر هههههههههه

المشكله انا اقول خل بنسبه لي ابي احمل بعد ثلاث شهور اربعه بس العله اذا الزوج يقولي يبي الحمل

حتى لو من ليلة الدخله عادي ما عنده مانع ههههههههههههه والله انا ابيها ايه كيه 6 او 7 شهور

و الله يعينك على اولادك يا حليلهم كتاكيت ويحفظهم

أنا أأيد التأجيل وما أأيد الموانع غير الطبيعية يعني يستخدمون المنع الطبيعي لمدة 6 شهور حلو يكون مداهم شوي يستانسون بحياتهم من غير عيال والعروس تستانس بجهازها.

بقولج تجربتي الشخصية طبعاً تزوجنا وتركت الأمور تمشي طبيعي حتى مانع طبيعي ما استخدمت وسبحان الله صار من الله إن تأخر حملي 7 شهور ما أنكر إني بديت أحاتي وأقلق وغير أسئلة الناس بس في نفس الوقت استانست ببداية زواجي وسافرنا شهر العسل بعد 4 شهور من زواجنا وكنت خايفة إني أكون حامل بس جتني الدورة قبل سفرنا بيوم :)
وبعد 7 شهور حملت وسقطت والحين حامل ولله الحمد الله يتممه على خير،، يعني مو كل وحدة تحمل من أول ما تتزوج بس عادي لو تستخدمون مانع طبيعي 4 أو 6 شهور وبعدين خلي الأمور تمشي طبيعي وترى في واجد يتحسفون لأن حملوا من بداية الزواج وما مداهم يتهنون.

ايي اللي يقعد معاي يتعقد من العيال خير شر ههههههههههههههههههههههه

وعلى طاري شهر العسل انا تزوجت بداية العطلة الصيفية وزوجي كانت اجازته بعد شهر وشوي وقررنا نسافر شهر العسل بس قبل السفر بكم يوم اكتشفت الحمل :ss: وكانت صددددددمه وصياح في المستشفى هههههههههههههههههههه
بعدين تفاجأت ان ينزل علي دم ورحت المستشفى وقالوا لي لازم ارتاح وخبرت الدكتورة بالسفر لكنها رفضت لكني اصريت على السفر وفعلا سافرنا والدم تم ينزل طوووول فترة السفر ولا استانست عدل بسبب الوحام وكل نايمه هناك ولا طلعنا عدل ولا قعدت مع ريلي عدل واللوعه عامله عمايلها بس اخر الايام غصبت روحي على السوق علشان اتشرى خخخخخخ وشهر العسل تقلص وصار اسبوعين فقط (a)

الوحدة احسن تأجل موضوع الحمل على الأقل 6 شهور إلى سنة تستمتع هي و زوجها بحياتهم الجديدة و يتعرفون على بعض أكثر بس طبعا ها موضوع يرجع على حسب إتفاقهم ..

أنا اقول تخليها على حسب التساهيل

لان الوحده ماتظمن هل عندها مشاكل او لا

يعني ممكن تحمل على طول وممكن ماتحمل

موفقه يارب

مشكوره على الطرح والله يعافيكم على الردود وبانتظار المزيد من آراء المتزوجات والعرائس الي في بداية حياتهم الزوجية

أنا أقووول تخلي كل شئ على رب العالمين ... أنا حملت بعد زواجي بشهر والحمدلله مستانسين وبالنسبة لي أول طفل من غير تخطيط .. وبعدهااااا تسوي مااانع لمدة السنوات اللي تبيهاااااا ..

يعطيكم العافيه على الردود , وين باقي المعاريس , صدق الموضوع يستحق النقاش والاهتمام!؟

أختي أنصحها انها تخلي هالشي على رب العالمين

و لآ تاكل مانع أو ما شابه

و شفيه الريال مستعيل عاد ع الحمل

انا اقول هذا قرارهم هم حرين

سنه انسب وووووووقت

لا تستعمل موانع ..

بس انا افضل ان يكون الحمل بعد فتره من الزواج ..

مفروض كل انسان يترك هذا الشي على الله وخلي صاحبتك تبتعد عن هذا الكلام لان مايصير
انا وزوجي قلنا بنمنع الحمل وفعلا منعنا الحمل والان الي متزوجه 3 سنوات وشهرين ولسى ما صار حمل شنو استفدنا من المانع

والله ما استفدنا غير تعب قلبنا

ربي يرزقنا وجميع المحرومات بذريه الصالحه
والله لا يجعل احد بمكانا

انا بصراحة ماجه في بالي التأجيل
لان الواحد مو ضامن روحه..يعني في ناس استخدمو موانع في البداية وبعدين طلع ان عندهم مشاكل في الحمل
يعني كبداية الواحد يخليها على الله احسن

السلام عليكم
بصراحة الافضل بعد فترة لان بيخترب جسمها من البداية وجهازها كلة بيروح ع الفاضي
بعدين وبصراحة تبدأ عادي من دون اي موانع ....انا مااستخدمت موانع وحملت بعد 6 شهور من زواجي
الحمد لله التأخير من ربي ...والحمدلله اني حملت من دون اي مشاكل
والقرار يرجع بالأول وبالأخر للزوجين وربي يوفقهم للخير
وإن شاء الله مايكون فية اي مشاكل تأخير حمل

الحلووو بعد سنة تقريباا

بس كل بارادة الله

انا ماتوقعت اني احمل وفرحانه لاني بستانس بحياتي بسبب الهرمونات
بس الله راد وحملت بعد 3 شهور من الزواج

[GLOW="333333"]انا اشوف انها تخليها على رب العالمين افضل لان الواحد ما يضمن نفسه وحلو ان الوحده تنجب وهي صغيره بالسن لان التقدم بالسن ياثر على الانجاب خاصة عند النساء عشان كذا لاتتبع موانع ولاغيره والجسم مصيره يتعدل اذا خايفين على الرشاقه لاكن احياناً الموانع تكون عكسيه فلو اثر عليها كيف بترقعها[/GLOW]

انا ضد الحمل بعد الزواج مباشرة

لانه البنت ماتتمتع في زواجها ولبسها وحتى مع زوجها

الحمل تعب ومسؤلية على طول كذا تدخل في الجامد صعبة شووي
وغير هذا واهم منه انه ماتدري اذا الله بيوفقها معه وتستمر حياتهم او ينفصلون وتصير الضحية الطفل
عاد هي تعرف وضعها اكثر من اي شخص ممكن ينصحها !!
بس ا اذا كان زوجها هو اللي يبغى
تتوكل على الله وتخليها على رب العالمين وربي يكتب لها اللي فيه الخير

واهم شي تكسب زوجها من البداية وتفرحه

متى ما الله رايد راح تحمل

بس الاهم انها تتوكل ع الله