وقت خروج راس الجنين..شو الي حسيتي فيه؟

الله يستر ..

فيني آلام خفيفة .. وكل ما تييني اخاف واتحمس ههههههههه

الله يسهل هاللحظة علينا وصدقكم والله الطلق هو الي يقص الظهر ويتعب .. بس سبحان الله نكون سبب صغير اننا نمنح حياة لطفل صغير ويدخل لها الدنيا بعد اذن الله عز وجل

الله يسهل عليج إن شاء الله .....

وماتتعبين ....

عن نفسي حسيت بإني بموت من العوق ....

بس الحمد لحظه وعدة على خير ...

وإن شاء الله بالثاني و3 و4 و5 و6 و7 و8 و9 و10 جي ....

والله يسهل ويسر أمور الجميع إن شاء الله ....

حبيبتي الله يسهل عليج وعلينا أنشالله وأنا هذا أول حمل لي بس سألت صديقاتي وكلهم يقولون أنه وقت خروج الراس يحسون كأنهم بيروحون الحمام تكرمين وأول ما يطلع ينتهي كل شي, وبخصوص أبرة الظهر الصراحة ما أنصحج فيها لأنه وحده من معارفنا كانت ما خذتنها وهيه تدفع الراس وقفت ما تدري أنه الراس طلع فضغطة علية يعني نص الراس وبعد سنة من الولادة بعيد عنج وعنا توفى البيبي لأنه الضغط خلى الدم يتجمع في راسه وتوفى. فأنتي شدي حيلك وأنشالله ما بيصير إلا كل خير وأنا ما أفكر إلا في تجارب إلي سبقوني وخاصة إلي منهم صغار في السن وماشالله ربو وفكرو في الثاني على طول وأعرف وحده هيه تعبانه يعني ما تقدر تتنفس بسرعة ينقطع نفسها وما تتحمل أي شي ما شالله يابت 6 عيال طبيعي يعني هذي المريضة قدرة على الولادة فكيف نحن الصاحين أنا أشجع مثل ما أشجع نفسي. متى موعد ولادج حبيبتي بندعيلج الله يسهل عليج.والسموحة طولت في الكلام.

هي صج تعور موت بس الولادة التانية اسهل من الاولى

الله يستر هذا اول حمل لي والله مادري شنو باسوي ربي يسهل علينا جميعا ان شاء الله

بصراحه انا ماحسيت بألم الشق ولا الخياط ولا بالولاده نفسها .. كل الألم لحظات الطلق المؤلمة تخلي الوحده تنسى اسمها.. خخخخ

انا لما قالت لي الدكتوره ان الراس بيطلع ودفع وبوش بوش.. استانست لأن لحظه الخلاص اقتربت

وطلع الراس ودفعه وحده وطلع الجسم بكل سهوله

بصراااااحة مافي اجمل من لحظة الولادة ...اممم بتقولون لانه خلصت وافتكيت ...خخخخخ ....بس صدق سبحان الله الولادة الطبيعية نعمة والالم يكون في الطلق بس ووقت خروج البيبي اني ماحسيت فيه الا بشي يندفع بسرعة .....
الله يخلي لي اولادي يارب تعبهم يسوى الدنيا مافيها ...

ألم خروج الرأس أهون من ألم الطلق

الله يهون على كل الحوامل

الله يسهل عليج ان شاء الله وجميع الحوامل
و لا تخافين و لا تحاتين
توكلي على الله و بيسهل عليج


فعلا هي لحظه خروج الرأس مؤلمة

لكن مو زي ألم الطلق كل ما أتذكر أقول توبة مابحمل مرة ثانية طول عمري

وعشان أضحكك وأخليك تفرفشي بقولك سالفتي وانا أولد

لما كان يجيني ألم الطلق كنت أصرخ واقول لهم ظهري بينكسر خلاص انا بطلع من هني على طول ودوني غرفة العمليات صلحوا ظهري لان خلاص ظهري أنكسر من الألم

وسبحان الله

في 20 دقيقة ولدت بسرعة ومن غير ما أحس وفجأة أختفى كل الألم والوجع


سبحان الله مجرد مايطلع البيبي كل شيء ينتهي

الحمد لله والشكر على هالبنوتة الله يحفظها ويخليها لنا

الله يهونها ان شالله

ام جود يحليلج .. ههههه كنت اقول حق امي مصاريني تتقطع

ياربي خوفتيني ههههههه ..

الله يسهلها علينا ان شالله.. شكله ببدا احاتي الطلق اكثر من الراس هههههه لأنه شكلي ناسية الم الطلق

ههههههههه عيون بو ظبي وللحين تحاتين
خلاص ياقلبي مافيه مفر طاح الفاس في الراس بتولدين بتولدين مافيه تهرب من الموضوع

يلا هي كم ساعة وبعدين بيصير النونو بين ايديج وربي يقومج بالسلامة

انا من قريت تجارب بعض الكروشات حسيت نفسي ارتحت نفسيا خلاص مابي افكر ابي استمتع وكل شي في وقته حلو..^____________________________^..

الله ييسر لج ولادتج ...وماقدر اوصف لج الاحساااس على قد ماهو مؤلم ويبكي على قد ماتفرحين بشوفة ضناااج يطلع للدنيا ..سبحااااااااااان الله

والله طلعة الراس ما في احلى منها..

ههههههههههههههههه

أنا لأني مجربتها أول مرة.. ضحكتني.. ذكرتني بكلمة صديقتي قالت لي اني راح احس كأن فيني امساك وبتعصر فجأة بيقول بـــــــــــــــــــــــــــــــــــــــق
ههههههههههههه

الحمدلله.. اصلا استنكرت وقلت وش هذا.. قالو طلع الراس ادفعي مرة ثانية
دفعت وشفت دانة الدنيا

فديتها

انا ولدت بأربعه الاول قيصري و الثاني و الثالث طبيعيو الرابع قيصري وكل قيصري كان بسبب ظروف طارئة ولحظة خروج الراس ما حسيت فيها لان عطوني إبره من تحت وقصو وبعد خرج الرأس و آلان أنا حامل بالخامس ولا أدري أولد طبيعي و لا قيصري والله ودي أولد طبيعي علشان أعيش هاللحظات الجميله الله ييسر علينا

الله يذوقنا حلاوة تعب الحمل وآلام الطلق والولاااااااااااادة يااااااااااااااااااااااااااااااااااااااااااااااااااااااااااااااااااااااااااااااارب

صحيح الي حسيت به كان القص التوسيع لانه وقت خروج الرأس تمسك المقص من تحت تخبيه وتشق واني انتبهت لها ااول مره لانها اخدته قدامي

لكن الولادتين الباقين ينفتح الجرح من نفسه وطلوع الرأس متعب لكن ما يستمر اكثر من دقيقتين

وكل ولاده تختلف عن الثانيه لا تحاتين الله يقومك بالسلامه

الله يرزقك المحرومين ان شالله

ويسهلها علينا .. كل ما يقترب الوقت اخاف اكثر .. الله يستر بس .. يعني الاحساس متعب للكل

الله يسهل على كل حامل ياااااااااااااااااارب

أنا مثلك في التاسع وخايفه من هذي الحضه هذه لاني في البطن اللأول عفست إبني براسه وقعد شهرين لما رجع رأسه ؟؟؟؟؟؟؟؟؟؟؟؟؟؟؟ ربي يسهل لأأني أسمع الولاده هي الولاده بس أهون بشوي عن البطن الأول الله يعين الجميع

الله ييسرها للجميع