k_kawther;7041339:
بنات تتوقعون في قائمة ثانية غير قائمة ال500 بتنزل قريب
لأن في جماعة وايد حذروني من العمل في القطاع الخاص
حتى من داخل الوزارة
يقولون بعدبن يصير صعب تتوظفين
لأن بطاقتش فيها انتي موعاطلة
والله انا متحيرة
:sm229::sm229::sm229:
انا باقولج وجهة نظري
شوفي
انتي الحين على قائمة الانتظار واذا اشتغلتي في مكان خاص اهم ماراح يدرون بهذي الشي لان اوراقج اللي عندهم انج عاطله لانج مقدمة من شهر 2 اللي طاف صح وحاليا على قائمة الانتظار ،،
ثانيا
التوظيف اللي على قائمة الانتظار راح يكون طول هذي السنه يعني توقعي ان راح ينادونج من شهر 9 لي شهر 6 اوكي
واذا راح تقدمين امتحان ثاني راح يكون للتوظيف السنه اللي راح تيجي يعني 2009-2010 يعني يتطلب تقديم الاوراق من جديد في هالحاله لازم تكون اوراقج عاطله
يعني عادي لواشتغلتي هذي الايام لان اوراقج عندهم عاطله ولو نادوج للوظيفه خلاص فنشي من الجهة الخاصه ،،
ثالثا
انا حكمة واشتغل العصر بس طبعا مافي تقير في البطاقه لان متى ماينادوني اروح على حسب المباريات ،، بس اللي ابي اقولج ان معانا اخصائي في وزارة التربيه وقالي الكلام بنفسه احنا وظفنا ثنتين كانوا يشتغلون في مدراس خاصه وقالي عادي
وهو بنفسه قالي ليش ماتشتغلين في مدارس خاصه يكون عندج خبرات وشهادات ،، وحزت المقابله تقولين لهم انا شتقلت هني وهني ،، مو بعض البنات يقعدون في البيت بس وينتظرون لين تتبخر كل المعلومات وحزة المقابله تقولهم انا قاعده في البيت من 3او 5 سنوات ولا نادوني ،،
لازم الواحد يتحرك واذا اشتغلتي ياكوثر راح يكون عندج شهادات وخبرات عمل
رابعا
صديقتي الحين وظفوها والحمدلله اهي اشتقلت تقريبا في 3 مدارس خاصه طبعا مع اقلاب البطاقه ،، والحين يوم نادوها اهي كانت تشتقل في شركة وعاااااااادي كلش
وطبعا بعد من ضمن اللي اعرفهم ووظفوهم الحين بعد عندهم دورات وخبرات وصايرين حكمات ومدربات في اتحادات البحرين ،، يعني مو قاعدين في البيت لا يتحركون على روحهم
شفتي شلون هذي كل ساعدهم على انهم يستحقون الوظيفه ،، مو البنات الباقي اللي قاعدين في البيت لا يبون يدشون لا دورات ولا يشتغلون في الاندية ولا يبون يصيرون مدربات ولا يبون شي مجرد ينتظرون وظيفه ،، وعقب يقولون اللي وظفوهم مايستحقون على اي اساس يقولون جذي اهم ماشافوا خبراتهم ولا شهاداتهم ولا دوراتهم
انا مااالومهم صح كل وحده فينا تتنتظر الوظيفه لكن هذي الواقع الحين التوظيف صاير اللي عندها خبرات واللي عندها مؤهلات مو بس بكالوريس واللي وظفوهم الحين ثلاثة ارباعهم شفتهم في الدورات اللي كنت احضرها ونشيطات في كل شي تقريبا حاطين روحهم ،،
ياكوثر روحي اشتغلي في كل مكان عاااااادي والله
واي باقولج شي بعد
امس ابوي يقولي ان في واحد يشتغل معاهم في شركة خاصه ( طبعا الشغله الي يشتغلها اقل من مؤهله الجامعي ) نادوة وزارة التربيه حق مدرس لغه عربيه والحين قاعد اكمل اجراءات تفنيشه من الشغل عشان يروح التربيه ،،
وان شاء الله بس ماكثرت من الحجي وعورت راسكم