التوظيف في وزارة التربية (بنات البحرين)

شخباركم يا عاطلات :tongue:

دالية البيت اسمش عجيب (y) أحس فيه "عراقة وأصالة البحرين"

بــــــــــــــنـــــــــــــــات خبر فريـــــــــــــــــــــــــش تووووووه


ياريت اكون اول من يبشركم بتوظيفكم جميعا ،، وان شاء الله عما قريب كل وحده تبشرنا ونفرح بالكل ياااااارب


بس حبيت انقل لكم آخر الأخبار

بالنسبه حق بنوتات تكنولوجيا التعليم ،، وعلى ماظن حتى بااقي التخصصات ،، الي كانوا مقدمين الامتحانات في شهر 4 ،، وناادوهم حق اجراءات التوظيف ولحين ماخلصوا اجراءاتهم ،، تم الاتصال فيهم اليووم عشان يخلصون اجراءاتهم ويودون اوراقهم مال الصحة والبصمات

يعني شكلهم الوزاااااااارة قاعدين يخلصوون اجراءاتهم عشاان يطلعوون لستة التوظيف

الله يووفقكم ويسعدكم ،، بس حبيت انوووه يابنااات

ترى في هالدنيا محد يااخذ غير نصيبه واللي الله يكتب له فيه الخير يصير .. محد يدري شنو مستقبله وفي وين والله يووفق الجميع :) ودمتم بود ومع احترامي للجميع

السلام عليكم
خواتي أنا خريجة أدب أنجليزي
ما قدمت على و لاشي

عندكم فكرة عن طريقة التقديم؟
هل تخصصي مطلوب؟
حاولت اتصل الوزارة لكن ما يردون على التلفون

فهموني جزاكم الله الف خير
:)

أم فاطمة الوردة;6968319:
السلام عليكم
خواتي أنا خريجة أدب أنجليزي
ما قدمت على و لاشي

عندكم فكرة عن طريقة التقديم؟
هل تخصصي مطلوب؟
حاولت اتصل الوزارة لكن ما يردون على التلفون

فهموني جزاكم الله الف خير
:)

هل عندج مؤهل تربوي او لا !! يحدث فاارق

عاامة ،، تنزل اعلانات من وزارة التربية عن التوظيف ،، اما لحملة المؤهلات التربوية ،، وحتى لغير حملة التربية لتخصصات محددة وليس الكل

اذا انتي عاطله ،، اهم شي انج تقدمين في مشروع العاطلين ، وتقدمين في ديوان الخدمه المدنية (( مادري على ايامنا :$ مو قديمه وايد سنتين بس ))

اذا بيتم توظيفج في وزاارة التربيه من غير مؤهل تربوي كمدرسة لغه انجليزية ،، تتوظفين حق طلبة الابتدائي ( وهو ما تم سابقا) ،

وبعد تقدرين تسجلين في كلية المعلمين وتفضلي هذي وصلتهم http://go.3roos.com/PK0t5BnJmwJ عشان تحصلين على الدبلوم العالي في التربية بس بشروط محددة تقدرين تطلعين عليها :)

السلام عليكم
خواتي أنا خريجة أدب أنجليزي
ما قدمت على و لاشي

عندكم فكرة عن طريقة التقديم؟
هل تخصصي مطلوب؟
حاولت اتصل الوزارة لكن ما يردون على التلفون

فهموني جزاكم الله الف خير

اي مافي الا تنتظرين أول اعلان ينزل لتقديم طلبات التوظيف سواء من الخدمة المدنية او وزارة التربية واذا كان تخصصش ضمن المطلوب تودين أوراقش ليهم
ومن جانب ثاني تقدمين في مشروع التأمين ضد التعطل عشان يعطونش المخصص الشهري ضمن قانون التعطل .

Sm!LeY;6967172:
الله كريم .. شكله النتائج بتطلع الاربعاء او الخميس اذا باجر بيحطون نتائج الجامعه ..

هلا اسمايلي.....

بس اتوقع انه ما له علاقة نتائج الجامعة با نتائج التعيين.....

هذليين تبع جامعة البحرين والتعيين تبع وزارة التربية ..

واذا اثنينهم بعثوهم للجريدة ما اعتقد الجريدة بتأخر واحد........بسوي ملحقين واحد للجامعة والثاني للتعين في الوزارة....







الله يسمع منكم ونتوظف يا رب .......ويسمع منش اختي ماركة وتتطلع هالنتائج لأن لاعت جبدنا بصراحة....ما صارت

امممممممممممم ماابي احبطكم ،، بس ماتوقع انها تنزل هالاسبوووع ،، الاغلب الاسبووع اليااي ،، مع اني موعارفه شلوون بيخلصوون اجراءاتهم في هالفتره القصيره داام انه دواام الهيئة التعليمية بيكون بدايه سبتمبر مع رمضان يعني ماباقي شي

دااامهم لحين يخلصون اجراءات القديمين ، يعني لحين ماثبتوا اللسته ، والبرووووووود الي فيه وزااره التربيه ،، يعني تنتظرون والله يعين الجميع ،، الله يهوونها وان شاء الله الفرج للجميع عما قريب



فــــــــلــــــــــــونــــــــة !!! شخبار المقابله الي رحتيها الاحد ؟؟؟؟ ان شاء الله خير طمنيني عليج :)

والله ما يندرى بعد اختي زهره ايامي يصير مع بعض يحطونهم .. بس ما احس بيكونو مع بعض خبرش اذا حطوهم مع بعض ماعندهم شي بيصير ليوم ثاني .. بس ان شاء الله باجر يحطونهم لاعت جبدنا و الله كل مره يعطونه تاريخ و ينطرونه على اعصابنا على قلة الفايده ..

ان شاء الله خير و بنتوظف ..

اووووووووووووووووووووووووووووووووووووووووووووووووووووووووووووووووووووووووووووووووووووه ماركة لا تقولين

معقولة يعني يخلونا لسبوع الجاي حرام عليهم..

بس اني شكلي ما بتابع التوظيف وخلهم اذا يبغوني يركضون وراي.....تعبت

ايوة
عندي مؤهل تربوي
بس انه متوظفة قطاع خاص يعني مو عاطلة عن العمل:)

أم فاطمة الوردة .. مسجلة أنش تشتغلين لو مابدلتين بطاقتش؟

جوفوا انا بنقل لكم قصة رفيجتي وأعز صديقاتي وانتوا احكموا بس ذكروا الله على البنية تراها غاالية علي:$

اهي من تخصص تكنلوجيا التعليم ومن دفعة 2002 وخريجة 2006 حلو جذي

بداايه التخرج عاانت من البطااله ،، وتمت تقوولي ابي ارتااح كفاايه التعب الي تعبته في الجاامعه ، قلتلها معلي فترة رااحتج دوري لج على شغل وتميت اســحب فيها معااي في كل مكان برووح اقط اوراقي ،، ولما جفتها تتكيسل قلتلها باخذ اوراقج معااي ، ومافي فرق بيني وبينج والي ايي النصيب حق الواحد من رب العالمين مو بيد احد

المهم ،، لما جاافت روحها خلااص تمللت من البيت،، قالت بتجوف اي مكاان واهم شي عن قعدة البيت وتكتسب خبرة

بعد فترة حصلت سكرتيرة في شركه خااصه ،، بمعااش كللللللش قليل مايليق ببكالوريوس طبعا ودوواام شووي ثقيل ،، لكنها استحملت وتعلمت بسرعه والكل قااام يمدح فيها ،، وكانوا يستغربون انها عندها بكالوريس وتشتغل عندهم ،، والي يستغربون عليه اكثر انها بسررعة تلقط الشغل (( عااد قولوا ماشاء الله )) :)

وتمت وااصلت معااهم ،، الين صاادتها ظروووف أسرية ( علاج امها الله لايحرمنا منها ان شاء الله ويخليها ذخر )) وقالت بس خلاص ، الحين الشغل مايسوى كثر رااحة امي ،، وقعدت مع امها طول فترة العلاج

صدقوووني ماخلصت فترة علااج امها ،، الا أكثر من مكاان يتصلون فيها ويخبرونها تعالي حق تووظيف ،، لدرجه تمت تتصل فيني تقوولي موعاارفة وين ارووح ،، اانا بنفسي استغربت ،، اقوولها اني كا انا قاعده مكااني ونفسج لكن بعد توكلي على الله وجوفي اللي اصلحلج

الله وفقها واشتغلت في مكاان بعد خااص (( خووب الحكوومة ماتنصااد الا بلبن العصفور (و) )) وتمت فيه فترة كانت تشتغل من قلبها ،، لكن موعاجبها الشغل ،، اقوولها تركيه بتحصلين غيره ،، تقولي لا خلاص تعودت على الشغل ماابي اهد ، مابطلع الا محصله مكاان احسن قلت الحمدلله الله يعطيها على قد نيتها ان شاء الله

تعرفوووووون انه بدااية هالصيفية ،، يااتها عرووض من اكثر من مكاان ،، و3 منهم حكوومه ماشاء الله ،، هذي غير الي بعض ربعنا توظفوا قعدوا يقولون لها هااتي اوراقج بنقدم لج في نفس اماكن شغلنا ،، تقوول خلااص مابي اضيع رووحي واايد امااكن جداامي ،،

آآآآآآآآآخر شي استخاارت والحمدلله وان شاء الله ربي يووفقها ويوووووووووفق الجميع في كل مااختارووه

واهي الي مساعة قلتلكم انه كلموها وزارة التربية عشاان تخلص اجراءاتها ،،، اهي كلش مو حااابة مهنة التدريس ،، وان شاء الله يكون مكاانها حق وحدة تستاهل وحاابة هالشي

طوووولت عليكم ،، بس الي اهم شي ابي اقووله ،، انه كل وااحد مايحصل في هالدنيا الله نصيبه اللي مكتوب له من الله سبحانه ،، لكن ماننسى أنه (( أسعى ياعبد وأنا اسعي معاك ))

وتقبلوا تحياتي

هلا خواتي ،،
صراحة احس إن هالنتائج صارت كابوس على الكل ،،
خلونا نعيش حياتنا وكل لحظة بدون محاتات وخوف ،،
يعني وش بصير ،، بجي يوم النتائج وبيخلص وبصير قصة قديمة ،،
وإذا توظفتون إن شاء الله بتكون ذكرى بتضحكون عليها ،،
والله هو الرزاق ،،

بنات مثل ما قلت لكم البنت اليوم اكدتي ان شاء الله على اخر الاسبوع راح تطلع النتائج لان خلاص باقي اعتماد القائمة من رئيس الوزراء او ديون الخدمة واحد منهم المهم ....... تقول في تكتم شديد صاير ولا احد يعرف االا موظفين قسم التوظيف اللي جاتهم اوامر لو تسرب اي شي راحت عليهم ......... حتى سكرتير الوزير ما يعرف من على القائمة ولا يقدر يعرف ,,, لا واسطة يعني ولا غيرها .... وهالسرية صارة عشان ما يصير تلاعب لان الظاهر ههههههههه كان في نية .... دعواتي لكم بالتوفيق والتييسير من رب العالمين .......... انا وحدة بردت على قلبي وباشوف لي مكان وبسافر ... وظفوني كان بها ما وظفوني ههههههههههه الله كريم

ان شاء الله خير و نتوظف ..

ننتظر لآخر اسبوع الي منتظر هالسنين يستحمل هاليومين .. و ان شاء الله بنتوظف ..

يعني ما بيعلنونهم الا يوم الجمعة صح هذا معناته اخر الاسبوع يعني يمكن يوم الخميس يعتمدونهم ويوم الجمعة يعلنونهم يعني ليلة الجمعة بنسهلر صباحي ننتظر يمكن في شئ
يا رب كلنه نتوظف بحق الامام المهدي وبحق الائمة كلهم يا ربي كل اللي في المنتدى يشوفون اسمائهم في القائمة

بس اني شوي صار عتدي امل يوم قالت الاختضحكة كذوبة ان ما فيه تلاعب ولا في واسطات على الاقل يمكن يصير توظيف

إلـــــــــى الـــــــلــــــه أشكـــــــــــــو لا إلــــى الــنــــــاس أشتـــكـــــــي

هذه النتائج مالت قبول الجامعه وخلصنا منها نزلت الحين في جريدة الوسط وان شاء الله احنا وراهم ونبشر بعض بالنتيجه واسمائنا كلها موجوده في التعيين بحق محمد واله الكرام وبحق هذه الليالي المباركه من شهر شعبان

اي والله ملاك الكون

نتايج الجامعة وافتكينا طلعت....

الف الف مبروك اليهم وبالتوفيق ان شاء الله

عقبالنا