التوظيف في وزارة التربية (بنات البحرين)

شمعة ^ الجلاس" صراحه بنات صدمتوني ولا احد عبرني بالمره؟؟؟
يعني لو ذكرتوني ولو بربع سطر
الله يسامحكم
وماراح ارد عليكم مره ثانيه فلا تردون علي
باي

خيــــــــــــــــــــــــــــو ويش فيش زعلانة آمــــــــــــــــــــــري
وما يصيير خاطرش الا طيب ....


السيده

بنات قريت خبر في منتدى ثاني
ان سبب تأخير التوظيف هو انه الوزير مسافر ومابيرجع الا تاريخ 17-8 وهوا لازم يوقع على التعينات الجديده
فأكيد عقب هالتاريخ بينزلونه في الجريده

صاحبة الظل الخفي مشكورة اختي ................ بس خلاص صادتنا مناعة من الانتظار والموضوع صار عادي نزلت النتائج ما نزلت ............ ما يهم كل شي بيد رب العالمين وحنا مو تحت رحمتهم .....ز واللي يصير متوقع نفس كل سنه ...... يوم الوزير مسافر ..........ويوم مادري وشو ..............يوم السيستم مادري وشفيه

روحي استانسي بالباقي من العطلة ........واذا لنا رزق عندهم بيجينا وحنا مرتاحين

اصلا مصالحنا متعطله كله عليهم يوم اهني ويوم برا ويوم اجتماع ويوم ما حطوا اسماء المعينين وش نسوي فيهم اذا قاعدين يحرقون اعصابنا خلها على رب العباد وهو ماراح يضيع احد

ضحكة كذوووووووووبة;6892263:
صاحبة الظل الخفي مشكورة اختي ................ بس خلاص صادتنا مناعة من الانتظار والموضوع صار عادي نزلت النتائج ما نزلت ............ ما يهم كل شي بيد رب العالمين وحنا مو تحت رحمتهم .....ز واللي يصير متوقع نفس كل سنه ...... يوم الوزير مسافر ..........ويوم مادري وشو ..............يوم السيستم مادري وشفيه

روحي استانسي بالباقي من العطلة ........واذا لنا رزق عندهم بيجينا وحنا مرتاحين

العفو ياقلبي
اي والله صادتنا مناعه انه كلش ماصرت افتكر متى مايبون خل ينزلونه
حتى تلفوني كنت اخليه يمي واطول على الرنه من اليوم بعدته وقصرت على الرنه

هلا خواتي ،،

هذا كلامهم كل مرة الوزير مسافر مشغول ،، باقي بس يعتمدهم ،، خلاااااص انتوا وكلوها على الله الرزاق وناموا مرتاحين ،، إذا في لكم رزق بيجيكم لبابكم ووبيدخل عليكم بدون دق الباب بعد ،،

اعرف كم وحدة من صديقاتي لحقهم رزقهم وهم ولا على بالهم ،، كل واحد بيحصل اللي مكتوب له فليش الضيق والكآبة ،، خلوها على الله هو ارحم من كل رحيم ،،

واقول ليكم استعدوا يا امهات للناصفة واستانسوا بأيامكم وعساها تكون خيرات ومسرات ،، وبالتوفيق

"ولعل الذي أبطأ عني هو خير لي لعلمك بعاقبة الأمور"

صدق لا أحد يتشائم ويقضي السنه وراء السنة في الانتظار ، كل وحده لازم تستغل هالسنوات في شي مفيد ، يعني تسوي الأشياء اللى ما بتقدر تسويها لو كانت موظفة ، فرصة وجتكم من السماء ، اللى عندها اولاد تربيهم وتستمتع بتربيتهم ، واللى عندها ميول وهوايات تمارسها أو تدرس أو تزيد من ثقافتها أو أي شي ، أني عن نفسي سجلت في الحوزة عشان أدعم شهادتي الاكاديمية بشهادة في المعارف الاسلامية مايصير بكالريوس واحنا جاهلين في أبسط الأحكام .. يعني استغلوا هالسنوات .. وان شاء الله الفرج قريب

:21_88:

k_kawther;6898960:

:eek:

هاا بنات شفيكم؟؟؟
استهدوا بالله ياجماعة شهالتشاؤم....
تره أنا عندي قناعة إن الإنسان اهو يبرمج روحه على الأمور...
يعني إذا كنتون متفاءلين تتسهل عليكم الأمور ويسهل عليكم حتى الانتظار...
وبالعكس التشاؤم وقطع الأمل يكسر مجاديف الإنسان ويوديه وره...
حتى لو ماكنه بنتوظف الله لا يقوله عقب هالانتظار مو معناته ان إحنا نبتئس ونتحطم...
( ولعل الذي أبطأ عني هو خير لي... لعلمك بعاقبة الأمور)
تتوقعون ليش الإمام السجاد في دعاء الافتتاح قال هذي العبارة..؟؟!!
كله علشان نتعلم نصبر على طلب الحاجة...

ياخواتي أنا من زمان أدخل وياكم وتوني مسجلة... وبس حبيت أشارك وياكم..
:D
أتمنى ما ضايقكم كلامي...
تره الجماعة في الوزارة قصدهم يحطمونا فخلونا نصير أقوى منهم...
وفي النهاية كل واحد ليه رزق بياخذه...
عدل لو لا؟

اذا صادكم تساؤل أنا من ؟وشنو تخصصي؟ وكم صار لي أنتظر؟
أنا كوثر مثل مو مذكور في النك نيم مالي
تخصصي فنون وصار سنتين انتظر
وشي زيادة أنا الحين على مشارف ال30 وماسويت شي لروحي أبدا...لأني أنتظر التوظيف
ومن حولي أشوف اللي في عمري شسووا وشنو رتبوا لأنفسهم...
على أقل تقدير عندهم مصروفهم الخاص فيهم..
تخيلوا اني للحين أطلب مصروفي...؟!!!!!(a)
لكن عمري ما اكتأبت وتحطمت ويأست
لأن في النهاية قناعتي بأن كلشي بيد الله وحده
لابئيد حمد ولا خليفة ولا وزير التربية لا غيرهم

وسامحوني على الإطالة


(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f)

:Zd_bye_3::9_28:

هلا بيج بين اهلج و اخواتج .. و كلامج والله عين الصواب .. بس لازم تمر علي الواحد لحظات يأس و تحطيم .. بس الحمد لله .. بدعمنا لبعض ترتفع المعنويات و ترجع للأمل ..

ان شاء الله هالسنه خير و نتوظف .. و اخيرا حصلت وحده معاي فنون .. اني بعد خريجه فنون تربويه و صار لي 3 سنين متخرجه .. ضغطت على روحي و تخرجت بسرعه عشان الكل يقول الفنون توظيفهم مضمون .. و النتيجه اللي ماعنده واسطه ينتظر .. لكن واسطتنا ربنا .. و بهالشهر الفضيل و المياليد اللي فيه .. اني وايد وااايد متفائله .. ان شاء الله خير .. ان شاء الله ليله الناصفه كلنا شاقين الحلق و نوزع المكتوب بمناسبه التوظيف ..

ان شاء الله كلنا مستانسين بهالايام المباركه والله يرزقكم وظيفه تتبارك عليكم وعلى اهاليكم وتنسون أيام الامتحانات وتعب الدراسه وايام الجامعه والركضه ورا الباصات وتعب امتحانات الوزاره وهالسنين واقول لكم تفائلوا بالخير تجدوه وان شاء الله كلنا متوظفين السنه بحق محمد وآل محمد الكرام ولا تخلون هالشهر يمر بالغصب ترى هالشهر هو شهر الطاعه والدعاء والاستغفار الى الله ان شاء يزيد رصيدكم في السماء والارض

[B]



هلا خواتي حبيت بس امسي واتطمن عليكم ............ انا شاء الله كلكم بخير ..................... دعواتي لكم بالتوفيق واليسر في كل اموركم ان شاء الله [/B]

السلام عليكم

اليوم كنت اكلم صديقتي عن سبب تأخير نتائج التوظيف ( لأن الوزير مسافر مثل ما يقولون) ..

تقول هي العام كانت رايحة ليهم الصبح وقالو ليها ان الوزير والوكيل مسافرين ومافي احد يوقع .. ( اللي يسمع هذا الكلام يحس ان النتائج مستحيل تطلع على الأقل لمدة 3 أيام) لكن في ليل نفس اليوم طلعت النتائج في الجرايد ..

بما ان الاسماء طلعت في الجريدة ، يعني هم كانوا راسلينهم الى الجرايد من الظهر على الأقل ، وهي كانت رايحة للوزارة بس ما خبروها ..

صار عندي أمل مثل أول أن أي يوم بتطلع النتائج مو شرط على التواريخ اللي يقولونها ..

وان شاء الله مثل ما قالو خواتي ما يجي مولد الحجة عجل إلا احنا الفرحة عندنا فرحتين ..


في أمان الله

السلام عليكم جميع.....وان شاء الله هالسنة تنتهي معاناتنا مع التوظيف ...ان شاء الله مكتوبة لينا من ليلة القدر بحق الطاهرة الزهراء وابيها وبعلها وبنيها......اني صار ليي ست سنوات متخرجة.......وكنت كل سنة ما عندي أمل في الوظيفة....لكن هالمرة اخترت اني أتفاءل ......تحت عنوان تفاءلوا بالخير تجدوه....وخليت ظني بالله حسن..حتى لكأني ارى بعين حسن الظن بالله إني خلاص توظفت......كفاية تشاؤم ..الكآبة استنزفت اعصابنا وصحتنا ...وعلى حساب من حوالينا خلاص ما راح اتشاءم ..وحطيت لنفسي شعار اني اذا توظفت فخير ورزق الله بعثه ليي ولزوجي ولأولادي....واذا ما توظفت فشر والله صرفه عني وعن زوجي وعن اولادي.......والله يرزقنا جميع برزق حلال وافر طيب.....ولا تنسونا من دعائكم في هذي الايام المباركه....ومتباركين بمولد الامام الحجه..يالله عطوني حلاوة من ناصفتكم لأولادي.

الله أكرم الأكرمين و هو يرزق من يشاء بغير حساب

اللهم ارزقنا من فضلك يا كريم

ان شاء الله نتوظف و تنتهى هالمعاناة :21_195::sa23:

الله يرزقنا بالوظيفه كلنا ويريح قلوبنه
بنات عليكم بالصدقة

صاحبة الظل الخفي;6905349:
الله يرزقنا بالوظيفه كلنا ويريح قلوبنه
بنات عليكم بالصدقة

الله يعينكم بنآت وييسر اموركم ويرزقكم الوظائف بحق محمد وآل محمد ..
الله كررريم ..

في احد اتصلوا فيه صندوق العمل حق بكرة من الساعة 4-6 في السنابس في صالة بس ما ادري شنو اسمها لأن في احد المنتديات واحد كاتب ان اهو اتصلوا فيه صندوق العمل فيه اجتماع جماعي في السنابس بس اني محد اتصل فيني بس يا ليت احد يخبرنه اللي اتصلوا فيه