تكفون عطوني النصيحه أتزوجه ..؟

اختي..

بالاول استخيري ربك هو اعلم بالخير لك...

واللي ترتاحي له بعد الاستخاره اعمليه...وتوكلي على الله..

وكل شيء بالدنيا قسمه ونصيب...

اذا مكتوب لك تأخذينه....او يجيك احد غيره...انتى قوي ايمانك بالله لانه هو الرازق..

اما سالفه ((اخاف ما احد يجيني)))

هذي شيلها من بالك نهائيا..

والله يوفقك ويكتب لك الخير

دعواتك لنا

هلا حبيبتي شوفي اذا الريال زين وطيب والسبب من زمان ان يبي عيال وافقي مافيها شي لان انتي بعد مطله وتبين الستر والله يوفقج ان شاء الله اهم شي شوفي نفسج ترتاحين له وهو ريال يخاف ربه وبيعزج وافقي ليش لا اهم شي استخيري وشوفي نفسج

أكيد الأستخاره أولا ..


جزاكم الله خير ..


أدعولي

اختي صلي استخارة اكثر من مرة

واذا الرجل على خلق ودين وافقي عليه

معقوله هذه المواصفات وتنتظرين

أنا خايفه أكون زوجه ثانيه اللي مخليني اتردد أنه متزوج ...

عليك بالآستخاره احسن شي وان متزوج ما فيها شي

مرحبا الساع

اول شي تأكدي من ان صدق زوجته ما تيب عيال وانها تعرف انه يبا يززوج وإذا تأكدتي من كل شي يعني خذتي بالاسباب صلي الاستخارة لان ما خاب من استخار ... ولا تحاتين إن ما اييج نصيبج لان إذا الله مب كاتب ما بيستوي... لو حتى انت وافقت...... انت خذي بالاسباب وتوكلي والله يوفقج

ياأختي استخيري والله ماراح تندمين الله يكتب لك اللي فيه الخير

يااقلبــي استخيري ثم استخيري ثم استخيري

ودام هو طيب وولد حلال توكلي على الله

وقبل كل شي تأكدي ان زوجته صج ماتييب عيال وان العيب منها مو منه وتأكدي من موافقتها

... وحطي في بالج انها زوجته وبيحبها مثل مايحبج يعني بختصاار ((اتقــي الله فيهاا ))

وبالتوفيج حبيبتي

::
::

بما ان سبب رغبتو في الزواج مهمة لي هي ان الاولى ما ولدت يعني انتي ما ظلمتيها هذا قدرها والله يصبرها

ممكن بعد زواجكم بمشيئة الله تكوني حنونة عليها وتحاولي تكسبيها حتى لو كانت درتك وتحسسيها ان ولادك ان شاء الله مثل ولادها.. وبهذا تتجنبي اي غيرة او مشاكل سواء منك او منها

المهم يكون انسان عادل وشخص طيب

والله اعلم

اتمنى لك التوفيق

انا رأيي
انك توافقين على الخطوبه مبدئيا وتدرسين اخلاقه زين وتعرفين طباعه
وتطرحين عليه خوفك من انه ما يعدل بينكم ومن هالكلام واكيد هو بيقولك وش مخطط للمستقبل
لكم انتوا الثنتين ومن هالكلام بتعرفين واكيد قلبك بكون دليلك اذا بتكونين مرتاحه معه او لا
ولازم تتاكدي العيب منه او منها مرات في اشياء الواحد ينصدم فيها بعدين فلازم تتاكدي من هالنقطه
وتعرفين انتي وش محلك من الاعراب في حياته قبل الزواج والملكه
واستخيري فالله خير العارفين والي بيكتبه هو الي بيصير
بس انصحك بالتمهل والتاكد منه في فترة الخطوبه
وانتي يا حبيبتي بعد بيني له انك تبين انسان يخاف الله فيك وقبل كل شي ما يظلم مرته القديمه
وما يظلمك ويعدل بينكم وهالشي بيكبرك بعينه
تحياتي

استخيري ربنا اكتر من مره
واكيد ربنا سيقدر لك الخير

استخيري والله يكتب اللي فيه الخير موفقه اختي

السلام عليكم ورحمه الله وبركاته

اختي ماشاء الله تبارك الله . البنات ردو عليكي .. كلهم ,, واعتقد كل ردودهم ماعليها كلام ..

بس بما اني احب الرد بالتفصيل في اغلب الاوقات ... اضيف على خواتي الاتي .. ( شدعوه ) :wink:

اختي مثل ما قلتي انتي خايفه لان هو متزوج وطبعا دام السبب موجود ما تقدين ترفضين .. اول شغله حبيبتي هل زوجته على علم بالهزواج .. وهل زوجته راضيه من قلبها ...

بعد صلاه الاستخاره يا اختي .. لو ممكن كلمي زوجته ... بعد الموافقه والخطبه .. أو انك تكلمينها او تجلسين معاها ... وشوفي الانسب .. انا برأيي انك تقابليها ..

قعدي معها واسمعي رايها .. في الموضوع .. وبعدين خبريها انك ما راح تاخذين زوجها منها وطمنيها انك راح تكوني زي اختها واكثر ... وقولي لها انك انتي الصغيره وهي الكبيره ,, ,العين ما تعلى على الحاجب .. حطي لها الواجب والكرامه .. واحطي لها الاحترام .. ,حسسيها انها ما خسرت زوجها .. وقولي لها عيالي هم عيالك ... وما بينا فرق ان شاء الله يربون عندك .....

انا دايما اقول الضره مره .. اختي مش معناه ان هي وافقت ما راح تقتهر الا يمكن تموت من القهر .. وحتى الحسد ... بس الله يصبرها .. ويعينك ... وقولي لها ان بدر مني غلط صارحيني وخبريني .. وعديني قليله خبره .. والله يولف بينا المحبه ...

وطبعا كل الكلام الي اقوله لج لازم تقولينه لها ولا تقول صعبه وفشله واستحي .... ولا تقولين ما ابي يكون لي علاقه فيها .. لازم بتحتاجين تتصلين بزوجك وهو معاها . الا ما راح تحتكين فيها ... يعني حاولي تكسبيها .. عشان ترتاحين من البدايه ... وتشترين راحتك بالطريقه هذي ...

مب عيب ولا حرام ومثل ما قلتي المطلقه وينها وين تتزوج .. يا متزوج يا ارمل يا مطلق .. يعني مافي مفكه ونادرا ما تحصل واحد منفصل ..

انا ادري ان الاغلبيه يمكن تقولك ... ام جنى قاعده .. تخرف .. لا تتصلين عليها ولا تكلمينها ولا لك علاقه فيها .. انا اقولج .. بالطريقه هذي .. تراج بتكسبينها .. وتخلين ام ثانيه لاولادك ...

تحياتي
ام جنى ومبروك مقدما...

أنا مع الاخت بنت شرقية كلامها مقنع وحلو الله يوفقج يالغالية وخبرينا بعدين شو يصير معاج

جزاكم الله خير ..


أكيد أنا لازم أعرف أنها موافقه ع الزواج ..


والله يشهد اني بعاملها بكل حب واحترام أنا ولله الحمد هذي طبيعتي ومااحب احد يكرهني أو اي شي

بالعكس اذا صار النصيب بتكون لي اخت وبكسبها اكيد وانا اعرف شرايج تقولين خوات واتمنى اذا صار النصيب

نكون احسن منهم

ادعوووووووووووووولي ....

ربي يكتبلج الي فيه الخير ..

استخيري و لا تترددين ..

وشوفي اهلج بعد ..

20 سنه يعني انتي بعدج صغيره ..

الخيرة فيما اختاره الله عز و جل :)

صلاة الإستخارة كما جاء في حديث النبي صلى الله عليه وسلم :

عن جابر رضي الله عنه قال : كان رسول الله صلى الله عليه وسلم يُعلمنا الإستخارة في الأمور كلها كما يُعلمنا السورة من القرآن يقول :

(( إذا هم أحدكم بالأمر فليركع ركعتين من غير الفريضة ، ثم ليقل :
اللهم إني أستخيرك بعلمك وأستقدرك بقدرتك وأسألك من فضلك العظيم

فإنك تقدر ولا أقدر و تعلم ولا أعلم وأنت علام الغيوب ، اللهم إن كنت تعلم أن هذا الأمر - ويُسمي حاجته - خير لي في ديني ومعاشي

وعاقبة أمري - وعاجله وآجله - فاقدره لي ويسره لي ثم بارك لي فيه .

وإن كنت تعلم أن هذا الأمر - ويُسمي حاجته - شر لي في ديني ومعاشي وعاقبة أمري - وعاجله وآجله - فاصرفه عني واصرفني عنه

واقدر لي الخير حيث كان ثم أرضني به )) - رواه البخاري وغيره - .

والمقصود يصلي العبد ركعتين لله - نافلة أو سنة - ثم يدعوا بهذا الدعاء .