أبا أطرش له مسج

شوفي الخااص ..

حبيبتي الغاليه لاترسلي له مسج واتركي طريق الحرام لان هذه بدايته وتذكري أن من ترك شيء لله عوضه الله خيراًمنه وعلقي قلبك بالله عزوجل صدقيني هو المنقذ في جميع الاحوال سبحانه
وحتى لواتصل لاتردي عليه لان الشيطان له خطوات وأنا اثق أنك تعلمين هذا لكن أحببت أن أذكرك فالإنسان يحتاج إلى من يذكره إذا وقع في المصائب
{من يرد الله به خيراًيصب منه}أي يبتليه بالمصائب حتى يمحصه من الذنوب والخطايا
وأسأل الله أن يرزقك بالزوج الصالح الذي ينسيك مامضى من كدر الحياه
وصدقيني يالغاليه لوكان فيه خير لك فإنه لاأحد يستطع منعه من أن يأخذك
وأنت الآن تفكرين بعقليه تحكمها العاطفه
أكثري من الاستغفـــــــــــــــــــــــــار فإنه سبب لتفريج الهموم بإذن الله تعالى وأنطرحي بين يدي ربك عز وجل واسكبي العبرات أن يفرج همك إنه سبحانه لايرد يدي عبده صفرا يحب سبحانه أن يسمع إلحاح عبده


[BLINK] بحر الحنــــــــــــــــــــــان[/BLINK]

خلاص حاولي تنسي مدام كل شي انتهى

الله يعوضك بأحسن منو

لاتذلي نفسك انتي كذا تقللي من قيمتك لوارسلتي مسج هوا مافكر فيكي ولا دري عنك خطب وتلاقيه مبسوط

معاها ومو مفكر فيكي نصيحه مني لاتذلي نفسك وتجيبي لنفسك مشاكل

وحتى لو رجع يبغا يخطبك لاتردي اذا يبغاكي يجي من الباب

وربي ودي أنساه... كل ما اتخيل ان وحده ثانيه من نصيبه امووت قهر وصيااح... مب قادره أكمل حياتي..

مالي غير الله...أكيد هو خطي ومتهني الحين.. الله يسعده لأنه عمره ما أذاني.. واذا كانت نيته اللعب ف الله يسامحه واذا صدق يباني الله يرده لي ردا جميلا...

الله يفرجها علي وعلى كل مسلم ومسلمه..من شدة هالكرب اللي انا فيه صرت أحس بالنااس المكروبيين
ولى قبل وييين.. ماعمري ذقت هم وحزن مثل اللي أذوقه اليوم...

الله كريم بس..أكيد مابيخليني صح؟؟؟؟؟؟؟؟؟؟؟؟؟

ما عندي حل

بس الله يفرج همــــــــك


وينولك الي ببالك

السلام عليكم ورحمه الله وبركاته...

اختي انا اعتقد رديت عليج قبل .... بس الصراحه ... انتي مب راضيه تلمين كرامتج .. والباقي من عزه نفسج ... لان الصراحه الحين انتي بمجرد هالتفكير ارخصتي نفسج وايد ...

اي ليل الي انتي مب قادره تنامين .. متى بتصحين من الحلم الي انتي فيه .. بالبدايه كنت بعلاقه محرمه .. وقلنا يله البنت تبي تتزوج .. الحين الريال بتزوج .. تقطين نفسج عليه ليش ..


ماشوفه هو معذب نفسه ... عشان ياخذك او على الاقل كان ممكن يرفض ان يتزوج لين يشوف حل حق المشكله .. بس هو محصل ( عرض ترويجي ) وتخفيضات هائله .. مو احنا بسوق المقاصيص .. خذ واحد والثاني مجانا ... عدل ..

اختي متى بتفوقين حق نفسج ,, وتعيشين حق الي بيصير زوجك ان شاء الله .. وان الله ماكتب لج نصيب خلاص .. ارضي بالمكتوب .. وحتى لو اتصل هالشخص فيج المفروض ما ترضين على نفسج ,, ولا على المسكينه الي بتزوجها ... لان خلاص صار انسان متزوج..

اعتقد انا حاولت قد ما قدر اني ما جرحك او اقسى عليج .. البنت الي تقط نفسها ترخص ,, وانتي فاهمه قصدي

تحياتي

ام جنى

مشكوره اختي نور أبدا ماقسيتي ولاجرحتيني...ماشاء الله كل هذا وماجرحتي.. هذا اللي كان ناقصني..

كلام الاخت سميرة والاخت نور عين الصح
واعيد واقول لج الريال يبي يلعب عليج... انتي مشكلتج عنيدة، وجاية هني مو علشان تستشيريننا، علشان تفرضين رايج وبس، اكثر من وحدة قالت لج هذا اللي تعيشينه وهم، بس انتي مو راضية تقتنعين، الله يهديج بس

حبيبتي شوفي الرابط اللي بتوقيعي أول شي .. هذا الرابط لي قبل لا يكون لج ولكل البنات لأن الإنسان مبتلى والحمدلله إذا أحب الله عبداً ابتلاه


وترى كلام أم جنى صحيح حتى لو كان قاسي .. لا تزعلين منها

كلها أيام بتعذبين وبتبجين واتفكرين وماراح اتنامين وصدقيني فجأة بتمر ساعات ما يطري على بالج وبعدين بتمر أيام ما يطري على بالج وبتلاقين نفسج نسيتيه بدون ما اتحسين .. ولا بعد بييج يوم بتقولين أوف أنا شاللي خلاني أسوي بعمري جذي ؟!!!


السر : الصبر الصبر الصبر

كلنا نمر بهموم وبكربات وربي العالم لكن الحمدلله رب العالمين ما ينسانا وحطي في بالج إنه اختبار .. يا تنجحين يا ترسبين

والنجاح عند رب العالمين غالي :)

كلامكم صح..أنا الغبيه اللي مب عارفه كيف أصبر... اصلا يالسه اشكي لكم عأساس يزيد صبري ..
الواحد يوم يفضفض يرتااح شويه...وأنا مابغي اغلط عشان جذه كله اييكم المنتدى واشكي لكم...

اللهم انت ربي لا اله الا انت خلقتني وأنا عبدك وأنا على عهدك ووعدك ماستطعت..ابوء لك من شر ماصنعت وأبوء لك بنعمتك علي وأبوء لك بذنبي فاغفر لي فانه لايغفر الذنوب الا انت

عزيزتي ...

اتركي عنج هالخرابيط وعيشي حياتج .. كان يبي يلعب وبس ..

خله يولي وعيشي حياتـج .. انتي لج كرامتج وفوق الراس ..

الظاهر انه خطب ومرتااح ويا البنت ..

ربي إستر علينــاا ..

وعسى أن تكرهوا شيئا وهو خير لكم
وعسى أن تحبوا شيئا وهو شر لكم
هذي خيرة لج يا أختي العزيزة أن الله حكيم وعلمه يسبق علمنا سبحانة هو منع عنج أشياء ممكن تجي من وراء هذا الشخص بتكون لج متاعب ومصايب قولي الحمد لله
والله يوفقج

خلاص يااختي لاتفكري فيه ,,,,انتي لو تحبي من جد خلاص انسيه خليه يتزوج ويشوف حيااته
اذا كان الزواج من طرفك مستحيل ,,,,
علقي قلبك بتفكير في الله عزوجل وكثري من الاستغفار وقراة القران ’’’’’
موفقه في حياتك يالغاليه والله يعوضك الي احسن منه ياارب وينسيكي الحبيب ياارب
انار الله طريقك للخير
تحياااااتي

حبيبتي لو هو يبيج جان دز لج مسج
أنتي مالاحظتي انج دايماً انتي اللي تبادرين وتدزين مسج ؟؟
صج على طول يتصل بس شالفايده أنتي اللي بادرتي
وهو بس يبي يسمع صوت وسوالف عشان جذي يتصل
وصدقيني لو هوووو مشتاااق بتشوفينه بيحرق تلفونج ولا بيخليج
عالأقل بيتذكرج بمسج مثل ماتتذكرينه :)
ولو هو صج شاريج بيوقف بوجه كل شي عشان ياخذج خاصه انج تقولين فيه شبه موافقه وأن ممكن أهلج يوافقون ، يعني مافي أسهل ولا أحسن من هيك بس هو بااايع مو شاااري :)

الله يفرج همك يافلاور بعد لاتنسين حديث الرسول الكريم
صلى الله عليه وسلم "من ترك شيئا لله عوضه الله خير منه"
أحتسبي الاجر لله وخذي هذا الدعاء لتيسير الامور داومي عليه
مع قيام الليل
(يامسهل الشديد وياملين الحديد ويامنجز الوعيد ويامن
هو كل يوم في أمر جديد أخرجني من حلق المضيق الى
أوسع الطريق بك أدفع مالا أطيق ولاحول ولاقوة الا بالله
العلي العظيم)

Noor1979;5979109:
السلام عليكم ورحمه الله وبركاته...

اختي انا اعتقد رديت عليج قبل .... بس الصراحه ... انتي مب راضيه تلمين كرامتج .. والباقي من عزه نفسج ... لان الصراحه الحين انتي بمجرد هالتفكير ارخصتي نفسج وايد ...

اي ليل الي انتي مب قادره تنامين .. متى بتصحين من الحلم الي انتي فيه .. بالبدايه كنت بعلاقه محرمه .. وقلنا يله البنت تبي تتزوج .. الحين الريال بتزوج .. تقطين نفسج عليه ليش ..


ماشوفه هو معذب نفسه ... عشان ياخذك او على الاقل كان ممكن يرفض ان يتزوج لين يشوف حل حق المشكله .. بس هو محصل ( عرض ترويجي ) وتخفيضات هائله .. مو احنا بسوق المقاصيص .. خذ واحد والثاني مجانا ... عدل ..

اختي متى بتفوقين حق نفسج ,, وتعيشين حق الي بيصير زوجك ان شاء الله .. وان الله ماكتب لج نصيب خلاص .. ارضي بالمكتوب .. وحتى لو اتصل هالشخص فيج المفروض ما ترضين على نفسج ,, ولا على المسكينه الي بتزوجها ... لان خلاص صار انسان متزوج..

اعتقد انا حاولت قد ما قدر اني ما جرحك او اقسى عليج .. البنت الي تقط نفسها ترخص ,, وانتي فاهمه قصدي

تحياتي

ام جنى

ما عندي حل

بس الله يفرج همــــــــك
وهم كل شخص تعرض لصدمه

فلاور حبيبتي
انا حاسه فيك وادري بكل الي يدور بذهنك
بس احسن طريقه امسحي رقمه من جوالك وامسحي كل شي يخصه من بالك
((وحبي نفسك اكثر))
لازم تحبين نفسك وتعرفين انك غاليه جدااا واهلك تعبوا عليك وان قلبك بالذات غالي جدااااا
هو بسبب الظروف ضعف وبيتزوج غيرك وانتي هالحين تبين ترسلين له مسج طيب لو ارسلتي اليوم مسج
وبعد اسبوع نفس الشي ويوم زواجه وبعد زواجه وووووووووووووووو
بتضيعين نفسك وبتكونين العشيقه بدل ما تكوني الزوجه
هل تحبين هالوضع لنفسك وانتي بنت اصول ؟؟؟؟؟
وش الي ناقصك علشان تحطين نفسك بهالوضع المهين
لا تزعلين مني قسما بالله هالانسان ما يستاهل
الي في بالك وساس شيطان وبس لا هو يحبك ولا انتي تحبينه
حااااااااااولي تنسينه نهائيا وتذكري بتكون وحده غيرك بالكوشه وبتنام بحضنه وانتي تتفرجين ومشتاقه له بعد؟
غريب امرك والله غريب
نصيحتي فكري بنفسك اكثر وبكرامتك وبكره بتتزوجين واحد ثاني انشاء الله والي جالسه تسوينه هالحين بيدمر نفسيتك وبيقلل ثقتك بنفسك ومابتعرفين عيشين حياة متوازنه مع زوج المستقبل لان هالوهم الي تسمينه حب
بيسرق كل حاجه حلوه فيك فأحتفظي بكل ماهو جميل فيك لزوج المستقبل.........
تحياتي

والله البنات كفوا ووفوا اوعى تضعفي لشيطان خلاص انسي انا عارفه انها فتره صعبه ومحتاجه صبر بس اتوكلى على ربك وادعيه دائما اللهم اجعلنى صبورا واجعلنى شكورا واجعلنى في عينى صغيرا واعين الناس كبيرا ....صدقينى خليكى مع ربك وربنا بعوضك برجل صالح وطيب يحتويكى ويقدرك اكثر