حابه افضفض...بتسمعوني؟؟!!

السلام عليكم

باختصار يا بنات خلال دراستي الجامعية كان عندي صديقه.... وكنا اكتر من خوات ، كل النهار بالجامعه سوا

سنتين ونص واحنا عالحلوة والمره وبنعرف ادق التفاصيل عن بعض

كانت علاقه حلوة كتير

فجأة خربت هالعلاقه

عشان وظيفه كنا عم نعملها سوا.. الوظيفه كانت كتير مهمه

اختلفنا عليها

صحبتي كانت انانيه بشكل غريب

بصراحه يا بنات ما همني انها تغلط

بسامحها بس هالبنت ما كانت حاسه بغلطها وكأنه الي عملته معي اشي مقبول وعادي

وكل الي بعرفونا بيعرفو انها غلطت معي

انجرحــت كتير وبنفس الوقت كنت عم بمر بظروف صعبه وقاسي وهي ما قدرت

ما حاولت تعتذر ولا حاولت تبرر تصرفها معي وهادا الي قهرني وزعلني

ومن كتر زعلي انا تركتها

ومعدتش قلتلها مرحبا

وين ما هي بتكون انا كنت ابعد لان ما بدي التقي فيها

بفتره من الفترات كان يصيبني وجع راس لاني بعرف حالي رايحه ع محل هي رح تكون موجوده فيه

من سنه ونص خلصنا تعليم والحمدلله ما عدنا التقينا بالحياة

خلال هالسنه ونص شي اربع مرات كان في حدا عم برنلي بوقت متاخر بالليل والرقم برايفت

طبعا باوقات متفرقه

انا شاكه انه هي الي عم بترنلي لاني بعرفها بتعمل هيك حركات

وتاني شغله خلتني اتاكد اكتر انه نهار عيد ميلادها رن تلفوني عالخمسه الصبح وكان رقم برايفت وانا معودتها اني اعايد عليها اول وحده بس طبعا من وقت المشكلة محكيتش معها

مبارح قبل مانام كنت عم بفكر فيها

بجد كنت محتاجاها جنبي لانه عندي مشكله وهي ممكن تساعدني احلها

كان نفسي ارنلها بس طبعا ما رنيت

على الساعه 3:30 الصبح رن تلفوني برايفت فتحت الخط بس ما حكيت وبقي الخط مفتوح دقيقتين بدون ما حدا يحكي فسكرررررت

حاسه انه هي

خايفه يكون صاير معها شي وتكون محتاجتني

مش عارفه يا بنات لمين اشكي

حبيت اشكيلكو

لو مكاني شو بتعملو؟؟

ملاحظة: انا بعرفش شو رقمها...معي ارقام كتتير الها بس هي كل فتره بتغير رقم

محدش يقلي اتصليلها :(

زعـــــــــــلانه منها كتيــــــــــــــــــــــــــــــر وهي مش حاســـــــــــــــه بزعلي

حبيباتي ساعدوني