(مساعده ف التجهيز ..السعوديه)

نور السنا 88 08-05-2008 6 رد 324 مشاهدة
ن
صباح الخير بنوتات :)

بلييز ساعدوني عرسي قريب وابي اخلص تجهيزات
ابي محل كوشات غير كلاسيكيات
لاني اعرفه

وابي وحدة تصمم طقم اكسسوار للعروسات " شغل يدها " لولو او خرز
ابي اصمم عقد زواجي
:cool: " آخر روااق "


وابي فكرة حلوة للتوزيعات
جديدة ..
وانا بسويها بنفسي
:D


وابي اسأل بنوتات القطيف عن محلات الكوشات اللي مشهورة
وعن الطقاقة أم سيد وجيه حلوة والا لا
ومين الاحلى
أم سعيد "أصايل "
أو فرقة نغم
مين الاحلى فيهم ؟؟

وبس

أختكم
ف
الف مبروك

انا مافيي افيدك الا بالكوشات

مااعرف شي عن باقي الاسئلة

الكوشات

عندك كارت بلانش
غاردينيا
سعد الدين
البيت الاخضر للزهور
كوشات الخليج
الهودج جاليري
دنيا الطبيعية

هذولا اغلب المعروفين في جميع مناطق الشرقية
&
اهلين اختي بعرس اختي سوينا اكياس للعبايات وكل وحده تدخل نعطيها كيس مكتوب عليه اسم العروس واسم العريس وقبل لاتدخل وزعنا عليهم كاسات حديد مرصعه بكرستال ووردة بعد بكرستال وجواها شرينا اورجنزا مرسوم عليه باللمعه وبوسطه حطينا شوكلت من باتشي وبومبوني ولان كان في اختلاف مع ديزاين الطاولات وفستان اختي سوينا ميكس حطينا الشوكلت ذهبي والبومبوني احمر والاورجنزا فضي وعليه ذبلتين ذهبي علشان ندمجهم مع بعض وسلامتك هذي الافكار
ن
تسلمون حبيباتي ..

الافكاااار خيااال
بس يبيلها وقت ولفة في السوق
وميزانية كبيرة بعد هههه
عجبتني فكرة الكيس وكمان الدبل

مشكورين يعطيكم العافية
في انتظار الباقي

نوور
ح
مرحبا نور السنا

اول شي الف مبروك الله يتمم لك على خير وبركة يارب

بالنسبة الى محلات الكوشات في القطيف عندك البيت الاخضر شارع القدس

او كوشات الخليج شارع المحيط طبعا احلى من دنيا الطبيعة

احس دنيا الطبيعة صاروا قديمين مافي شي جديد

اممم وبالنسبة الى الفرقة انتي تبغي فرقة اسلامية والا كيف؟

لان اللي ذكرتيهم ولا وحدة اعرفها

واتمنى اساعدك يابنت بلدي

تحياتي
ن
صباح الورد

هلا اختي
تسلمين ع الدعوه الحلوة والله يوفق الكل يارب

ايوا انا ابي اسلامي

نور
ح
مرحبا نوارة

بالنسبة الى الاسلامي والله ماعندي فكرة داك الزود بس انا رايحة زواج في سيهات قبل اسبوع

سمعت فرقة مرره حلوه بس مااعرف اسمهم بس اقدر اجيبه لو بغيتي ويمكن يكون اسمهم من

ضمن اللي ذكرتيهم

في وحده اسمها فضيلة بعد من سيهات حلوه هذي تقرب الى زوجة عمي يعني سهل اجيب رقمها

واذا سمعتي عن فرقة بني عساف:cool: بنات خالتي

طبعا عندهم اسلامي وعندهم موسيقى وبصراحه حلوين في الاثنين

الحين بتقولين اكيد تمدح بنات خالتها صح:wink:

لاوالله انت اسألي وشوفي؟

واي سؤال حاضرين
X