سراب الحزن;6585245:
هلا حبيبتي انا اشكرج على هلا الموضوع القيم وفي ميزان حسناتج ان شاء الله
والله يوفقج ويعطيج العافيه
عندي استفسار بسيط اذا ماعليج امر
اختي انا من فتره بديت اسوي الحمام المغربي وعندي جهاز بخار واسوي خلطة اختي بنت الغالي
الا وهيه تحطين 3 ملاعق زيت لوز وملعقتين صغار بيكربونات الصودا مع ماي ورد واخلطهم مع الصابون المغربي بس الي لاحظته لما استخدم الصابون المغربي بروحه مايطلع خلايه ميته
بس يوم استخدم هذي الطريقه يطلع خلايه ميته بل هبل
طريقتي اول شي اجلس على جهاز البخار لمدة 15 الي 10 دقايق بعدين احط اليفه المغربيه الخشنه في وعاء ماي مغلي وادهن جسمي بالخلطه السابقه وبعدين اغسل الخلطه وابدا بتليف
التليف بشكل عشوائي وبعدين اجيب سكراب الي هوه عباره عن سكر وزيت الزيتون او سكراب كريم كاب
وبعدها اغسل جسمي وادهن بلوشن
شو رايك بطريقتي ؟
ترى انا اسوي الحمام المغربي علشان يصقل بشرتي ويشيل اثار الجروح هذا الي ابي له حل ومب راضي يتعالج
وسؤال اخير الله يازيج خير عشبة الداد تصفي الجسم هذا الي سمعته وفي ناس قالت انه تفتح
هيه تفيد انها تصقل البقع ؟
هلا اختي ومرحبا نورتي
طريقتك حلوة بعد بس الي انا سويه مثل ما قتلكم بالموضوع انه الصابون لوحده بيطلع خلايا بالعدد وبعدين لما اسوي خلطة الشبة والحناء فحدث ولا حرج.. يعني استغربت لمن قلتيلي انه الصابون لوحده ما يطع مع انه هذا العمل الروتيني الي يسوونه الحريم عندنا اذا ما كانت متوفرة خلطات ..يمكن الصابون الي متوفر عندكم مو نفس درجة الي عندنا (ممكن تصورينه كيف صاير وتبعتينه لي او تحطينه بالموضوع اذا ما عليكي امر طبعا).
حمامك المغربي مو بس بخار وصابون وبس بالعكس لازم تضيفين خلطات اذا تبين نتيجة حلوة وعشان بشرة الجسم تتغذى ويروح منها التعب وتحصلين على البياض الي عاوزاه ...
عشبة الداد صحيح تصفي الجسم مع المداومة وتشيل البقع راح تلقينها عند العطار اكيد لونها مايل للارونج الغامق القريب من البني هي سميييكة جدا لكن اطلبين منه يطحنها ويسحقها حتى تصير بودرة او يمكن هو يبيعها بودرة ... انا اسويها بعض الاحيان مع الحناء او مع الغاسول (الطين) المغربي واخليها بجسمي ربع ساعة واشطف واتليف كمان مرة ...هاذ الي عندي استفسار ثاني انا بالخدمة...
