مساعده-ديكور لمطعم بحري لو سمحتوا ....

حب لاخيك ما تحب لنفسك ..
وين التعااااااااون يا مشرفات ..
ياليت اذا الرد ماعجبكم تحذفون موضوعي مره وحده .. لانه مسبب زحمه عالفاضي بالقسم ؟؟؟؟؟؟؟؟؟؟؟؟؟؟؟؟

والله كان نفسي أساعدك
بس ما عندي صور
بس أقترح ان الصبغ يكون مطعم بأشكال حيوانات بحريه
أو يكون الصبغ كله كأنه قاع البحر
وعلى كل طاوله تحطون حوض سمك صغير فيه سمكتين زينه
و الصحون بعد فيه صحون على شكل أسماك تجنننننننن
و الأصداف طبعا حولين الحوض
ماعليه يمكن أفكاري بايخه بس هذا اللي طلع معي

اهلين اختي بحاول اساعدك كان موضوع تخرج تصميم محل وصممت محل ملابس غوص وكان ارضيات المحل حديد مثل الغواصه وكان بالواسط فى الارض زجاج وداخله حوض سمك يعني حوض سمك هو الارضيه بالوسط وكانت العمده كلها احواض سمك

سماء ...
تحب زوجها ..
الله يجزاكم الف خير على الافكار الحلوه بالعكس ساعدتوني كثير ...
الله يجعله بميزان حسناتكم يارب ...


مشكووورين واذا عندكم صور والا اي شي ممكن يساعدني اكثر ياليت تحطونه لي ...

ربي يوفقك بس مع الأسف ماعندي صور بحاول اسوي سيرش بالنت
و ان شاء الله الاقي

ااهلين اختي في محل بالبحرين مطعم بحري ديكوره جنان عند مجمع السيف اسمه واتر ماادري شنو الباقي ا قدرتي اتمريه لانه روعه حتى قائمه المنيو ماله مو روق عادي مثل الماي ماادري شلون حلو

اختي الغالية

الجميع هنا يتعاون

لكن قد نغفل عن بعض المواضيع او الاركان فلاضير في ذلك

لأننا بشر واسمنا انسان من النسيان

والكمال لله وحده سبحانه

ارجوا المعذرة منك:)


واليك بعض هذه الصور التي حاولت ان اوفرها لك:)






ممكن تحطين لوحات او روق جدران مثل هالاشكال





او توزعين اكسسوارات بحرية



ممكن تحطين الجدران مثل هالاخشاب

والنوافذ دائرية بسيطة

علشان يبين كأنك بوسط باخرة





قد تضعين مجسمات متفرقة ومختلفة الاحجام لبواخر في بعض الاركان

او على كل طاولة تضعين باخرة صغيرة بها بعض الاضاءات مثل هذه

امم اعتقد اختي العائدات كفت او وفت بالصور

بس اناا بقولـ بدون صور ..
طبعاً هي الصور اللي حطتهم لمطعم فخم فخم واعتقد انه في يخت ؟!

شوفي قلبي حاولي انج تحطين احواض سمكـ كبيره !!
و سويـ مثل الستايلـ اللي حق السفن ..
وحطي مثل اللي بالصورهـ ..



اللي يقودون فيه السفينه ماعرف شتسمونه خخخ
حركه حلوه و حطي اشياء كلها مالت بحر
مثل سفينه صغيره و نازلـ منها شبكـ و محـاار ..
وحبلـ و صنـاره ... ومن هالسوالف ,,

بيصير حلـوو وانتي برايج ومجهودج ^^

مشكووووووووووووووووووووووورين و جزاكم الله الف خير :)
الله يجعله بميزان حسناتكم يارب ..

عزيزتي بالنسبه لمطعم الاسماك حاولي عمل رسومات علي الحائط لاسماك وبحر ازرق وهذا يحتاج الي رسام
ثانيا : يمكن تزين الزوايا او الاسقف بشباك الصيد ووضع داخلها اسماك اصطناعيه فتعطيكي جمال للاسقف
ثالثا : اختاري الوان المطعم اللون الازرق السماوي مع الابيض
رابعا: يمكن عمل الطاولات اللي راح ياكلوا عليها الزبائن طبعا تحتاجين مصمم ديكور انه الطاولات زجاجيه مثل الصندوق سهل فتحه وضعي به اسماك بحريه واعشاب ويكون السمك طبيعي يعني اسماك الزينه واذا صعب عليكي الامر ضعي اسماك اصطناعيه واعشاب اصطناعيه
خامسا: حاولي جعل ادوات التقديم يعني الصحون باللون الازرق وعيه رسومات اسماك والملاعق والشوك يكون
مسكتها علي شكل سمكه والفوط خليها اللون الازرق مع الابيض وعليها رسمات بحريه

ان شاء الله اعجبك الاقتراح ومبروك مقدما المطعم

في البداية يجب عليك تحديد الميزانية الى هذا التجديد وبعد وضع الميزانية بأمكان جمع الأفكار لتجديد بعدها بأمكان إستشارة مصمم او مصممة ديكور لكي يقوم بتنسيق الالوان والكماليات للمحل المذكور

بعدها تختاري الشركة او المنجرة المتخصصة في الديكورات الداخلية وعلى نوعية الكماليات حسب اتفاقك معا المصمم ....


ومنها يسهل عليك البحث ويختصر اليك الوقت للعمل


ويعطيك الف عافية وبتوفيق