!!ii!! يوميات اتنين مخطوبين ( عمر وسارة ) !!ii!!
b
27-05-2008 | 06:38 PM
:cry::cry::cry:
ا
27-05-2008 | 11:15 PM
وين القصة فات الاثنين وداخلين على الاربعاء
m
28-05-2008 | 12:28 AM
يااااااااااااااااه وحشتنى سارة ومريم وعمر ويحي قوى
كملى بسرعة
نحن جميعافى انتظارك
كملى بسرعة
نحن جميعافى انتظارك
y
28-05-2008 | 01:58 AM
عذرا على الانتظار والله عن دون عمد
y
28-05-2008 | 02:04 AM
[GLOW="000066"]الحلقه الثانية عشر[/GLOW]
الحمد لله اخيرا اقتنع عمر بانه يمشى نهى بالمعروف وده مش بس عشان كلامى معاه
لا , لانه رجع من الشغل فى نفس اليوم لقه يحيى بيغنى , ييجى ع المحطه ييجى , وادبحله البطه ,ييجى و يصفق بكلتا يداه ثم يزغرد و يقول لولولولى , ابويا ايجه تعالى يا به يا ماريم ابوكى ايجه
و لما عرف ان الست نهى خلتنى نايمه جنب مريم الصبح و خرجت
اه خرجت , ولولا البواب لقاها ماشيه فى الشارع كانت حاتتوه و تجيبلنا داهيه , كانت تلك هى القشه التى قصمت ظهر البعير
كانت رايحه فين ؟
سؤال كويس , انا برضه سالتها السؤال ده فاجابت : جعت يا مدام نزلت اجيب طعميه من البتانونى
و لما سالت عن كنه هذا البتانونى عرفت انه بتاع الطعميه اللى عندهم فى البلد و انها كانت متاكده ان حدانا قصدى عندنا بتانونى فى القاهره ، حاجه بديهيه يعنى يكون فيه بتانونى لكل مواطن
و كان القرار النهائى باعادتها الى البلد حيث البتانونى و كل المتع التى اعتادتها
و حاولت انا انظم حياتى اكتر , يعنى بدل ما ادفع مرتب نهى ، اشتريت غسالة اطباق بالقسط ، و اتفقت مع ماما تبعتلى شغالتها مرة اسبوعيا ، و بدات اغرس فى يحيى مبادىء صغيره ، زى انه ممكن يشيل لعبه فى الصندوق بعد ما يخلص ، يعلق هدومه بعد ما عملتله شماعه مناسبه لطوله خلف باب غرفته ، كمان بيساعدنى احيانا بانه يناولنى ملابس او حفاضات لاخته , والله مش عيب ، البنت زى الولد و ممكن اى انسان يضطر فى وقت من الاوقات انه يعيش لوحده , اقل حاجه يقدر يخدم نفسه , حتى عمر بدا يحس بى اكتر ، و يشيل هدومه فى الدولاب و حذاءه فى مكانه و الله الموضوع مش عقده و بالتعاون كل شىء ممكن
عمر : مع مرور الوقت مريم ابتدت تهدى شويه ، و ساره بدات ترجع تانى شويه شويه زى زمان ، و الله ساعات تصعب على لدرجة انى انا عمر باشا اشيل حاجتى و هدومى ، و اعمل لنفسى الشاى و كمان الفطار المتين .؟
عجبت لك يا زمن ، بس بتصعب على اصحيها الصبح و انا عارف انها قضت سهره سعيده مع الحان الاستاذه مريم ، برضه لما باحس انها سايبه اوضتها عشان لما مريم تصحى ما تزعجنيش ، ده بيخلينى احس انه عيب على اصحيها تعملى الفطار ، ربنا بس يقدرها على البيت و العيال ، ولو ماما صاحيه بتقوم معايا بالواجب ، و ان ماحصلش ، امرى لله ، فطر نفسك يا عم عمر
و طبعا موضوع نهى ده انتهى تماما ، لانى روحت فى يوم لقيت يحيى بيردد اهازيج غريبه غير انها كانت حاتتوه و تجيب لنا داهيه الحمد لله ربنا ستر
ساره : رن جرس الباب عصرا واذا به احمد جاء بعد ان انهى اخر امتحانات الترم الثانى ، منذ ان كبر و اضحى رجلا ، اصبح دخوله منزلى عيدا بالنسبه لى ، و الله لا ادرى متى كبر هذا الطفل الذى كنت اشارك امى فى حمله و تربيته ، و كذلك كنت اساعده فى مذاكرته , كل ما اعرفه ، انه فجاه اصبح رجلا يعتمد عليه ، و بعد ان قضيت سنوات طفولتى اتمنى وجود اخ اكبر لى ، يخرج معى و يذهب بى الى النادى و المدرسه كصديقاتى
و جدت اخى الاكبر اخيرا , انه فقط اصغر منى سنا , لكنه فعلا يجعلنى احس ان لى سندا و عائله ، خاصة بعد سفر اسراء الى دبى
دخل احمد كعادته محملا بالحلوى للطفلين و استقبلاه بالمظاهره المعتاده ، واخذ يداعبهما و يدللهما
ثم طلب منى ان يتكلم معى انا و عمر فى موضوع
احمد : ابيه عمر انت عارفه انك انت وساره بالنسبه لى بقيتو نموذج للزيجه الناجحه باسم الله ما شاء الله ، و انا كان نفسى من ساعة ما وعيت عليكم ، ان ربنا يرزقنى بزوجه صالحه تكون لى سند زى ساره و انى اكون مراعى ربنا فيها زيك يا ابيه
عمر : ياه يا ابو حميد ، انت كبرت للدرجه دى و كمان عايز تتجوز
احمد : مش بالضبط يعنى ، مش ضرورى جواز ، ممكن تقول حتى خطوبه او ارتباط ، حاجه تحمى الواحد فى الزمن ده ، انت لا تتخيل يا ابيه الدنيا اتغيرت ، و اصبح الولد اللى مش مصاحب او مضبط مع بنت , عرة صحابه ، و انا بصراحه ما عنديش استعداد اعشم حد من غير ما اكون قد كلمتى
ساره : يا حبيبى يا احمد ، انت حقيقى كبرت و فاضلك سنه واحده و تتخرج ، بس مش كان احسن تستنى بعد التخرج عشان ما تنشغلش
احمد : ماهو ده اللى انا عايز رايكم فيه ، دلوقت انا حاسس بميل معين ناحية زميله لى و صديقه عزيزه فى الكليه ، و حاسس انها كمان بتبادلنى نفس الشعور بس خايف
عمر : من ايه ؟
احمد : من حاجات كتير ، اولا انا حاسس ان اى زيجه مبنيه على الحب بتفشل ، و الاتنين ما بيكونوش سعداء ، بل بالعكس بقه الزيجات اللى بتتم عن طريق المعارف و الاهل زيكم كده هى اللى بتنجح
ساره : لا طبعا يا احمد ، مش معنى انى انا و عمر الحمد لله سعداء مع بعض ان ده النموذج اللى الكل لازم يمشى عليه ، انا وعمر سعداء عشان طلبنا السعاده ، طلبناها من ربنا و عملنا عشان نوصلها ، فربنا ساعدنا على بلوغ هدفنا ، و اى اتنين ممكن يعملو زينا ، احنا مش بنشترى العلاقه جاهزه يا احمد
لا دى زى الغزل ، اللى لازم تسهر علي خيوطه يوم و را يوم عشان يكمل , لكن فكرة ان العلاقه لو بدات بحب بتختم بنكد و التخريف ده مش صحيح
احمد : طيب تفسرى بى ايه شكوى اسراء كل شويه انها مش مبسوطه و انها عايزه ترجع ، رغم انها اتجوزت عن حب ، و حازم كان زميلها فى الكليه و عارفاه من سنين
عمر : انا متفق مع ساره يا احمد و تفسيرى لموضوع اسراء ، هو عدم تعودها على الغربه ، او عدم تعودها على حازم شخصيا ، لان الحب و الخطوبه حاجه ، و الجواز و العشره حاجه تانيه
ساره : استنى هنا ، مالها اسراء ، مانا لسه مكلماها و ما قالتليش حاجه يا احمد
احمد : انتى عارفه يا ساره انها ما بتحبش تشكى بس انا حاسس بيها ، لما باكلمها على النت باحس من بين كلامها انها مش سعيده ، يعنى مثلا راحت لقته محضرلها شغل عشان تنزل بعد ما وصلت دبى باسبوع واحد تشتغل ، و حاجات تانيه يعنى ممكن تكلميها فيها ، بس هى عارفه انك مش فاضيه عشان ظروفك و ظروف الولاد ، و كمان مش بترضى تقلق ماما ، فكان دايما الكلام معايا انا اسهل ، و انت عارفه ان سننا قريب من بعض و هى كانت صاحبتى ، و بصراحه هى اللى قالتلى اوعى تتجوز اللى بتحبها
عمر : ده كلام غريب يا احمد ، اللى ينفع فى حاله مش لازم يطبق على جميع الحالات ، و اللى ترتاح معاها و ترتاح معاك اكيد حاتكون احسن من اللى ما تعرفهاش اصلا
احمد : انا خايف كمان من اعتبارات السن المتقارب ، و انها يعنى تكون واخده على اوى ، و مش مديانى احترامى
ساره : لا الاحترام بين الزوجين ما لوش اى علاقه بالسن اهم حاجه الشخصيه ، هى اللى تدفعك لاحترامها مش سن الشخص
احمد : يعنى يا ساره فكرك اتوكل على الله و افاتحها بعد الامتحانات ؟ اهلها محترمين اوى و فيه تكافؤ بيننا فى كل شىء تقريبا
عمر : اهو دى برضه حاجه من اهم اشتراطات الزواج ، التكافؤ ، يعنى كله تمام انا مش فاهم ترددك يا احمد
احمد : طيب انا عايزك يا ساره تكلمى ماما و بابا فى الموضوع عشان انا محرج اوى ، و كمان مش حاقدر اكلم البنت فى اى حاجه الا لما اكون فعلا عارف انى ممكن اخطبها
ساره : اطمئن يا حبيبى انا حاكلم ماما و هى تتصرف ، ياه يا احمد انا مش مصدقه انك كبرت اوى كده !
و بعد ان انصرف احمد
قال عمر : كل يوم باصدق قول الرسول صلى الله عليه و سلم : لازال الخير فى امتى الى يوم يبعثون
رغم كل البلاوى اللى بنسمع عنها من الشباب و كم الانحراف و الاستهتار
الاقى حد زى احمد يخلينى احس ان الدنيا لسه بخير ، انت عارفه يا ساره انا باعتبره زى اخويا بالضبط عشان انا ماليش اخ و عشان اتربى وسطينا انا لما خطبتك كان لسه طفل
ساره : هوه برضه بيحبك يا عمر و عاملك مثله الاعلى ، انت تستاهل تكون كده ، ربنا يخليك لى و لولادك ، بعد اذنك بقه حاشوف السماعه فين وادخل على النت شويه يا عمر عشان اكلم اسراء احسن احمد قلقنى عليها اوى
و بعد قليل من اتصال الاختان و بعد الكلام المعتاد فوجئت ساره بصوت اسراء يتهدج و تبدا فى البكاء
اسراء : انا تعبانه يا ساره اوى
ساره : مالك يا حبيبتى ، احمد لمحلى عن حاجه كده بس انتى عمرك ما اشتكيتى لى ، فيكى ايه ؟
اسراء : حاسه انى غلطت و استعجلت فى الجوازه دى ، من ساعة ما جيت و انا باتعذب و باكتم فى قلبى عشان ماما ما يزديدش قلقها على ، لكن خلاص ما عدتش قادره استحمل ، انا عايزه ارجع مصر النهارده قبل بكره ، باختصار شديد ، عايزه اتطلق ..........................
--------
[GLOW="000033"]يتبع[/GLOW]
الحمد لله اخيرا اقتنع عمر بانه يمشى نهى بالمعروف وده مش بس عشان كلامى معاه
لا , لانه رجع من الشغل فى نفس اليوم لقه يحيى بيغنى , ييجى ع المحطه ييجى , وادبحله البطه ,ييجى و يصفق بكلتا يداه ثم يزغرد و يقول لولولولى , ابويا ايجه تعالى يا به يا ماريم ابوكى ايجه
و لما عرف ان الست نهى خلتنى نايمه جنب مريم الصبح و خرجت
اه خرجت , ولولا البواب لقاها ماشيه فى الشارع كانت حاتتوه و تجيبلنا داهيه , كانت تلك هى القشه التى قصمت ظهر البعير
كانت رايحه فين ؟
سؤال كويس , انا برضه سالتها السؤال ده فاجابت : جعت يا مدام نزلت اجيب طعميه من البتانونى
و لما سالت عن كنه هذا البتانونى عرفت انه بتاع الطعميه اللى عندهم فى البلد و انها كانت متاكده ان حدانا قصدى عندنا بتانونى فى القاهره ، حاجه بديهيه يعنى يكون فيه بتانونى لكل مواطن
و كان القرار النهائى باعادتها الى البلد حيث البتانونى و كل المتع التى اعتادتها
و حاولت انا انظم حياتى اكتر , يعنى بدل ما ادفع مرتب نهى ، اشتريت غسالة اطباق بالقسط ، و اتفقت مع ماما تبعتلى شغالتها مرة اسبوعيا ، و بدات اغرس فى يحيى مبادىء صغيره ، زى انه ممكن يشيل لعبه فى الصندوق بعد ما يخلص ، يعلق هدومه بعد ما عملتله شماعه مناسبه لطوله خلف باب غرفته ، كمان بيساعدنى احيانا بانه يناولنى ملابس او حفاضات لاخته , والله مش عيب ، البنت زى الولد و ممكن اى انسان يضطر فى وقت من الاوقات انه يعيش لوحده , اقل حاجه يقدر يخدم نفسه , حتى عمر بدا يحس بى اكتر ، و يشيل هدومه فى الدولاب و حذاءه فى مكانه و الله الموضوع مش عقده و بالتعاون كل شىء ممكن
عمر : مع مرور الوقت مريم ابتدت تهدى شويه ، و ساره بدات ترجع تانى شويه شويه زى زمان ، و الله ساعات تصعب على لدرجة انى انا عمر باشا اشيل حاجتى و هدومى ، و اعمل لنفسى الشاى و كمان الفطار المتين .؟
عجبت لك يا زمن ، بس بتصعب على اصحيها الصبح و انا عارف انها قضت سهره سعيده مع الحان الاستاذه مريم ، برضه لما باحس انها سايبه اوضتها عشان لما مريم تصحى ما تزعجنيش ، ده بيخلينى احس انه عيب على اصحيها تعملى الفطار ، ربنا بس يقدرها على البيت و العيال ، ولو ماما صاحيه بتقوم معايا بالواجب ، و ان ماحصلش ، امرى لله ، فطر نفسك يا عم عمر
و طبعا موضوع نهى ده انتهى تماما ، لانى روحت فى يوم لقيت يحيى بيردد اهازيج غريبه غير انها كانت حاتتوه و تجيب لنا داهيه الحمد لله ربنا ستر
ساره : رن جرس الباب عصرا واذا به احمد جاء بعد ان انهى اخر امتحانات الترم الثانى ، منذ ان كبر و اضحى رجلا ، اصبح دخوله منزلى عيدا بالنسبه لى ، و الله لا ادرى متى كبر هذا الطفل الذى كنت اشارك امى فى حمله و تربيته ، و كذلك كنت اساعده فى مذاكرته , كل ما اعرفه ، انه فجاه اصبح رجلا يعتمد عليه ، و بعد ان قضيت سنوات طفولتى اتمنى وجود اخ اكبر لى ، يخرج معى و يذهب بى الى النادى و المدرسه كصديقاتى
و جدت اخى الاكبر اخيرا , انه فقط اصغر منى سنا , لكنه فعلا يجعلنى احس ان لى سندا و عائله ، خاصة بعد سفر اسراء الى دبى
دخل احمد كعادته محملا بالحلوى للطفلين و استقبلاه بالمظاهره المعتاده ، واخذ يداعبهما و يدللهما
ثم طلب منى ان يتكلم معى انا و عمر فى موضوع
احمد : ابيه عمر انت عارفه انك انت وساره بالنسبه لى بقيتو نموذج للزيجه الناجحه باسم الله ما شاء الله ، و انا كان نفسى من ساعة ما وعيت عليكم ، ان ربنا يرزقنى بزوجه صالحه تكون لى سند زى ساره و انى اكون مراعى ربنا فيها زيك يا ابيه
عمر : ياه يا ابو حميد ، انت كبرت للدرجه دى و كمان عايز تتجوز
احمد : مش بالضبط يعنى ، مش ضرورى جواز ، ممكن تقول حتى خطوبه او ارتباط ، حاجه تحمى الواحد فى الزمن ده ، انت لا تتخيل يا ابيه الدنيا اتغيرت ، و اصبح الولد اللى مش مصاحب او مضبط مع بنت , عرة صحابه ، و انا بصراحه ما عنديش استعداد اعشم حد من غير ما اكون قد كلمتى
ساره : يا حبيبى يا احمد ، انت حقيقى كبرت و فاضلك سنه واحده و تتخرج ، بس مش كان احسن تستنى بعد التخرج عشان ما تنشغلش
احمد : ماهو ده اللى انا عايز رايكم فيه ، دلوقت انا حاسس بميل معين ناحية زميله لى و صديقه عزيزه فى الكليه ، و حاسس انها كمان بتبادلنى نفس الشعور بس خايف
عمر : من ايه ؟
احمد : من حاجات كتير ، اولا انا حاسس ان اى زيجه مبنيه على الحب بتفشل ، و الاتنين ما بيكونوش سعداء ، بل بالعكس بقه الزيجات اللى بتتم عن طريق المعارف و الاهل زيكم كده هى اللى بتنجح
ساره : لا طبعا يا احمد ، مش معنى انى انا و عمر الحمد لله سعداء مع بعض ان ده النموذج اللى الكل لازم يمشى عليه ، انا وعمر سعداء عشان طلبنا السعاده ، طلبناها من ربنا و عملنا عشان نوصلها ، فربنا ساعدنا على بلوغ هدفنا ، و اى اتنين ممكن يعملو زينا ، احنا مش بنشترى العلاقه جاهزه يا احمد
لا دى زى الغزل ، اللى لازم تسهر علي خيوطه يوم و را يوم عشان يكمل , لكن فكرة ان العلاقه لو بدات بحب بتختم بنكد و التخريف ده مش صحيح
احمد : طيب تفسرى بى ايه شكوى اسراء كل شويه انها مش مبسوطه و انها عايزه ترجع ، رغم انها اتجوزت عن حب ، و حازم كان زميلها فى الكليه و عارفاه من سنين
عمر : انا متفق مع ساره يا احمد و تفسيرى لموضوع اسراء ، هو عدم تعودها على الغربه ، او عدم تعودها على حازم شخصيا ، لان الحب و الخطوبه حاجه ، و الجواز و العشره حاجه تانيه
ساره : استنى هنا ، مالها اسراء ، مانا لسه مكلماها و ما قالتليش حاجه يا احمد
احمد : انتى عارفه يا ساره انها ما بتحبش تشكى بس انا حاسس بيها ، لما باكلمها على النت باحس من بين كلامها انها مش سعيده ، يعنى مثلا راحت لقته محضرلها شغل عشان تنزل بعد ما وصلت دبى باسبوع واحد تشتغل ، و حاجات تانيه يعنى ممكن تكلميها فيها ، بس هى عارفه انك مش فاضيه عشان ظروفك و ظروف الولاد ، و كمان مش بترضى تقلق ماما ، فكان دايما الكلام معايا انا اسهل ، و انت عارفه ان سننا قريب من بعض و هى كانت صاحبتى ، و بصراحه هى اللى قالتلى اوعى تتجوز اللى بتحبها
عمر : ده كلام غريب يا احمد ، اللى ينفع فى حاله مش لازم يطبق على جميع الحالات ، و اللى ترتاح معاها و ترتاح معاك اكيد حاتكون احسن من اللى ما تعرفهاش اصلا
احمد : انا خايف كمان من اعتبارات السن المتقارب ، و انها يعنى تكون واخده على اوى ، و مش مديانى احترامى
ساره : لا الاحترام بين الزوجين ما لوش اى علاقه بالسن اهم حاجه الشخصيه ، هى اللى تدفعك لاحترامها مش سن الشخص
احمد : يعنى يا ساره فكرك اتوكل على الله و افاتحها بعد الامتحانات ؟ اهلها محترمين اوى و فيه تكافؤ بيننا فى كل شىء تقريبا
عمر : اهو دى برضه حاجه من اهم اشتراطات الزواج ، التكافؤ ، يعنى كله تمام انا مش فاهم ترددك يا احمد
احمد : طيب انا عايزك يا ساره تكلمى ماما و بابا فى الموضوع عشان انا محرج اوى ، و كمان مش حاقدر اكلم البنت فى اى حاجه الا لما اكون فعلا عارف انى ممكن اخطبها
ساره : اطمئن يا حبيبى انا حاكلم ماما و هى تتصرف ، ياه يا احمد انا مش مصدقه انك كبرت اوى كده !
و بعد ان انصرف احمد
قال عمر : كل يوم باصدق قول الرسول صلى الله عليه و سلم : لازال الخير فى امتى الى يوم يبعثون
رغم كل البلاوى اللى بنسمع عنها من الشباب و كم الانحراف و الاستهتار
الاقى حد زى احمد يخلينى احس ان الدنيا لسه بخير ، انت عارفه يا ساره انا باعتبره زى اخويا بالضبط عشان انا ماليش اخ و عشان اتربى وسطينا انا لما خطبتك كان لسه طفل
ساره : هوه برضه بيحبك يا عمر و عاملك مثله الاعلى ، انت تستاهل تكون كده ، ربنا يخليك لى و لولادك ، بعد اذنك بقه حاشوف السماعه فين وادخل على النت شويه يا عمر عشان اكلم اسراء احسن احمد قلقنى عليها اوى
و بعد قليل من اتصال الاختان و بعد الكلام المعتاد فوجئت ساره بصوت اسراء يتهدج و تبدا فى البكاء
اسراء : انا تعبانه يا ساره اوى
ساره : مالك يا حبيبتى ، احمد لمحلى عن حاجه كده بس انتى عمرك ما اشتكيتى لى ، فيكى ايه ؟
اسراء : حاسه انى غلطت و استعجلت فى الجوازه دى ، من ساعة ما جيت و انا باتعذب و باكتم فى قلبى عشان ماما ما يزديدش قلقها على ، لكن خلاص ما عدتش قادره استحمل ، انا عايزه ارجع مصر النهارده قبل بكره ، باختصار شديد ، عايزه اتطلق ..........................
--------
[GLOW="000033"]يتبع[/GLOW]
ا
28-05-2008 | 02:32 AM
نحن في الانتظااااار
e
28-05-2008 | 03:05 AM
تطلق يا نهارها
عاوزهاعرف حصل ايه
عاوزهاعرف حصل ايه
m
28-05-2008 | 09:39 AM
ااااااه شكلها هتقلب دراااااااااما
خير يارب
خير يارب
ف
28-05-2008 | 01:10 PM
ياترى ماذا حدث لإسراء يجعلها تطلب الطلاق
l
28-05-2008 | 04:53 PM
يالهوي ايه اللي حصل
كملي يايميم بسرعه
كملي يايميم بسرعه
m
28-05-2008 | 10:00 PM
لا حول ولا قوة الا بالله
يارب استر وجيب العواقب سليمة
كلمة الطلاق بقت كتير قوى اليومين دول ربنا يهدينا جميعاااااااااااااااا
فى انتظار المزيد منكى ايتها الاخت الحبيبة
يارب استر وجيب العواقب سليمة
كلمة الطلاق بقت كتير قوى اليومين دول ربنا يهدينا جميعاااااااااااااااا
فى انتظار المزيد منكى ايتها الاخت الحبيبة
.
28-05-2008 | 10:08 PM
اوووووووووووووو القصه ولعت ......... لا تتأخرين علينا يا يميم
e
28-05-2008 | 10:24 PM
يميم مش قلتى نستناكى بالحلقه الجديده امتى
y
29-05-2008 | 12:50 AM
منتصف ليلة الجمعة ان شاء الله
y
29-05-2008 | 01:12 PM
اليوميات
كتبتها د. هبه اول جزء
والجزئين التانى والتالت ام سما وحلا يمكن
والجزء الرابع د. ايمان
ولم ينتهى كتابته الى الان
لذا في منتصف كل لليلة من الجمعة والاثنين تكتب حلقه جديده
باذن الله
كتبتها د. هبه اول جزء
والجزئين التانى والتالت ام سما وحلا يمكن
والجزء الرابع د. ايمان
ولم ينتهى كتابته الى الان
لذا في منتصف كل لليلة من الجمعة والاثنين تكتب حلقه جديده
باذن الله
.
29-05-2008 | 03:05 PM
السلام عليكم ورحمة الله وبركاته
اهااااااا خلاص خبري المؤلفات يا يميم ان القصه عليها إقبال كبير و قوليلهم يسونه مثل المسلسلات المكسيكيه
حلقات بالآلآف ههههههههه
تسلمين يايميم
هنوده
اهااااااا خلاص خبري المؤلفات يا يميم ان القصه عليها إقبال كبير و قوليلهم يسونه مثل المسلسلات المكسيكيه
حلقات بالآلآف ههههههههه
تسلمين يايميم
هنوده
e
30-05-2008 | 05:37 AM
فى انتظار الحلقه بكره
m
30-05-2008 | 05:47 PM
مشتنيييين يايميم
l
30-05-2008 | 07:50 PM
في انتظارك
e
30-05-2008 | 10:45 PM
يميم احنا الجمعه