الفزعه معي لاتخلوني رجاء ثم رجاء ثم رجاء

انا ام لطفل بقي له ثلاثه شهور ويكملال خمس سنوات
المشكله في طريقة تعاملي معه يعني ما عرفت كيف اتعامل معه
هو طفل عنيد بكل ماتعنيه الكلمه ويدور الشر مسكين على نفسه
اي شى غلط يعمله وكل شي يغضبنا يسويه ولازم الي يبغاه ياخذه
باي طريقه ويستخدم الحيله والذكاء دائما
وكل الي تعاملو معه يقولون الله يهديه صعب التعامل معه الله يعينكم
عليه شخصيته قويه جدا وماييأس ابدا دائما يحاول ياخذ اللي يبغاه
بشتى الطرق ويستخدم الحيله اذا ماقدر بالقوه من كان صغير
ومايقتنع بكلامى ابدا ولابكلام اي احد الا بنفسه

يعني مستصغر الجميع انا دائما احاول معه بالاقناع واذا مانفع

اضربه اذا كان مسوي غلط كبير وصراحه ينفع معه الضرب يخاف
بس ما احب اضربه دائما لا وبعد ما اضربه يهددني وهو خايف لانه مايحب يكون ضعيف قدام اي احد حتى وان حكيت له حكايه عن ولد غير مؤدب يسوي نفس الاغلاط الي يسويها هو يبدأ يزعل ويدافع عنه
حتى اخر مره شاف مسلسل زوجة اب تضرب ولد زوجها ولما طلبت منه انه ينوم قال بلهجته (ترى بخلي بابا ياخذ حرمه ثانيه ولا ياخذك) قلت له علشان تضربك زي الولد قال(لا انا ابخليه ياخذ حرمه حبيبه مو شريره)ويده حاره يعني اي لعبه او ممكن اي شىء يمسكه يخرب على طول دخلته روضه ساعتين بالعصر وصار يتململ نومه قليل وما يخاف من اي احد حتى وان خاف يحاول يظهر خلاف ذلك دائما يكون قائد الاطفال
ويصاحب اللي اكبر منه والي شخصيته ضعيفه مايحبه ويحترم الي شخصيته قويه
ويخاف من الموت ومن الطيارات ومن سرعة السياره
ومع هذا عنده تعتعه في الكلام ويتبول ليلا
اشعر انه يحس بسعاده في بعض الاحيان اذا اغضبنا طبعا مو دائما الصراحه ابغى حل لطريقة التعامل معه بحيث لا اتعب ولاهو يتعب
واكون لكم شاكره واذا فيه اماكن تعليميه ممتازه خبروني عنها انا في
الرياض ولكم تحياتي .