تجمع حوامل الشهور الوسطى 7-8

اتصدقون بنات يووووووووووووووووووووووووعانه حدي وماقدر آكل لأني صايمه...:sad:

ام احلى محمود;6836792:
السلام عليكم بنات شخباركم عساكم تكونو بخير يا رب وحشتوني يالغاليات :)

شخبار بيبياتكم انشاء الله بخير يا رب ..

هلا والله ام احلى محمود الحمدلله كلنا بخير انتي شخبارج شمسويه مع الحمال؟؟؟

انا سويت التوزيعات بنفسي بعد
بس سويتها على شكل جوارب الطفل
بقماش الجوخ تبع الدمى
وزينت الجوراب باشكال وداخل الجوراب راح اخلي الحلاوة
والبطاقة لسه ما سويت فيهم شي راح اشتري قريب الورق
واصمم البطاقات اليوم ان شاء الله
ام الاستاند الحين عندي واحد بس افكر اسوي على شكل
حبل غسيل وراح اعلق عليه دمى انا سويتها بالجوخ والجواريب
وبعض قطع من ثياب البيبي مثل التي شيرت او سروال راح اسويه بعد بالجوخ
انا سويتهم وان شاء الله راح ارويكم ايهم حبيتهم
لانه خيطهم بايدي

الحبُ الكبير;6836802:
هلا والله ام احلى محمود الحمدلله كلنا بخير انتي شخبارج شمسويه مع الحمال؟؟؟

هلااااا خيتوه الحب الكبير انا الحمدلله تمام و عساكم دوم بخير و طيبين يا رب ..

آنه زينه مع الحمال بس تصدقين تحليل الحمل للحين ما سويته كل يوم اشرد من الشغل بحجة بسويه اروح يقولون لي خلاص ما في جانس :( لازم تيين من الصبح..

مراحب ام احلى محمود
شخبارج حبيبتي
وشخبار مهند الصغير ؟
خبريني شلونج من امس على الاصار
رجعتي المستشفى لو خف عليج الالم ؟

الحبُ الكبير;6836796:
اتصدقون بنات يووووووووووووووووووووووووعانه حدي وماقدر آكل لأني صايمه...:sad:

خيتوه الحال من بعضه آنه هم بعد يوعانه بموت يوع بس انطر الهندي ايي المكتب عشان ادزه اييب لي من الكفتيريا شي آكله ..

الحب الكبير
طيب ما تسحرتي حبيبتي ؟
الله يعطيج العافية ولا تنسينا من الدعاء وقت الاذان
وانتي من اي منطقة بالبحرين ؟

تفضلي معاي ام احلى محمود
مسوي لي زوجي سندويشات جبن وكاس شاي بالحليب

كنانة;6836813:



انا سويت التوزيعات بنفسي بعد
بس سويتها على شكل جوارب الطفل
بقماش الجوخ تبع الدمى
وزينت الجوراب باشكال وداخل الجوراب راح اخلي الحلاوة
والبطاقة لسه ما سويت فيهم شي راح اشتري قريب الورق
واصمم البطاقات اليوم ان شاء الله
ام الاستاند الحين عندي واحد بس افكر اسوي على شكل
حبل غسيل وراح اعلق عليه دمى انا سويتها بالجوخ والجواريب
وبعض قطع من ثياب البيبي مثل التي شيرت او سروال راح اسويه بعد بالجوخ
انا سويتهم وان شاء الله راح ارويكم ايهم حبيتهم
لانه خيطهم بايدي

الااااااااااااااااي شكله وايد حلو اتصدقين الوحده الي تشتغل في شي بنفسها احس تستانس اكثر يعني انا جذي ما استانس اذا شريت جاهز بس اذا انا اشتغلت وتعبت اوووووووه تلقين طايره من الوناسه يلا ان شاء الله تتهنين فيهم انتي والبيبي الله يسهل علينا جميعا يارب..

ام احلى محمود;6836814:
هلااااا خيتوه الحب الكبير انا الحمدلله تمام و عساكم دوم بخير و طيبين يا رب ..

آنه زينه مع الحمال بس تصدقين تحليل الحمل للحين ما سويته كل يوم اشرد من الشغل بحجة بسويه اروح يقولون لي خلاص ما في جانس :( لازم تيين من الصبح..

تحليل حمل ؟؟ تقصدين مال سكر؟؟

اذا تقصدين ذي انا سويته وطلع عندي سكر مرتفع... الله يستر بس جان ما ايوود فيني ومايروح لان ابوي ويدي ويدتي والعايله كلها سكري..:ss:

ايييه انا من زمان خاطري اسوي شي الى البيبي
بايدي وكنت بسوي فستان اذا بنت بما انه ولد حبيت اسوي هالحركة
انا خواتي كانوا يبون يسووونهم بس انا ما رضيت لانه ما خبرت احد شنو جنس البيبي
وخواتي على طول يفكرون انه بنت فكل تفكيرهم في الوردي
فقلت راح اسوي التوزيعات زرقة بنفسي بدون ما اخبرهم

كنانة;6836836:



الحب الكبير
طيب ما تسحرتي حبيبتي ؟
الله يعطيج العافية ولا تنسينا من الدعاء وقت الاذان
وانتي من اي منطقة بالبحرين ؟

الله يعافيج حبيبتي وان شاء الله مابنساج بالدعاء اما عن الاكل ماكليت الا روب قبل الاذان والحين يوعانه مادري شلون باصبر لين المغرب ..

انا من الرفاع

الا بسألكم كنانه وام احلى محمود وام سويره وين ناويين تولدوون؟؟؟

كنانة;6836826:



مراحب ام احلى محمود
شخبارج حبيبتي
وشخبار مهند الصغير ؟
خبريني شلونج من امس على الاصار
رجعتي المستشفى لو خف عليج الالم ؟

اهلييين بالغاليه كنانة مرحبتين شخبارج و شخبار النونو :) ربي يسهل عليج يا رب (f)

انا بخير و مهند بخير :)

رحت المستشفى حولوني الطوارئ لأن ما عندهم طوارئ حوامل بالمركز الصحي و ما رحت رجعت البيت ما لي خلق مشوار للطوارئ و تظلين على الكراسي سنه لين ينادونج و تحاليلهم تنطرينهم ساعتين و آخر شي يقولون لج الأجهزه في المخترب صار النظام داون و ما نقدر نطلع النتايج .. و تتعبين طول اليوم على الفاضي :) ..

قلت بتوكل على الله و برجع البيت و مب معوره راسي معاهم يمكن اروح فيني شي بسيط يرفعون لي ضغطي هناك بمعاملتهم ما اضمن روحي خصوصا اني من فتره صايره عصبية زياده عن اللزوم..

ام احلى محمود
يبي لج من الصبح ما تروحي الدوام وتروحي المركز
لانه الساعه 10 يسكرون المختبر
والله يكون في عونك حبيبتي وتلاقين فرصة تروحين
او انج الساعه سبع تروحين يعطونج عصير السكر وتطلعي
توصلي زوجك الشغل وتروحي بعد ساعه المركز
علشان ياخذون من عندج دم

الحب الكبير
ونعم في اهل الرفااااااع احنا جيرانكم في مدينة حمد
الله يصبرج مني الى الاذان حبيبتي وانتي جوعانة

ام احلى محمود
صحيح الطوارى لا يطااااااق بساعات تروحين وكانه سوووق تقوليين من كثر الناس
حتى كرسي ما عندج تقعدين عليه
انا اخر مرة هربت عطوني تحاليل وطلعت ما سويتها
كان نازل على دم وتقلصات وقالوا بيرقدوني ما رضيت وعطتني تحاليل
ما سويتها ورجعت البيت

الحب الكبير
انا افكر في السلمانية لانه يعتنون اكثر حسب ماقالوا لي
جدحفص ما عندهم غرف خاصة اعتقد ثنتين بس وما يتحصلون
والسلمانية بس ضغط عليه بس اهون من جدحفص

ام سوييرة مالها حس و لا خبر
الظاهر لابسة نظارة سميكة وتفتش في الصفحات السابقة
خلج منهم وتعالي سولفي ويانه لا اشرد عنكم

كنانة;6836910:



ام احلى محمود
يبي لج من الصبح ما تروحي الدوام وتروحي المركز
لانه الساعه 10 يسكرون المختبر
والله يكون في عونك حبيبتي وتلاقين فرصة تروحين
او انج الساعه سبع تروحين يعطونج عصير السكر وتطلعي
توصلي زوجك الشغل وتروحي بعد ساعه المركز
علشان ياخذون من عندج دم

وعيييييييييييييييي عصير السكر هذي سالفته سالفه الله لا يراويج اشسوه فيني عفسني وانا عفست المستشفى عليهم اول شي انا صايمه وطاقه الويه وراحه من الصبح مستشفى البحرين التخصصي ع ويهيي عبالي بيسحبون دم وباطلع والا ماشوف ماعطيني هالعصير انزين شربته مترووس شكر وانا كلش ما احب شي متروس شكر سواء شراب والا اكل المهم وقعدت واحس روحي مو طبيعيه داير راسي وحر مو طبيعي اقول حق زوجي ماقدر داير راسي تعبانه وميته حر قام قال تعالي خلنا نتمشى عشان ينهضم الي شربيته وتتهوين بعد ورحت الطابق الاولي وقعدنا هناك في الكفيتريا وانا لا اشوف الحاله تزداد وتزداد سوءا وشوي والا ارجع اللي شربته كله ماتحملته كلش عاد بعدين طردوني قالولي روحي واشتري لج جلكوز ع نكهه وتعالي يوم ثاني حللي ورحت وشربت جلوكوز على همبه كان زين كأنه تانق بس تغربلت قعدوني 4 ساعات كل ساعه يسحبون دم قضضو يدي.. وهذي قصه معاناتي مع هالعصير.. بوووووووووو وايد هذرت الله يعينكم علي خخخخ