تجمع حوامل الشهور الوسطى 7-8

أم سويره;6826513:
صباح الخير صبايا

شخباركم ؟؟

واخبار التعب ؟؟

شخبارج ملاذ ؟؟

شمقعدج من الصبح يالبطه ؟؟

هلا ام سويرة من زمان ما شفتج وحشتينا أنا عن نفسي بخير و لله الحمد:)

التعب يوووووووووه حدث و لاحرج تصدقين للحين الوحام وياي ما تركني للحين تلوع جبدي تكرمين و كأني حامل بالشهور الاولى.. :ss:



انتي شخبارج و شخبار صحتج و بنوتج و التعب و الشغل وياج؟؟..

ملاذ الطير 79;6826521:




صباااااااااااااح الخيييييييييير :) وينكم يا الشلة الصباحية ؟؟

حرف عنيد وين مختفية من فترة ؟؟
روز روز كنتي في اجازة ان شاءالله اليوم موجودة
ام احلى محمود ويييييينج ما طليتي للحين !!
الماسة خلاص ما بتدخل يحليلها بدت اجازتها .
ام سويرة شكلها بالطريج ومحد غيرها بيشارك ؟؟

هلاااااااااااااااااااااااااااااااااااااااااااااااا ملووووووووذة شخبارج يالغاليه انا موجوده من الصبح بس اشتغل شوي و ارجع اطل عليكم :) وحشتوني :D


شخبارج اش مسويه عساج بخير يا وجه الخير ؟؟..

ملاذ الطير 79;6826547:




صباح النور يا بطة البطات :D

شخبارج وشخبار سويرة :)

انا رقادي اختبص نمت امس المغرب وصحيت 10 بالليل

ورجعت نمت 1 ونص وصحيت 3 طلعت انا وحمياتي وريلي نتمشى للساعه 5

وبعدين رجعنا البيت نسولف ويا بعض للحين ونخطط لطلعة دبي :)

باجر بإذن الله ناويين نطلع دبي ونقعد 5 ايام عالاقل تغيير جو وتجهيز للمدارس :)

ماشاء الله عليكم مسويين جو وحركات

انا وسارونتي الحمدالله بخير وعافيه ان شاء الله

متحملين بعض :D

بس تعب الشهر الثامن شي غريب عجيب
الله يتمم لنا على خير

اتمنى اولد مبجر بس تكون بنوتي بخير

ام احلى محمود;6826673:
هلا ام سويرة من زمان ما شفتج وحشتينا أنا عن نفسي بخير و لله الحمد:)

التعب يوووووووووه حدث و لاحرج تصدقين للحين الوحام وياي ما تركني للحين تلوع جبدي تكرمين و كأني حامل بالشهور الاولى.. :ss:



انتي شخبارج و شخبار صحتج و بنوتج و التعب و الشغل وياج؟؟..

هلا ام محمود

شخبارج حبيبتي

الله يعينج انا اتذكر ايام الوحام ويعورني بطني بس انا الحمدالله وحامي كان ثلاث شهور وراح وافتكيت

انا بخير الحمدالله وان شاء الله سارونتي بصحه وعافيه

بس خبرج التعب شي مانقدر مانحس فيه هالايام

سبحان الله كنت للسابع احس روحي خفيفه ومن اول يوم دخلت الثامن وانا شي ثاني

احس روحي اني بولد في اي لحظه

اقول حق زوجي يقول مابتولدين الحين تو الناس عليج

حتى يوم اني جهزت اغراض بنتي للمستشفى وبديت ارتب شنطتي يقول لي وايد مستعيله

وانا:eek: اقول له حرام عليك كلهم اسبوعين وادش شهري:confused:

صبحكم الله بالخير والنور والسرور خواتي

اشحالكم مشتاقتلكم وايد ما ادري حسيتوا في غيابي ولا

joojoo.sweet;6824047:
ملووووذه ...

أنا ببدأ أجهز إذا دخلت ان شاءلله السااابع بس قبل ماأنصح .. وأغرااض البيبي وش يبيلهم كلهاا دخلتين للسووق وأنتي خااالصه وبعدين شوي شوي ببدأ أجهز لنفسي واذا مفكرره تخيط قطع لهااا تدخلهم بنص السابع ولا يجي الثامن الا هم خالصين .. أنا بآخذ شغلاات جاااهزه ماافيني أخيط ..

جوجو صحيح كلامج انه ما يبيله شي بس انا ببدي عشان استانس واتسلى :D لانه اختي ابد ما في مجال انها تروح تتجهز على طول دايخة وترجع وانا بستغل روحتي لدبي لانه عندهم اشياء حلوة مو موجودة عندنا :) واختي طبيعتها ما تحب تنزل اسواق عكسي انا لو كل يوم بالسوق ما امل ولا اقول لا :tongue: والمشكلة اخر هالشهر تبتدي عندنا المدارس فما بيكون عندنا وقت ابد والله كريم ويوصل غلوي بالسلامة يااااااااااااااااارب :)

حرف_عنيد;6826787:
صبحكم الله بالخير والنور والسرور خواتي

اشحالكم مشتاقتلكم وايد ما ادري حسيتوا في غيابي ولا

حروفووو وينج منخشه كل هالمده؟؟

وحشتينا يالبطه

شخبارج واخبار عروستج؟؟

fashion girl;6824147:
هلا ملووذه

جان زين عندي خوات ينفعوني شراتج

تبين الصراحه.. انا فصلت القطع الي عندي كلهم...و الوالده خذتلي 3 جلاليب مال البيت.. حلوات(f) من نادي الشعب... هم مب راقيات بس مريحات.. ان شاء الله بصورهم و براوييج..

و انا خذتلي بجايم لاني قررت عمليه.. يعني ما خذت شي راقي و حلو :(

اسألي شموعه.. او روز روز.. وحده منهم مدحت محل و ماحيد اسمه :ss:

تسلمييييييين حبي وانا بالخدمة فديتج :) انا كنت اقصد تجهيزات البيبي
لاني انا راح ابدي اشتري لبنتها وبعدين بروح افصل لها انا اعرف خياط حلو
عندنا براس الخيمة بجرب اودي عنده بس بعد العيد لانه الحين زحمة الخياييط
قوليلي المحلات الحلوة مال اغراض البيبي بالشارجة ودبي :)

والله انا الحمد لله بس صدق تعب من دخلت الثامن وانا خلاص منتهيه

الاسبوع اللي طاف كان عندي موعد والدكتورة قالت لي بعطيج اجازة ريحي فيها علشان جذي ما داومت وما دخلت النت

بس والله الارقاد محرومة منه ويايه الدوام ومب راقده هلكانه

بنوتي فديتها امعذبه امها من الحين والله يستر منها

وابوها مستعيل عليها وقت ما يشوف شكلي جذي يقول لا شكلج من الحين بتولدين

حرف_عنيد;6826846:
والله انا الحمد لله بس صدق تعب من دخلت الثامن وانا خلاص منتهيه

الاسبوع اللي طاف كان عندي موعد والدكتورة قالت لي بعطيج اجازة ريحي فيها علشان جذي ما داومت وما دخلت النت

بس والله الارقاد محرومة منه ويايه الدوام ومب راقده هلكانه

بنوتي فديتها امعذبه امها من الحين والله يستر منها

وابوها مستعيل عليها وقت ما يشوف شكلي جذي يقول لا شكلج من الحين بتولدين

ماعليج شر حبيبتي

يالله هانت << اصبرج واصبر روحي

وزين سويتي انج ارتحتي شوي

انا قلت يمكن اخلي الدكتوره تكتب لي اجازه بدايه رمضان

لاني بكون دخلت التاسع ان شاء الله ولي فيه اسبوعين وماظنتي بقدر اداوم اذا هذا حالي وانا في نص الثامن:confused:

متى عطوج موعد ولادة يا ام سويرة

19-9
18-9
25-9
17-9

ياحليلهم :D:

صباح الخير يا كروشات ..
أشونكم و أشلون كرشاتكم ؟
و ين الكل طلع ؟؟

أم سويره;6826735:
هلا ام محمود

شخبارج حبيبتي

الله يعينج انا اتذكر ايام الوحام ويعورني بطني بس انا الحمدالله وحامي كان ثلاث شهور وراح وافتكيت

انا بخير الحمدالله وان شاء الله سارونتي بصحه وعافيه

بس خبرج التعب شي مانقدر مانحس فيه هالايام

سبحان الله كنت للسابع احس روحي خفيفه ومن اول يوم دخلت الثامن وانا شي ثاني

احس روحي اني بولد في اي لحظه

اقول حق زوجي يقول مابتولدين الحين تو الناس عليج

حتى يوم اني جهزت اغراض بنتي للمستشفى وبديت ارتب شنطتي يقول لي وايد مستعيله

وانا:eek: اقول له حرام عليك كلهم اسبوعين وادش شهري:confused:

دوووم يا ربي تكوني بخير انتي و القمر سارونه :) ..

الله يعينج قلبي و يريحج و تولدين بالسلامه و يسهل عليج ربي :)..


امممم انا كل مره اقول خاطري اجهز شنطة الولاده بس يقول لي تو الناس ليش مستعيله كل هالقد بس اقول ان سبحانه الله عشان ما انسى شي كل مرهاتذكر شي و احطه يضحك علي بس تدرين خيتوه ما بحط لي اغراض وايد بحط لي بس بدله وحده حقي و بدله وحده حق البيبي و معجون اسنان و صابونة بس و فوطه بعد :) لأن الحين السلمانية مصخوها الوالده يخلونها بس يوم واحد لا اكثر يعني مثلا تولدين بالليل يوم ثاني الصبح يقولون لج باي ..

حرف_عنيد;6826787:
صبحكم الله بالخير والنور والسرور خواتي

اشحالكم مشتاقتلكم وايد ما ادري حسيتوا في غيابي ولا

هلا و الله بالغاليه حرف_عنيد شخبارج و شخبار الحمال وياج يا ربي يسهل عليكم :)

صباااااااااااااااح الخيــر..

نور النجوم 888;6827193:
صباح الخير يا كروشات ..
أشونكم و أشلون كرشاتكم ؟
و ين الكل طلع ؟؟

هلا نور

احنا تماموش الحمدالله

انتي شخبارج

واخبار البنوته؟؟

ام احلى محمود;6827288:
دوووم يا ربي تكوني بخير انتي و القمر سارونه :) ..

الله يعينج قلبي و يريحج و تولدين بالسلامه و يسهل عليج ربي :)..


امممم انا كل مره اقول خاطري اجهز شنطة الولاده بس يقول لي تو الناس ليش مستعيله كل هالقد بس اقول ان سبحانه الله عشان ما انسى شي كل مرهاتذكر شي و احطه يضحك علي بس تدرين خيتوه ما بحط لي اغراض وايد بحط لي بس بدله وحده حقي و بدله وحده حق البيبي و معجون اسنان و صابونة بس و فوطه بعد :) لأن الحين السلمانية مصخوها الوالده يخلونها بس يوم واحد لا اكثر يعني مثلا تولدين بالليل يوم ثاني الصبح يقولون لج باي ..

الله يتمم لج على خير ويقومج بالسلامه

انا سألت امي الله يحفظها قالت لي حطي للبيبي 3 بدلات وقبعه عشان هوا التكييف

وقماط و فوطه و اكيد الفراش ورضاعه للماي

وانا شنطتي للحين ماجهزت فيها شي

المولعانيه;6827605:
صباااااااااااااااح الخيــر..

صباح الورد

المولعانيه;6827605:
صباااااااااااااااح الخيــر..

صباح الأنوار يالغاليه شخبارج..