جيت وجبت كم قصه ولادتي باجمل نصوور

:confused::cry:السلام عليكم
مثل ماقلت لكم في العنوان قصه ولادتي
وووي الله يستر ويسهل على كل حامل في هالقسم
عطوني في المستشفى موعد ليوم 16_4 بس انا ربيت في تاريخ 4_7
وطبعا هاي اول ولاده لي ماكنت ادري شسالفه ولاادري ان الالم قويه لهدرجه :rolleyes:
قبل مانام في الليل كنت واصله حدي من الحمل كنت ابي اولد زهقت خبركم الشهر التاسع ايكوون طووويل وبعدين قلت انا لازم اسوي شي عشان اولد اليوم
خذيت اخت زوجي ورحت انا وياها السطح وتميت امشيفي السطح ساعتين متواصله وطبعا كنا انسولف ماخلينا شي الا وتكلمنا عنه خخخخخ تضييع وقت وقلت لاخت ريلي انا لازم اربي اليوم اتقولي لا ما اعتقد توج
وبعدين رحت انام قبل الفجر بشوي حسيت بمغص صحاني من النوم رحت الحمام الله يعزكم ومافي شي اكثر من مره وبعدين حسيت بعوار وثقل في طني من تحت توضيت ورحت اصلي ماقدرت اصلي حت قعدت في السرير وريلي نايم كاسر خاطري ماقدرت اصحيه لانه كان سهران
وانا قاعده الا شوي الماي نزل علي انا اهني خفت خوف مو طبيعي ركضت الحمام ورديت اصاخ واصحي زوجي واقو له ولاده ولاده هههههههههههههههههههه شكلي كان ايضحك واهو فديته قام خايف ركض ينادي امه ورحنا المستشفى سوولي فحص قالت لي 2 سنتي هاي كان الساعه 6 الصبح وبعدين ودوني غرفه تميت اتالم واتعذب واصارخ لين الساعه 10:confused::confused:
وبعدين قلت لهم ابي ابره مهدئه او اي شي ايوقف العوار اشوي بعدين عطوني ابره هدتني ساعه نمت فيها وانا اشهد ان هالساعه احسن ساعه نمت فيها فحياتي :21_211:
الا شوي رد العوار وبعدها قمت ابكييييييييي واصارخ وام زوجي اتقول توج لين الليل وانا ابكي اكثر :confused: وجات دكتوره الساعه 12 سوت لي فحص قالت 8 سانتي ودوها الولاده وانا استانست ووووايد قلت اخيرا قالت لي حمدي ربج ولادتج سريعه
ودوني غرفه الولاده كان العوار ايزيد اكثر واكثر وانا خلاااااااااااااااااص رايحه فيها والدكتوره اتقول لي دزي وانا احاول لين طلع ناصر فديته كنه ملاك :21_95:
عطوني اياها وووووواي حسيت احساس وووايد حو بس انا غير البنات مانسيت العوار والتعب وماضنتي راح انساه
والله ايسهل عليكم
وسلامتكم :15::1_8::1_8: