تجمع حوامل الشهر التاسع - فقط

حبيبهـ زوجها;6831423:
السلام عليكم


بنااات متى اولد باقيلي 9 ايام واخلص التاسع

يجيني الم خفيف مثل الم الدوره صارلي اسبوع

وانا اتألم بعد احس بظغط شديد من تحت وانا نايمه ..


وش تتوقعون هل هذا توسع في الرحم عشان يفتح
والا شو ..

-

الله يسهلك ويهووون علييك

[COLOR="Magenta"]حبيبة زووجها

هاذي الاوجاع اسمهاااا سواليف الطلق عندنا

يعني الطلق قاعد يسوولف عليك لين يطب عليك


الله يهوون عليك ويسهلك ولادتك ويفرح نظرتك بشوفة جنينك سليم معافى

ويحسن خلقه وخُلقه 00ويصلح الله شآآني وشانك وشآآن الجمييييع

في ولاداتنااااا[/COLOR]


-

هلا كروشااااات شخبااركم
.. يلا هاانت با اذنه باقي ليا يوم واجي التااسع ربي يسهل عليكم وعلينا ياااارب

مراحب حوااامل
ما باقي شي ويجي الفرج ان شاء الله
عن نفسي كل يوم الالام مبرحة جدا
وعظامة حوضي تالمني بشكل ما اقدر امشي
هل يعني ولادتي قريبة والله شلون ؟

سلام كرووووشات التاسع .... ااااااااااااااااااه متى بربي ان شاء الله وبشوووف النونو في حضني يا رب انها تكون ولاده سهله وميسره لي ولجميع الحوامل باذن الله .....

اخاف اني امشي ما اعرف شو اسوي انصحوني لعل وعسى اييب بفايده معاي ... ما اتحرك وان تحركت اشوية احس انه نفسي بيطلع كله ابا ايلس ... شو اسوي تعبت من حالتي وخايفه من الولاده عشان جيه ما ابا اتحرك وااايد ولا امشي ولا هم يحزنون ... الله يستر

مراحب روزززززز
شلونج يالقمر وشلون الكتكوتة ؟
وخليج من الخوف لا تزيديني انا بروحي ارتجف من يذكرون الولادة

هلا فيج كنانه ....

ما اعرف يا اختي شو اسوي ... صايرة جبانه وبالغصب اتحرك ..... والحين كله احاتي ادوية النفاس ما اعرف شو اشتري من عند العطار ... المشكله انه الوالده الله يهديها تقولي عادي ما تبين شي ومو محتاجه ادوية غير الحبة الحمرا ... وانا خبرج بعدين بتلعوز بالكرشه الكبيرة ....

انتي شو سويتي ... وجهزتي اعشاب وادوية النفاس ولا بعدج ؟؟؟

الصرااااحة ولا على بالي
بكره يتصرفون فيني الاهل
شنو ياكلوني هم اخبر
لانه انا ما اعرف حق هالسوالف
ام عن الحركة الصراحة الجو كسيف مرة
بس انا عندي لياقة بسرعه امشي واقاوم التعب
بس ما ادري اقدر امشي ساعه كاملة ؟؟

اااااااااااه يا كنانه .... ابا امشي بس خااايفه

ما عليج اليوم خلينا نبدا المشي والحركه ... انا بسي نص ساعه ^__^

انا ام ورديه نعامه ..

انا بعد كم يوم ادش التاسع

حبيبتي كنــآنه لاتخآفين .. عيل انا شقول عندي الحين 6 عيآل

والحمدالله كل شي اعرفه عن الولآده والحين صارت الولاده عندي ســهله وايد ..

اذا تبين اي سؤال انا حآظره ترى وبشووفه ؟

تحيآتي ..

روززز حبي
انا بدت امشي بس احيانا اجفسها ما امشي خخخ
وعن العيارة خلينا نتشجع نمشي ونربي بسرعه
جدذي والله جدي راح نولد
انا ابي اولد بسرعه علشان افتك
وابي اتاخر علشان قريب الشهر الكريم
واكون كله في بيت ابوووي
وناااااااااااسة والله

ام وردية
يا هلا بيج نورتي المكان حبي
وما تقصرين اختي على المساعدة
بس انا صار لي فترة تجيني الالم قوية في الرحم حتى ما انام منها
واحس عضامه حوضي تتفجج من مكانها
هل هذا يعني قريب الولادة والله عادي
انا من قبل تجيني الالم مثل الدورة بس خفيفة
بس من دخلت التاسع الالام وااااااااايد قوية

هاذي شبه الام الولاده

بس قوليلي انتي كم يوم صار لج داشه التآسع ؟

صدقتي كنانه ... ان شا ءالله من اليوم بحاول اني امشي حتى لو نص ساعه ....

لاني ابا اربي وايلس في البيت تعبت من هل الدوام الارف ... والمشكله اني حاطه اجازتي لبعدين يعني اضمها مع اجازة الوضع واقر اشوي في البيت ارضع البيبي ان شاء الله ولا اقصر في الرضاعه ....

الله يعينا يا رب ^__^

ام وردييييييية
صار لي 4 ايام في التاسع والالام بدت بنهاية الثامن
يعني بطول في التاسع والله بولد بنصه ؟؟

الله يسهل ياقـلبي الله يسهــل

والله انا الحين ثـقلت وآيد واحس اني شوي واطيح على ويهي .. كل يوم يمكن ربع ساعه امشي بالحووش هههههههه .. شسوي ..

تحيآتي ..

روززز ايه المشي زين عشان تسهيل الولادة
وان شاءا لله كلنا تكون ولادتنا سهلة ميسرة
وتفتكين من الدوام والله يكون في عونج
في بداية شهوري كنت اشتغل ولما صرت بالخامس طلعت
لانه وايد تعب الصراحة

ام ورررررية
الله يكون في عونج احنا واحد
وذابحنا الثقل شلون انتي اثنين
الله يساعدج حبي

كنانه شوفي هذا الشهر لازم الوحده تحس بألام كل الحريـم ..

وانتي اذا الله سـهل ممكن تولدين نص السابع او قبل نص السابع بشووي .. انا معطيني موعد ولاده 20 -9

ويمكن اولد 19 او 18 او 21 او 22 .. عرفتي ممكن انتي تولدين متأخر او تولديـن مبجـر

شوفي اغلب الحريم يولدون مبـجر .. عاد انتي وحظج بس قليل من الحريـم الي يولدون بعيد عن موعدهم ..

عرفتي شلون .. بس شوفي الولاده جدا تجربه حلوه .. وانا الحمدالله كل بعيالي ولاده طبيبعيه الحمدالله انشاء الله دوم .. ولجميع الحوامل ..

اي سؤال انا حآظره ..

وحبيت اقول لكم على شغله في كتاب مكتوب فيها علامات الولاده .. اشتروا انا ماعندي بس يقولون بينفع .. ؟

مآدري والله ..

طيب ام ورررردية
في حريم ما يحسون بالالام ولا شي
انا خاطري اولد قبل موعدي باسبوع مثلا
شنو تنصحين اسوي ؟

اممم ..

اذا انتي جد مستعـيله ..

خل يسون لج طلق صناعي او عمليه قصـريه ..
الي مايحسون بألم يمكن مو نايمين عدل او مو ماكلين عدل ايام الحمـل عرفـتي او مهتمين وايد في موضوع الولاده ..

تحيآتي ..