تجمع حوامل الشهر التاسع - فقط

سنيوريتا الله يعينج الصراحة بس ان شالله تربين قبل وطبيعي بدون اي تدخل من الدكتورة


شوفي الخروع يقولون يفيد وقت الطلق بس انا مستحيل اجازف واشربه وقت الطلق تدرين ليش ...

لأنه بيبهدلني مغص والله يستر من الاسهال ومب حلوة فشله فضحية

فيوم ولدي شربته ماكان فيني شي .. وبعد ما سوا لي مغص يذبح واسهال بدت عندي آلام الولادة وانفتح الماي
ترا مغصه لا يطاااااااق تحسين نفسج تربين من الآلم

مظلومة .. الله يعيننا على هالعيال ولدي عمره 3 سنوات .. بس مطلع لي قرون والله ..

اليوم فيني اوجاع خفيفة لكن شكلها بتكون صديقتنا طول الشهر التاسع يعني شي لابد منه

بس ياجماعة ذابحني ضيق النفس .. والله احس انه الاكسجين خلص من حولي .. اتعب ماقدر اتنفس وجسمي كله خمول .. ياربي قمت اخاف .. انا ادري هالشي عادي في نص فترات الحمل .. بس الحين المفروض البيبي نزل في الحوض فيخف الضغط على الصدر .. لكن انا العكس هلكت من ضيق النفس ... :(

اقووول بنات امس سالت وحده خبيره بالاعشااب اقول لها عطيني وصفه تحمي الطلق تقول اغلي
تمر شقر ورشاد بمويه وبعدين اشررربيه وهو دافي مو حار لانه يحمى الطلق على طول باذن الله جربيه ياسنوريتا وكل البنات اللي بالا خر

سحر2005;6210509:
اقووول بنات امس سالت وحده خبيره بالاعشااب اقول لها عطيني وصفه تحمي الطلق تقول اغلي
تمر شقر ورشاد بمويه وبعدين اشررربيه وهو دافي مو حار لانه يحمى الطلق على طول باذن الله جربيه ياسنوريتا وكل البنات اللي بالا خر

حبيبتي سحر يعني شنو تمر شقر؟؟ ما فهمت:o

و طبعا هذا نشربه وقت يجي الطلق صح؟؟
متى يجي ونولد ونرتاح من هالثقل:eek:

مادري شو يعني تمر شقر .. لكن سؤال بتتحملون طعمه؟؟

ترا والله انتبهوا الوحدة وقت الطلق او بدايته ما تتحمل لوعة او شي طعمه مب حلو ..

لأنه في حريم من الله يتمون يرجعون .. بصراحة انا القرفه كارهه ريحتها وطعمها عشان جي احس مستحيل اشربها بروحها.. ممكن اغليها مع حليب .. لأني مب ناقصه لوعة ..

انزين شرايكم تمشون اكثر من مرة في اليوم ؟؟ والله لو ظروفي تساعد كنت مشيت لكن تخيلوا ساعة وحدة ماحصل فرصه عشان امشي :(

احس امشوا على 3 مرات .. شوي شوي يا انه بتنزل علامة الدم او الماي او يزيد الطلق انا فيني آلام من الصبح ذبحتني صح محتمله لكن تعكر المزاج وتهد الحيل وتخلص الطاقه

مظلومه;6211244:
حبيبتي سحر يعني شنو تمر شقر؟؟ ما فهمت:o

و طبعا هذا نشربه وقت يجي الطلق صح؟؟
متى يجي ونولد ونرتاح من هالثقل:eek:

عيون بوظبي;6211318:
مادري شو يعني تمر شقر .. لكن سؤال بتتحملون طعمه؟؟

ترا والله انتبهوا الوحدة وقت الطلق او بدايته ما تتحمل لوعة او شي طعمه مب حلو ..

لأنه في حريم من الله يتمون يرجعون .. بصراحة انا القرفه كارهه ريحتها وطعمها عشان جي احس مستحيل اشربها بروحها.. ممكن اغليها مع حليب .. لأني مب ناقصه لوعة ..

انزين شرايكم تمشون اكثر من مرة في اليوم ؟؟ والله لو ظروفي تساعد كنت مشيت لكن تخيلوا ساعة وحدة ماحصل فرصه عشان امشي :(

احس امشوا على 3 مرات .. شوي شوي يا انه بتنزل علامة الدم او الماي او يزيد الطلق انا فيني آلام من الصبح ذبحتني صح محتمله لكن تعكر المزاج وتهد الحيل وتخلص الطاقه

مظلومه انتى باي اسبوع من الحمل؟؟

بنااااات متردده اشرب زيت الخروع ولا لا؟؟؟؟؟؟
وهل زيت الخروع يعجل الولاده؟؟؟

هلا بنات صامدين لين الحين !!
الله يسهل علنا وعليكم انشاء الله ..

بنات اليوم كان عندي موعد بمستشفى الولاده وااااااااااااااااي ذبحوني ذبحوني من القهر رفعوا ضغطي اكيد البنات القطريات يعرفون شلون عيادة المستشفى الولاده شلون !! :mad:
اقول لكم شو سووا لي اولا احنا معروف ان ما في مواعيد قريبه بالمستشفى يعني يذلونا ذل لين ما يعطوني موعد المهم باخر موعد قلت للدكتور ان ما عندي موعد قال لي انتي تعالي الاسبوع الجاي بدون موعد واخذي رقم على الويتنج ليست قلت اوكي وبروح من بدري والله بيسهل واليوم المفروض يكون موعدي المهم رحت من بدري العياده تبتدي من 4 وانا عندهم من 3 على ما اجوا الموضفات وجيه ولما قلت لهم الا تكلمني بأحتقار وتقول لي مافي ويتنج ليست خلاص كنسلنا هالنظام !!!
شوووووووووووووو كنسلتوا اوكي انا مكلمه الدكتور وانا بالتاسع يعني لازم ادخل الا تقول لي يعني شاسوي لج انا قلت لج ما عندنا وصدت عني .. قلت لها بطيب اوكي متى اقرب موعد الا تقول لي 20 - 7 تخيلووا بعد موعد ولادتي بشهر يعني .. قلت لها انا موعد ولادتي ب20 - 6 شلون تعطيني موعد 20 -7 الا تقول لي انتي شكلج رايقه وانا عندي شغل روحي كلمي الدكتور دايركت ..
قهرتني قهرتني بناااات سكت عنها وقعدت انطر الدكتور انا الدكتور يعرفني الان زوجي طبيب ويعرفه المهم قلت له الا يقول مو مشكله ياماما انتظري لين 6 ونص وبعدها بدخلك ..
قلت له شو يعني لين 6 ونص دكتور انا صار لي ساعه انتظر وانا طالعه من الشغل وجيت على طول هنيه وتبيني انتظر لين 6 ونص !! الا يقول انتظري يا ماما هذا اهم .. عاد انا وصلت حدي وقلت له خلاص دكتور انا ما ابي اشوفك ما ابي بس عطني اجازه وعقب الهواش قال لي اوكي تفضلي خلاص ودخلني وطمني على البنوته وقال لي ان كل شي تمام الحمد الله بس شالفايده حرقوا قلبي ..

اهم شي الحين خلصت وعطاني اجازه اسبوووع :D:D

بنات شو هاي زيت الخروع !! وبعدين ماله اثار جانبيه !!
بصراحه انا اخاف اشرب هالاشياء

الله يعينك بنرنسيسه والله اكره الانتظاااار بالمستشفيات الله يعينكميارب وتولدين وتفتكين منهم وماتطبين المستشفيات ابد

فديتج سحر ربي يسمع منج حبوبه ..

هلا برنسيسة والله كلنا نعاني من الانتظار
انا سرت اكره اراجع من الشغلة دي

عيون انا شربت الخروع يومين بس متفرقة
دبحني مغص بدون فايدة ما ولدت

سنوريتا تسلمين يا الغالية انا الحمد لله
طبعا لابد من المزاج العكر ما بين الساعة والثانية
والله يعين بناتي علية لانو ينقلب مزاجي علية

بنات يوم الاربعاء مع بنتي حفلة بروضة ومصرة اني
اروح معاها وانا خايفة اتعب هنااااك ما رايكم اروح ولا لا
قلبي يعورني علية تبيني اروح وملزمة علي تبيني اشوفها
وهي تنشد في الحفلة...............؟؟

ام نمير حبيبتي روحي حراام البنوته ينكسر خاطرها روحي شوفيها وارجعي يعني لا تطولين كلمي المشرفه مالتها واسأليها متى بتنشد بنتج وروحي على هالوقت ..

فديتهم البنات يكونون حساسين وااايد لا تكسرين بخاطرها ..
الله يخليهم لج حبوبه ..

مثل ما قالت الاختPrincess qtr روحي على الوقت الي بتنشد فيه بنتج يا ام نمير ولا تكسرين بخاطرها
الله يوفقج

Princess qtr الله يعينج ويعينا على عيادة المستشفى الولاده ما عندهم سالفه غير رفع الضغط خيتو بينا فرق بسيط انا موعد ولادتي 14/6
تسلمين حبيبتي سنيوريتا22 اتصدقين قالوا لي انه من الجماع والماي كان المني

عيون بوظبي حبيبتي كثري من السلطات + البرتقال تراه واايد مفيد حق الامساك وانصحج اول ما تقومين على الريق اشربي عصير برتقال وشوفي ايش بصير

فديتج صادقة الاحساس .. السلطة كل يوم اكل صحن على الغدا .. والبرتقال صدقج حلو بس الله يعين على الحموضة ..

انا والله تعبت ..تدرون اني من اول امس في الليل انا اعاني من آلام..

وامس عاد بالذات من الصبح.. طول اليوم وانا اعاني من آلام قوية في الظهر و شد كامل على ريلي اليسار من غير الم المنطقة الحساسة ..

كسرني هالألم فعلاً نفس الم الدورة بالضبط واشد شوي .. والحين مستمر عندي الالم في ظهري .. بطني اخف شوي

والله هالألم يهلك ويخسر طاقة .. ومابا اروح المستشفى عالفاضي واتفشل بالذات انها بعيدة عننا

سحر2005;6211400:
مظلومه انتى باي اسبوع من الحمل؟؟

حبيبتي سحر انا الحين 37 اسبوع و 3 ايام يعني صار لي 3 ايام من دخلت اسبوع 38 صرنا نحسب الدقايق مو بس الأيام:ss:

لكن ذابحتني الآلام خصوصا الفخذ اليمين و احس يا الله اقوم من الأرض:(

كروشات امس سمعت من وحده انه اول ما يبتدي الطلق عند الوحده زين تتدهن بزيت يعني هي تقول خلت زيت في الماي و تطهرت به اما امها فحطت الزيت بقطنه ودهنت به داخل (اكيد فاهمين علي) وتقول بسرعه ولدوا يحمي الطلق يعني

سألتها اي نوع من الزيت ؟ قالت اي شي تقول هي استخدمت زيت زيتون لكن اذا عيون بو ظبي تقول زيت الخروع زين فأنا ان شاء الله بجرب زيت الخروع احسن من اشربه يسبب لنا اسهال فضيحه وقت الولاده