تجمع حوامل الثلاث الشهور الوسطى4 - 5 - 6

joojoo.sweet;6277001:
‏rona_mo7a, ‏حروف القلب, ‏مر الأيام

أخبااااركم بنوتاااااااااااااات أخبار البيبيااااااااااااات ؟؟

ام احلى محمود;6276266:
هلا هلا بالغلا كله هلا بملوذه

ام احلى محمود;6276309:
الله يطمن قلبج دوم يا ربي (f)(f)(f)
امممم يجيج ارق بالليل ؟؟ انا ساعات يمسكني ارق ما انام طول الليل و اذا بين الصبح تييني النوده و ابي ارقد .. خخخخخ عناد:D

و انشاء الله ندخل التاسع و نقوم بالسلامه يا رب ..

fashion girl;6276317:
مشكوووووره ملووووذه ريحتيني والله.. كنت ابا اصور الكيما و المقادير حق البنات.. تسلمين الغاليه
انا اسوي نفس الشي اللهم انا ازيد كميه البهارات و اضيف البزار و الكركم و الكمون و الفلفل الاسود و بهارات الكيما... و اقطع بطاط و اقليه و اضيفه.... و احط ملعقتين صوص طماط الي يكون حق البولونيز.... و يم يم

fashion girl;6276346:
برب.. عندي موعد في المستشفى :) ان شاء ارجع فرحانه يارب

fashion girl;6271691:
هلا ملوذه... شحالج؟؟؟ والله خايفه باجر موعدي.. ان شاء الله كل شي يكون بخير يارب

ماروم اقرا الردود الجديمه احس وايد خخخخخخ

في شي يديد استوا اليوم؟؟؟

حرف_عنيد;6274225:
هلا خواتي سوري اليوم اشوي انشغلت عنكم فديتكم

هلا ام سويرة صبحج الله بطاعة الرحمن

سلمكم الله البارحة كان عندي موعد بالمستشفى وهذا اول موعد معاهم الدكتورة الحلوة لازم كانت تعطيني ورقة التصوير بس ما عطتني لما دخلت عليها قالت لي ليش مب امسوية التصوير خلاص مب لازم انا تضايقت شو مب لازم ابي اطمان على المشيمة خاصة انا اخر مرة كانت نازلة فقالت بسمع دقات القلب وبنشوف اذا كان اوكي خلاص مب لازم المهم لما سمعت ما قدرت تسمع بوضوح اشوفها بنفسها راحت بسرعة علشان يسوون لي التصوير بس انا ما خفت لاني احس بالياهل وكانت بنوتي فوق واحس فيها المهم سوا لي التصوير والحمد لله كل شي اوكي وحجم البيبي اوكي والماي الجنين اوكي ولله الحمد طلع ما فيني لا سكر ولا ضغط والمشيمة الحمد لله ارتفعت يعني لله الحمد كل شي اوكي بس جدمت موعد ولادتي انا بالمستشفى الخاص كانوا اخر مرة جدموا الموعد لين 23/9 والحين هذي اتقول لي انتي مب 24 اسبوع لا انتي 25 اسبوع يعني موعد الولادة بيكون باذن الله في 25/9 قلت يعني جريب مثل ما قالوا المستشفى الخاص قالت لي صح والسهالة من الله

ادري اني قرقا وحشرتكم بس احب اسولف معاكم

حرف_عنيد;6274485:
بسالكم خواتي انا اكثر من مرة قريت انا الحرمة الحامل يطلع لها حليب مع بداية الخامس يمكن

بس انا ما طلع لي شي لحد الحين ولا حتى اختي في كل حملها بس اختي ما صار فيها حليب عدل علشان اترضع اعيالها

يعني هل هالشي راح ياثر ولا حسب طبيعة الجسم

عيون الغلا2;6275353:
هلا بنات .. حبيت اكون وياكم ..

هذا حملي الاول بعد تسقيط ..

في الحمله الاولى .. للاسف في اخر اسبوع من الرابع انفتح الرحم وطاح ماي البيبي علي وتم 3 ايام فيني طلق مت والله ... ( الحمد لله على كل حال )


الحين انا سويت ربط ...

وان الحين في الخامس وكل شي تمام من اسبوع ونص البيبي تحرك :) وايد مستانسه .. شي والله



احبكم =)

ملاذ الطير 79;6277264:
يا ربي كتبت رد اشطوله وعرضه لرونا والمنتدى اخر شي عطاني ايرور :confused::mad::confused::mad: ما اقدر ارجع اعيده الحين

joojoo.sweet;6277486:
أنا مثلك مسوية ربط ... أبسأل كيف وضع حركتك وسفراتك يعني عادي تروحين وتجين ولا كيف ؟؟ ومتى سوهااا لك ؟؟

joojoo.sweet;6277539:
الله يعينك ... أنا تبت لانها صارت فيني صرت أسوي نسخ قبل لاأرسل .. عشان لو طلع أيرور أسوي نسخ وتضبط أموري

عيون الغلا2;6277852:
انا بكره عندي سونار ..

ان شاء الله يبين الي في بطني :)

انا حاسه ولد ..

الي سقطته من قبل كان ولد

أم الجادل;6277903:
سلام عليكم ياكروشاااات ..

شخباركم مع الحمل ان شاء الله طيبين ..

أمممم ..


ممكن تقبلوني بينكم اليوم يومي الأول من شهـري الـــرابـــع


وتمنياتي لكم بتوفيق ...

.
.


مودتي ...