السلام عليكم ورحمة الله وبركاته
شحاالكم خواتي ؟؟؟ جمعه مباركه على الكل ...
مشكووووره كل وحده سألت عني ...
ملااااذ هلا والله ... الله يعين يااارب ... انتي شحاالج وشو البيبي ؟؟؟
رووونا هلا حبيبتي إزيك ؟؟؟ أنا الحمدلله كويسه ...
بقولكم شو صار وياي أمس .. كنت نايمه العصر ويوم قمت من النوم ولا .... ماي ينزل مني ... وااايد خفت بس أبدا ما كنت أحس بأي ألم ... وتميت أحاتي وأفكر ... وقلت ان شاء الله ما علي شر ولا على البيبي .... المهم كلمت أخت ريلي وقلتلها ... جان يصير ويهها ... قالتلي عن يكون البيبي فيه شي ... المهم خلاص انا الشيطان ركب راسي وتميت أحاتي .... واتصلت اكثر من مره على عيادة دكتورتي عشان أسألها لكن لا مجيب .... وخذت من الاستعلامات أرقام عيادات ثانيه بس عشان أسأل بالتيلفون ... المهم بعد ما تلفت أعصابي من الانتظار أخيرا حصلت دكتوره ... وقلتلها اللي صار وقالتلي الحين تروحين المستشفى .. وانا ميته من الخووف والله كنت شوي وبجلبها مناحه بس مسكت نفسي .... واتصلت بريلي ويا بسرعه ورحنا مستشفى قريب منا أول مره أدخله ... وبعد تميت فتره وانا أتريا .... المهم قلت حق الممرضه اللي صار ... وبعدين راحت شوي ورجعت بالجهاز اللي فيه حزام ما عرف شو اسمه اللي منه يشوفون نبض البيبي واذا كان في طلق ....
المهم ركبولي اياه ... وبعد شوي يت الدكتوره وقلتلها .... وقالت تحسين بألم ؟؟؟... قصدها ألم مثل ألم الطلق ... قلتلها لا بس ألم الظهر العادي ... وأنا هالوقت كله ميته من الخوف وقلبي يرقع ... قالتلي نبضات البيبي طبيعيه ..
وقاستلي من تحت اذا مفتوح عنق الرحم والحمدلله طلع مب مفتوح ... وأخيرا الحمدلله ألف مره طمنتني .. وقالتلي ساعات البيبي يتحرك حركه قويه وهالحركه تمزق الغشاء اللي حواليه فينزل شوية ماي ... قالت اذا الماي كان قليل ان شاء الله ما في خوف بس اذا كمية الماي كانت كبيره يعني ينزل لريولج هني الخوف ... وقلتلها انزين الثقب اللي صار كيف يلتأم ؟؟؟ قالتلي بنفسه ... بس لازم رااااااحه تامه .... قالتلي لا تتحركين ويوم بتمشين امشي شوي شوي ... وخلال 24 ساعه اذا ما رد ينزل ماي مرة ثانيه ان شاء الله ما علي شر ولا على البيبي ... المهم الحمدلله وااااااايد اطمنت وارتحت لاني جد كنت وااايد أحاتي وكله على بالي بيقولولي ولاده ... وانا اليوم أدخل الثامن ... ادعولي ان ما يصير شي علي بعد ... والساعه 6 ونص المسا بكون كملت 24 ساعه ...
طولت عليكم اسمحولي ...