ام احلى محمود;6229547:
صباح الخير بنات شخباركم و شخبار بيبياتكم عساكم بخير يا ربي الله يوفقكم ..
بنات بغيت ابشركم عن موعدي الروتيني امس كان اوكي قالو لي ان حجم البيبي اوكي و المشيمه مكانها اوكي و سمعوني نبض البيبي بس ما سوو لي سونار اليوم انشاء الله العصر راح اسوي بخاص و راح ابشركم عشان اعرف نوع البيبي انا شاكه انه ولد و متاكده يمكن بعد ..
عاد امس يوم الدكتوره تبي تسمع النبض فتحت عينها اقول لها اش صاير تقول لي ما في نبض ..
آنه هني وقف قلبي خلاص كنت ببكي الا شوي الا تقول لا لحظه و تحرك بالسماعه اللي تطع صوت النبض تدور تدور الا تقول لي شكله ولد لانه شيطان و حركته وايد ماشاء الله عليه اروح له مني يشرد مناك خخخخخ و عقب سمعتني نبضه و تقول لي الله يعينج للحين ما طلع و حركي الله يعينج لا طلع..
آنه عاد بقلبي اقول لا اله الا الله ماشاء الله اللهم صلي على محمد عن الحسد اخاف يصير بالياهل شي كل شوي و تقول لي يتحرك وايد..
و اليوم المغرب انشاء الله راح ادخل اقول لكم شنهو جنس البيبي..
رغم اني متأكده انه ولد خخخخخ كل المؤشرات تقول ولد رغم ان بالجدول الصيني طلع بنت فأنا ما أأمن بالخرافات و الله اش دخل عمري و شهر التبويض بجنس البيبي ..
بس يالله .. كل شي من رب العالمين نعمه ..
بالنسبه للحبوب اللي كنت اخذها اللي حق القولون سألت الدكتوره عنها و قالت لي اذا رحتي سويتي سونار خل يكشفون لج عن الاماكن الحساسه كلها الوجه و الأعضاء التناسليه عشان يشوفون لج لا قدر الله اذا في تشوه او شي يبان ...
الله يستر .. دعواتكم لي بنات..
ان شاءالله ما فيه الا الخير ياااااااااااااارب وهاذيلا الدكاترة صج احيانا يخوفون الواحد الله يهديهم بس ،، وان شاءالله اليوم اطمنج الدكتورة عالبيبي وترجعين مستانسة وتبشرينا :) وان شاءالله الحبوب ما تكون اثرت فيه فديته :)