تجمع حوامل الثلاث الشهور الوسطى4 - 5 - 6

الله يعافيج ملاذ والله الحين من اسبوع كله طايحه فالكوافي واليوم فالجبس الله يعين من السمنه

الكل يضحك علي يقولولي خشمج استوه كبير خخخخخخ ..فجي اليوم ما رحت الموعد اخاف يقولولي فيج وفيج خلني اتهنى شوي وعقب بنظم الاكل

الحب الكبيــر.. شخبارج غناتي عساج بخير ..

الا بسألكم انتو تاخذون ثياب البيبي من نيو بورن والا اكس سمول..

لانه في فرق كبير.. احس نيوبورن وااايد كبير .. فجي اليوم اطلعت الثياب ونتبهت..

ملاذ.... انتي شراتي بالضبط.. والله مابا اجوووف حد و لا ابا اسوووولف.... انقهر بسرعه بعد خخخخخخخ

ان شاء الله بصور كمن شي و بحطهم....

المولعانيه.. خذي 0-3 احسن شي... و بعدين على ال9 بتعرفين اذا البيبي دبدوب او ضعيف :) و بتعرفين شو تاخذين حق اول اسبوعين,,, بس بعد الاسبوعين يكبرون البيبيات...

بنات مين تقدر تحسبلي موعد ولااااادتي


؟؟

المولعانيه;6212550:
الحب الكبيــر.. شخبارج غناتي عساج بخير ..

هلا والله الحمدلله انا بخير انتي شخبارج مع الثقل ان شاء الله تمام الله يعينا بس انا احيانا ماقدر امشي لمده طويله يجيني الم.. وغير آلام لرجولي والانتفاخ..

المولعانيه;6212568:
الا بسألكم انتو تاخذون ثياب البيبي من نيو بورن والا اكس سمول..

لانه في فرق كبير.. احس نيوبورن وااايد كبير .. فجي اليوم اطلعت الثياب ونتبهت..

المولعانيه انا خذيت نيو بورن بس كم حبه ماكثرت حق اول ايام من الولاده اما الافضل تاخذين 0-3 عشان في مجال يتهنى البيبي فيه ويلبسه كم مره حتى لو كان كبير عليه عادي اهم شي مايضايقه بس..

حبيبهـ زوجها;6212826:
بنات مين تقدر تحسبلي موعد ولااااادتي


؟؟

هلا والله حبيبه زوجها اكيد نقدر نحسب لج بس عطينا تاريخ اخر دوره لج وبالميلادي.. وان شاء الله نحسب لج غاليه والطلب رخيص..(f)

المولعانيه;6212541:
الله يعافيج ملاذ والله الحين من اسبوع كله طايحه فالكوافي واليوم فالجبس الله يعين من السمنه

الكل يضحك علي يقولولي خشمج استوه كبير خخخخخخ ..فجي اليوم ما رحت الموعد اخاف يقولولي فيج وفيج خلني اتهنى شوي وعقب بنظم الاكل

انا السكريات مبتعده عنها عالآخررررر وخصوصا الكوفي ابد ما اطيقه بكل حملة لي سبحان الله :) وانا لو تشوفين خشمي شو صاير عقولة ريلي صاير مدخنة خخخخخخخخخخخ وايد كبران وانا بعدي بدخل الخامس ان شاءالله :D

المولعانيه;6212568:
الا بسألكم انتو تاخذون ثياب البيبي من نيو بورن والا اكس سمول..

لانه في فرق كبير.. احس نيوبورن وااايد كبير .. فجي اليوم اطلعت الثياب ونتبهت..

شوفي انا مرت خالي مربية توها من فترة وكله شارية من 0-3 وشرت يمكن نيو بورن يمكن 3 بدلات وحرام بنتها طلعت ضعيفووووووووونة 2 كيلو وشوي والله ضحك يوم تلبسها تحسين مختفية البنت لا تطلع لا ايدها ولا ريولها ولا شي :21_131:وبعدين اضطر ابوها يروح يشتريلها ،، انتي شوفي نفسج لحد الشهر التاسع اذا الي في بطنج اقل من 3 كيلو يبالج نيو بورن عالاقل حق طول الاسبوع اما اذا فوق ال 3 كيلو لا ماشاءالله يكفيهم من 0-3 :)

fashion girl;6212634:
ملاذ.... انتي شراتي بالضبط.. والله مابا اجوووف حد و لا ابا اسوووولف.... انقهر بسرعه بعد خخخخخخخ

ان شاء الله بصور كمن شي و بحطهم....

المولعانيه.. خذي 0-3 احسن شي... و بعدين على ال9 بتعرفين اذا البيبي دبدوب او ضعيف :) و بتعرفين شو تاخذين حق اول اسبوعين,,, بس بعد الاسبوعين يكبرون البيبيات...

هيه والله يا فشونه الحين طلعت من البيت رحت اضرب ابرتي ومتعودة اروح اتعشى عند اهلي حتى ريلي متعود بس من كم يوم كله اقوله رجعني البيت يقولو شفيج اقوله ما ابي حد بقعد في بيتي احسن لي :confused: بس الحمدالله على كل حال ،،

ونحن ناطرين الصور على احر من الجمرررررر بس خبريني من اي محلات جهزتي قاعدة اخذ فكرة واسجل في نوتة صغيرة عشان كل شوي اروح اشوف اغراض المحلات واخر شي اقرر الي يعيبني:D

حبيبهـ زوجها;6212826:
بنات مين تقدر تحسبلي موعد ولااااادتي


؟؟

افاااااااا عليج من عيوني بس عطينا مثل ما قالت لج اختي الحب الكبير تاريخ اخر دورة بالميلادي ومن عيونا :) واذا تبين شريط الحمل حاضرين للطيبين :)

المشكله اني ماعرف للميلااادي
بعطيكم بالهجري

28/ 10/ 1427

وبلييييييييييز ابي شريط حمل

هلا ملاذ... رحت صورت كمن شي و ان شاء الله بحطهم...

انا خذت من مذركير و اتج اند ام و ماركس اند سبنسر .... عندهم قطن روووووعه ناااااعم
انتي متى ناويه تجهزين حق البيبي ان شاء الله؟ :)

حبيبهـ زوجها;6213499:
المشكله اني ماعرف للميلااادي
بعطيكم بالهجري

28/ 10/ 1427

وبلييييييييييز ابي شريط حمل

حاولت احول التاريخ لانه الشريط لازن يباله التاريخ بالميلادي وطلعلي تاريخ اخر دورة 20/11
وان شاءالله يكون صح والحين اسويلج الشريط :) تاريخ ولادتج بإذنه 26 أغسطس 2008

وهذا الشريط الحمل :) سويت لج اكثر من واحد

fashion girl;6213583:
هلا ملاذ... رحت صورت كمن شي و ان شاء الله بحطهم...

انا خذت من مذركير و اتج اند ام و ماركس اند سبنسر .... عندهم قطن روووووعه ناااااعم
انتي متى ناويه تجهزين حق البيبي ان شاء الله؟ :)

زين ماشاءالله بالبركة فديتج عليج وعليه فديته وخلاص نحن ناطرين الصور :) وصج خالتي مدحتلي وايد قطن مذركير وخصوصا الملابس الداخلية مال الاطفال ،، ان شاءالله باخذ منهم بعد ،، وانا ان شاءالله الله يسلمج ببدي اجهز قولي اخر الخامس بإذنه :)

حبيبهـ زوجها;6213499:
المشكله اني ماعرف للميلااادي
بعطيكم بالهجري

28/ 10/ 1427

وبلييييييييييز ابي شريط حمل

اختي انتي متأكدة انه سنة 1427 ؟؟؟ لانه نحن 1429 يعني صارلج سنة وشوي:ss: اتوقع تقصدين 1428 لانه انا حسبته على هالاساس وبعد المفروض يتغير التاريخ تأكدي وخبريني :ss:

ملاذ الطير 79;6213769:
اختي انتي متأكدة انه سنة 1427 ؟؟؟ لانه نحن 1429 يعني صارلج سنة وشوي:ss: اتوقع تقصدين 1428 لانه انا حسبته على هالاساس وبعد المفروض يتغير التاريخ تأكدي وخبريني :ss:

خخخخخخخخخخخخخخخخخخخخخخخخخخخخ فطستيني من الضحك:tongue:

اونه سنه وشوي:D

عيديلي الحساب حبيبتي انا آخر دوره لي انتهت يوم 5/11/ 1427هـ


لان في شهر 12 شعبان اخلص الشهر التاسع

يعني شلون اولد بـ25 شعبان يعني بالشهر العاشر ؟؟


وآآآآآآآآآآآآآآآسفه تعبتك معاااااااااااااااااي
ومشكوووره عالصووووووووووور روووووووووووووووعه

fashion girl;6213789:
خخخخخخخخخخخخخخخخخخخخخخخخخخخخ فطستيني من الضحك:tongue:

اونه سنه وشوي:D

خخخخخخخخخخخ :tongue: صدق والله مشكلتنا من خلصنا مدارس ما تعرف التاريخ بالهجري والحين يوم فتحت الجريدة شفت تاريخ اليوم 28/جمادي الاول/1429 عشان جي استغربت فرق من 1427 و 1428 وما يندرى الحرمة كتبت صح ولا غلط :ss: