تجمع حوامل الثلاث الشهور الأولى1-2-3

هـايدي;6529023:
امل حبيبتي مثل ماقلتي اهم شي ان الجنين بخير ولله الحمد

يارب يثبت حملك ويفرحك بشوفه اللهم آمين

HayooonA;6541875:
مرحبا بنات....اسمعوني زين واللي تعرف ترد علي....

انا من دخلت الاسبوع العاشر وبدا معي الاستفراغ،،،الى درجه ان حتى الماي ارجعه ...مايبقى شي في بطني...صار لي على هالحال يومين وبعدها حسيت نفسي مااقدر اتحمل ...رحت لدكتورتي اللي دايم اروح لها واثق فيها،،،ويوم قاست ضغطي شافته مره نازل وعرفت انه بسبب الاستفراغ المتكرر....وقالت لي ...انتبهوا على كلامي....في ابره عباره عن فيتامين ب وشي ثاني مااذكره اخذها يوم بعد يوم....في العضل...وعطتني حبوب نوعين...واحد اكل منه حبتين بعد الفطور...وواحد اكل منه حبه قبل الفطور وحبه قبل العشاء...وانا متردده في الابره خذتها مرتين والحين قلت خلني اسأل البنات يمكن في واحده منكم مرت عليها هالحاله....هل الابره عادي والال اوقفها

ميرة قطر;6542108:

[frame="2 70"]مرحبا كروشات شخباركم ؟؟؟[/frame]

[frame="2 70"]

باركووووووولي توني محلله من يومين وإكتشفت إني حامل بالشهر الاول

والدكتورة قالت لي اني لازم أشوفها بعد اسبوعين عشان يكون في نبض في

الجنين .......

سؤالـــــــــــــــــــي كروشات : الجنين متى يبتدي النبض فيه ...

وبعد أحس بألم في أخر منطقة البطن هل هذا طبيعي ؟؟؟

والله يتمم لكل الحوامل على خير ....:15:.... إدعولي .....:15:.....

[/frame]

بعيدةالمنال;6543633:
هلا كروشات البارحه سويت التراساوند قالولي بيبي ما بين قالولي بشوفه عقب اسبوعين ادعولي يا صبايا

ميرة قطر مبروك عليج الحمل الله يثبت حملج

مدلعه نفسي انتي نفسي بس فرق يوم انا اخر دوره لي 27\5

اختي غزلان صح كلامج هذا اول حمل لي

الحمـــدلله;6545534:
السلام عليكم

انا حامل جديده معاكم

اخر دورة 2-5-2008

مين وياي بنفس التاريخ؟

~ غلا الدوحة ~;6547825:
ضموني معاكم انا اخر دورة 8 / 5

من معاي

RED EARTH;6558547:
مرحبااااا كروشات باركولي انا حامل وهذا حملي الثاني والحمدلله


فديتكم بالنسبه لسؤالج يا رشة عطر هاي اللي ما هلج خليها تحمد ربها وااااااااااايد

الوضع جدا عادي وما يخوف بسم الله ما شا الله عليها .... عادي ما اتحس بالوحام

شي حريم يترقدون في المستشفى وحالتهن حاله ... انا الحمدلله في هالحمل

ما حسيت اني حامل بس كله أحس اني أبى أرقد

طمنيها والكلام الأكيد الأكيد مب اني بس أبى أطنمنها .....


بس تبون الصدق مب عارفه متى آخر دوره هههههه بنهزب عند الدكتوره انا

دلوعة زوجها22;6558931:
مرحبا عرايس انا الحين حامل بالشهر الثالث وهذا ثالث حمال
لي ونفس الوحام الاول والثاني لوعة الصبح والام
الرأس واحس رغبه بالترجيع اول مااشوف زوجي بس نصيحتي ترى التغذيه الجيده
تخفف من اعراض الوحام وانسي انج حامل وعيشي حياتج طبيعيه لأن النفسيه لها عامل كبير وتخفف الوحام عنج والله يسهل على كل وحده انشاالله

أم فطوومي;6563777:


مرحبا شخباركم عسولات ..

أولا باركو لي حملي الثاني إن شاء الله ..

ما دريت إلا من 3 أيام تقريبا ..

ولا ادري حتى بآخر دورة ..

بس المشكلة انه ضغطي كان مرتفع شوي وبهدولني بالعيادة ..

واللحين عطوني مهلة اسبوع اني اجيك ضغطي

بشكل دوري وبعدين اتابعهم ..

أتمنى أنكم تساعدوني وتعطوني من تجاربكم عزيزاتي ..

وبالنسبة للي يرجعون وتلوع جبدهم من الصبح عندي لهم خبر حلو

وهو أنه ياكلون الموز في الصباح ..

لانه العلم اكتشف لما تاكلون موز

كأنكم تتناولون مهدئات ومحفزات وبنفس الوقت

يهدء من الترجيع بالنسبة للحوامل ..

هذا كل اللي عندي اللحين

واتمني اني استفيد وأفيد منكم يارب ..

تقبلوا أرق تحياتي ..

بعيدةالمنال;6569304:
هلا هايدي اخبارج يا الغلا مشكوره على ردج انتي في اي اسبوع

ام فطومي مبروك عليج الحمل

كروشات اخباركم وينكم انا صراحه اليوم بدا معاي الوحام تعبت وايد استفراع وغثيان الله يعيني شكلي حسدت نفس كل ما حد يسألني اقول انا ما عتدي وحام وما احس بشي حمدالله على كل شي الحمل نعمه من ربي

RED EARTH;6569584:
اهلين

الله يسهل علينا كلنا

أحس فيه رقاد مش طبيعي

خااااااااااااااااااطري أسير أرقد ومحد يأذيني

أرقد على راااااااااااااااااااحتي

والله مفتقده هالشي وااااااااايد

شمس حياته;6569639:
الللللللف مبروووووووووووووك خواتي اللي انضموا لنا و حياكم الله ..
اكيد كل وحدة غير عن الثانية في الوحام و في ناس ما تتوحم اصلا ماشاءالله بس الاغلبية بدا وياهم في الاسبوع السادس او السابع ..
بعيدة المنال الله يسهل عليج اختي حاسة فيج الله يخفف عليج يارب ..
هايدي انا بخير انتوا شخبااركم ..
انا صارلي حادث سيارة امس واحد دعمنا و لا يدري ليش و سيارتي راحت فيها سبحــــــــــان الله جنيني بخير و كل جسمي كدمات الله لا يوريكم اللي شفته نسيت اسمي و عمري و كل شي حتى ما ذكرت وين كنا سايرين ..اليوم عندي فحوصات و لاااازم راحة تاااامة بس امس قالولي ما يات ضربة على بطني..اللهم اني احمدك و استغفرك لا اله الا الله ..الله يحفظكم من كل سوء ادعولي خواتي انه الله يشافيني و يسلم جنيني . و حسبي الله و نعم الوكيل على كل مستهتر ..ديروا بالكم على انفسكم.اشوفكم على خير

ريسانة;6576206:
مساء الخير للجميع
ان توني بشهور الاولى والله يرزق كل وحده ألي تتمنه والف والف مبروك للجميع.

غزلان11;6578143:
مرحبا خواتي اشحالكم اليوم انشاءالله احسن وانشاالله خف الكسل شوي
الحمدلله الحين احس لآن الوحام خف شوي وعقبالكم يا رب
الله يثبت حملنا يا رب وننتقل لباقي شهور الحمل بأمان

So0oS;6586023:
السلام عليكم
شخباركم

:) :) الحمدلله انا حامل و توني من يومين عرفت :) و الحين انا فالاسبوع الثالث

..بس..

الدكتوره قالتلي اني في خطر لانه نزل دم شويه و احتمال اجهض
قالت ممنوع امشي كثير و اشيل ثقيل بس كيف بدير بالي عالبيت و انا ماحب الشغالات ينظفون بيتي

شو تنصحوني؟؟ الحين صيف و الكل رايح يتمشا و يسافر إلا انا محكوم عليه بالقعده فالبيت

رشـ عطر ـة;6590017:
شمس حياته الحمداللّه على سلامتج غلايه وربي يحفظج ويحفظ البيبي من كل شر اتحملي على عمرج فديتج وأهم شي الراااااحه وإن شاء الله ماعليج شر ..

أمممممم ياريت اتباركولي لأني اليوم دريت اني حامل ،، صار لي شهر ونص وتوني ادري ههههههه والحمدالله اني كاتبه عندي بداية آخر دوره لي وطنشت السالفه اليوم الصبح اشوف التاريخ قلت ويييييييييييييييييه تأخرت واااااااايد وابصراحه لأني حسيت لايعه جبدي بس مارجعت ولا شي واحس اني كله أرفاااااانه وراسي يعورني ما اعرف شو فيني وسويت تحاليل والحمدالله في حمل ومثل ماقلت من شهر ونص وهذا أول حمل لي وربي إن شاء الله يثبته ويثبت حملكن خواتي وجعلهن من الذريه الصالحه يارب ،،

أختيه me_emo قالت لي الدكتوره كيف تحسبين واتعرفين أنتي في أي اسبوع احسبي من نهاية آخر دوره لج والبعض يحسب من بداية آخر دوره لج بس الأكيد نهاية آخر دوره لج شوفي كم اسبوع مر وهذه هي الفتره اتمنى كلامي واضح عزيزتي ،،

عزيزتي hend1979 لا تحاتين فديتج وإن شاء الله خير وربي يثبته ويفرحج فيه بس كثري من الإستغفار وإذا تقرين سورة البقره بعد شي طيب وإن شاء الله خير ياقلبوووو ،،

عزيزتي So0oS ألف مبروووووووووك غلايه وربي يثبته ويفرحج بشوفته إن شاء الله ،،

B2forever;6592983:
هلا حبوبات ... انا صار لي فتره ما شتركت واحمد الله كثير اني اقدر اشارك مع الحوامل
انا الحين حامل في الأسبوع الثامن و الحمد لله انه رزقني هذا الحمل اللي انتظره بعد فتره طووووووووووويله من زواجي ( الحمد والشكر لك ي الله علي نعمك التي لا تحصى)
الله يثبته ان شاء الله وتقر فيه عيني ويثبت لكل حامل حملها

لو سمحتو حوامل انا خاطري اني احط شريط للحمل الله يجزيكم خير اللي تخبرني كيف اسويه

me_emo;6595437:
هلا يا غلا الدوحه مشكوره على ردج بس حبيبتي انا مب متأكده بعد في اي اسبوع في اخر سونار قالوا لي اني في الاسبوع 8 بس للاسف في السونار ما كان الجنين او نبضه واضح والله ما اعرف شو السالفه انا في حملي الاول قبل من اجهض نبض الجنين كان ينسمع في الاسبوع الخامس بس الظاهر ه الحمل هذا مختلف والله اني خايفه لانهم قالوا لي احتمال يكون الحمل خاراج الرحم عصوني مهلة اسبوعين وبعدين بتأكد ادعولي يا خواتي

الأماكن كلها..;6600123:
هلا بنات ان شاء الله بكون معاكم والله يثبت حملكم وحملي يارب ويرزقنا ويرزق كل محروم بالذريه الصالحه ان شاء الله