تجمع حوامل الثلاث الشهور الأولى1-2-3

السلام عليكم

خواتي الحوامل

شحالكن وشحال البيبي؟

هلا ومسهلا بالحوامل اليدد

الله يثبت حملنا ويمر شهور حملنا على خير يارب

يوم الاثنين سرت مستشفى خاص وسولي صورة وقالت لي الدكتورة إن الجنين في الأسبوع

الخامس وأنا حاطة في بالي إني دشيت الأسبوع التاسع لأنها قالت لي حملج متأخر

وخذت تحاليل دم عشان تشوف هرمون الحمل عندي عالي وإلا لا وإن شاء الله خير

مع أن آخر دورة 30 / 4 الحمدلله على كل حال أهم شي الصحة والعافية والجنين يكون بخير .

هلا اختي امل 2005 صح كلامج اهم شي صحه بيبي الله يثب حملنا آمين يارب
اختي غزلان صح كلامج اكسل تحمع يلا كروشات شو صار وياكم اتصدقون بعدني في يدايه بس خاطري اشتري اغراض يهال

السلام عليكم

شحالكم حوامل
مبروووووووووووووووووووووووووك لكل اللي انظموا إلنا وأهلا وسهلا نورتوا

شمس حياته مبرووووووووووووووووووووك خلصتي امتحانات عقبال الشهاده كم باقلج من الدراسه وشو تدرسين

ليش الشريط مال الحمل ما يعد ولا يتحرك من يوم ماحطيته ما تحرك

حتى سويته مره ثانيه وان شاء الله ما يعلق

السلام عليكم
يصير انضم وياكم
في النقاش

اني توني حامل في الشهر الاول
بس تصدقون ما اقدر اكل شي بسبب اني من اكل على طول ارجع الي اكلته شسوي واجد تعبانه

الي عندها خبره تعلمني وتفيدني ....

هلا حوامل ان شاءالله كلــــــــــــــــــــــــــكم بالف خير يا رب انا خلصت امتحاناتي الحمدلله و السمستر صار عندي A ..الحمدلله و الله الله العالم كيف كنت اعاني لا اقدر ادرس و لا اقعد في الكلاس.. امل لا تحاتين هم ادرى لو في شي لا سمح الله ما يترددون يقولون بس شكلج حملتي في الشهر اللي بعده و لا شي لانه الفرق 4 اسابيع..هايدي وينج الحمدلله على السلامة الله يبارك فيج الغالية ..انا ادرس طب اسنان و باقيلي و باقيلي هههههه محد يخلص جامعة هني لانه اول شي تدشين كلية بعدين جامعة و انا بخلص الكلية قريب باذن الله ..

و نا بعد شليته لانه ما يتحرك انا اليوم 8 اسابيع و 3 ايام و يقولي بعدني في السابع ههههههه
اي نسيت اقولكم انه امس سوولي التراساوند و البيبي كبر ماشاءالله تبارك الله ..انتو خبروني عنكم ..

الحوراء الانسيه;6528800:
السلام عليكم
يصير انضم وياكم
في النقاش

اني توني حامل في الشهر الاول
بس تصدقون ما اقدر اكل شي بسبب اني من اكل على طول ارجع الي اكلته شسوي واجد تعبانه

الي عندها خبره تعلمني وتفيدني ....

حبيبتي انا من تجربتي اني اذا اقطع الاكل بسبة اللوعه تزيد علي وااااااااااااااااااااااااااااااااااايد وما اقدر اكل اي شي بس اذا اتم كل شوي احط شي في بطني تتحسن الحال شوي لو بسكويته او مكسرات او تفاحه خضرا مع ملح وهذا هو الحال والحمدلله انتي حاولي ماتخلين بطنج فاضي سوي مثلي وبتلاحظين انج بتصيرين احسن شوي شوي والله افكر في البيبي مسكين اكيد التغذيه حقه 0% بس شو انسوي الله كريم ان شاء الله

شمس حياته;6528851:
و نا بعد شليته لانه ما يتحرك انا اليوم 8 اسابيع و 3 ايام و يقولي بعدني في السابع ههههههه
اي نسيت اقولكم انه امس سوولي التراساوند و البيبي كبر ماشاءالله تبارك الله ..انتو خبروني عنكم ..

الحمدلله الله يفرحج بشوفه يارب

انا اتريا موعديه 23-7

افكر اشتري الجهاز اللي نقدر نسمع منه نبضات قلب البيبي شو رايكم فيه اليوم اتصلت بالصيدليه قالولي بكره بيكون موجود عندهم شو رايكم هو ما يضر البيبي؟

امل حبيبتي مثل ماقلتي اهم شي ان الجنين بخير ولله الحمد

يارب يثبت حملك ويفرحك بشوفه اللهم آمين

حبيبتي انا من تجربتي اني اذا اقطع الاكل بسبة اللوعه تزيد علي وااااااااااااااااااااااااااااااااااايد وما اقدر اكل اي شي بس اذا اتم كل شوي احط شي في بطني تتحسن الحال شوي لو بسكويته او مكسرات او تفاحه خضرا مع ملح وهذا هو الحال والحمدلله انتي حاولي ماتخلين بطنج فاضي سوي مثلي وبتلاحظين انج بتصيرين احسن شوي شوي والله افكر في البيبي مسكين اكيد التغذيه حقه 0% بس شو انسوي الله كريم ان شاء الله

اي ولله لمن اكل احس أني صرت احسن وني خايفه يصير شي في البيبي من هاي الحاله

الحوراء الانسيه;6529127:
اي ولله لمن اكل احس أني صرت احسن وني خايفه يصير شي في البيبي من هاي الحاله

حاولي تشربين حليب عشان اتعوضين بصراحه نادرا اقدر اشربه ومعظم الأيام ما اتقبله و انتي حاولي دايما

هلا حوامل شخباركم

تاريخ 2/7 دشيت الاسبوع السابع وسو لي اتراساوند
وقالو لي كيس الحمل مبين بس موبين داخله شي
وعطوني موعد حق تحليل الهرمونات
هل طبيعي انه مايبن في الاسبوع السابع؟؟؟ افيدوني

امير قلبي;6529232:
هلا حوامل شخباركم

تاريخ 2/7 دشيت الاسبوع السابع وسو لي اتراساوند
وقالو لي كيس الحمل مبين بس موبين داخله شي
وعطوني موعد حق تحليل الهرمونات
هل طبيعي انه مايبن في الاسبوع السابع؟؟؟ افيدوني

هي حبيبتي عادي لا تحاتين طبيعي جدا وايد بنات مثل حالتج وبعد كم اسبوع يشوفنه اهني يمكن يكون الحمل متأخر والبيبي بعده صغير وما ينشاف بعد كم اسبوع ان شاء الله بتشوفينه

بعيدةالمنال;6518036:
هلا اختي امل 2005 صح كلامج اهم شي صحه بيبي الله يثب حملنا آمين يارب
اختي غزلان صح كلامج اكسل تحمع يلا كروشات شو صار وياكم اتصدقون بعدني في يدايه بس خاطري اشتري اغراض يهال

مرحبا كسولات سوري قصدي كروشات ههههه ..... شو اخبار الحمل وياكم انشاءالله احسن من قبل ؟؟؟

أختي بعيدة المنال أكيد هذا أول بيبي لج علشان جذية مستعيلة تبغين تشترين الاغراض من الحين لان نحنا هالدرع بس باول بيبي بس الباقين لما نوصل الشهر 7 او 8 نبدا نشتري علشان جذية انا مب مهتمة حاليا ....

هلا والله حبيباتى انا اللحين صاار حملى شهر وان شالله الله يتمم على خيير

بس حبيت استفسر انا كانت دورتى تاريخ 28/5 واريد اعرف متى موعد الولاااده بليز ردو عليه

والسمووحه

مدلعه نفسى;6538215:
هلا والله حبيباتى انا اللحين صاار حملى شهر وان شالله الله يتمم على خيير

بس حبيت استفسر انا كانت دورتى تاريخ 28/5 واريد اعرف متى موعد الولاااده بليز ردو عليه

والسمووحه

مرحبا مدلعه نفسي

شوفي حببتي انتي في الاسبوع الخامس وموعد ولادتك تقريبا في ٤ مارس ٢٠٠٩

الله يتمم عليك ويفرحك فيه

مرحبا بنات....اسمعوني زين واللي تعرف ترد علي....

انا من دخلت الاسبوع العاشر وبدا معي الاستفراغ،،،الى درجه ان حتى الماي ارجعه ...مايبقى شي في بطني...صار لي على هالحال يومين وبعدها حسيت نفسي مااقدر اتحمل ...رحت لدكتورتي اللي دايم اروح لها واثق فيها،،،ويوم قاست ضغطي شافته مره نازل وعرفت انه بسبب الاستفراغ المتكرر....وقالت لي ...انتبهوا على كلامي....في ابره عباره عن فيتامين ب وشي ثاني مااذكره اخذها يوم بعد يوم....في العضل...وعطتني حبوب نوعين...واحد اكل منه حبتين بعد الفطور...وواحد اكل منه حبه قبل الفطور وحبه قبل العشاء...وانا متردده في الابره خذتها مرتين والحين قلت خلني اسأل البنات يمكن في واحده منكم مرت عليها هالحاله....هل الابره عادي والال اوقفها

[FRAME="2 70"]مرحبا كروشات شخباركم ؟؟؟

باركووووووولي توني محلله من يومين وإكتشفت إني حامل بالشهر الاول

والدكتورة قالت لي اني لازم أشوفها بعد اسبوعين عشان يكون في نبض في

الجنين .......

سؤالـــــــــــــــــــي كروشات : الجنين متى يبتدي النبض فيه ...

وبعد أحس بألم في أخر منطقة البطن هل هذا طبيعي ؟؟؟

والله يتمم لكل الحوامل على خير ....:15:.... إدعولي .....:15:.....[/FRAME]

هلا حبيبتي تحسي بنبض الجنين في الاسبوع السادس