تجمع حوامل الثلاث الشهور الأولى1-2-3

بنات ممكن أنضم لكم؟؟
أنا توني عرفت اني حامل اخر دورة كانت في 1 مايو.. بنات أنا في أي أسبوع؟؟
بريق ملائكي وهايدي أنا بعد مثلكم مرات بسيطة بس أحس بلوعة خفيفة بس بشكل عام مرات أنسى اني حامل؟؟ وابدأ أشك في نفسي مع اني مسوية تحليل دم وتحليل منزلي ؟؟؟ ردوا علي بليز؟؟
بعد فيه شي غريب بنات أحس بنبض واضح في بطني لما أكون منسدحة؟؟ شو هذا؟؟؟

اهلا ريف ،،

تقريبا انتي نفسنا في الاسبوع الرابع ^_^،، والنبض هذا عادي وماله دخل في الحمل

السلام عليكم بنات ..تسمحولي انضم لكم انا توني ادري اني حامل بعد سنة زواج الف الحمدلله و مادري انا في اي اسبوع الحسبة ما تدخل راسي .. اخر دورة لي كانت 5/9 الشهر اللي طاف ممكن تحسبولي و تعلموني كيف ..و الــــــــف مبروووووووووووووك

بنات تونـــــي عرفت اني 3 اسابيع و 6 ايام و باجر اصير 4 اسابيع ;)

انا آخر دورة جتني بتاريخ 1-5 و اغتسلت غسل الحيض ب 6-5 فماادري انا صار لي كم اسبوع ؟

كيفكم بنات ..اليوم جايبتلكم موقع ممكن تحسبوه فية تاريخ الولادة وبعض تورايخ عن حملكم
تفضلو http://go.3roos.com/c5XmNhyoPVT

مرحبااااااااااااااااااااا

انا الحين بالاسبوع 12 بس من كم يوووم احس حراره في بطني هل هذا عادي ؟

السلاااااااااام ,, كيفكم يا حوامل ؟؟

ام العبادله تسلميييييييين يا قلبي ’’ طلع ولادتي في فبراير الجاي الله يسهل علي ’’ وعليكم ان شاء الله ’’

حبيبتي اني حامل بالثاني
اول مولودة كانت بنت وصحيح الحمل بها متعب ووااااااااااااااااااااااااايد من اول شهر كله دوخة وترجيع
بس هذه المرة انشاء الله يكون احسن

مرحبا ،،

ام رجائي الله يسمع منج ويهون علينا الوحام والحمل والولاده يا رب،، لين الحين ما نقدر نحكم على اي شئ لوول بعده الجد ما بدا بس الرقاد لاعب ملاعيبه ومن غير الالام شوي بس بالراحه تختفي الحمدلله طبعا شئ لابد منه

وارحب بالخوات اليداد اللي انضموا ويانا ^(^

هلا فيكم و مشكورة اختي endless hope ..انا كلــــــــــــــــه عندي احساس انه الدورة ياية !! و احساس قوي بالنعاس هذا غير الالام اللي في اسفل الظهر و الصدر في احد جذي؟

reef
endles hope
غرور
شمس حياته
بقايا فجر

ماشاء الله إن شاء الله كلنا ولادتنا في فبراير زين بنشد من أزر بعضنا ههههه يارب يسهل علينا ويثبتلنا حملنا اللهم آآآآآآآآآآآآآآآآآآآآآآآآآمين

شمس حياته;6253228:
هلا فيكم و مشكورة اختي endless hope ..انا كلــــــــــــــــه عندي احساس انه الدورة ياية !! و احساس قوي بالنعاس هذا غير الالام اللي في اسفل الظهر و الصدر في احد جذي؟

حبيبتي يمكن بعد أسبوع تروح عنج أعراض الدوره أنا كنت مثلك

شمس حياته،، انا مثلج الم اسفل الظهر والجانب اليمين من بطني والرقاد على راس القائمة

هايدي،، امين ويسهل عليج يا رب

شلونكم بنات شخباركم..........اني صارلي كم يوم داخلة بكأبة قوية واعصاب صرت بنهار على اقل سبب يمكن من الحمل لان قريت انه هذا بعض اعراض الحمل احيانا لكن شنو علاجه..؟؟؟

انا نفسج يا ام العبادلة كلللله معصبة ..و الشي هذا ماثر فيني لاني احس اني بحترق من الحر ..كل هذا من الهرمونات لا تخافين الحل هو اخذ نفس عميق الصراحة يساعد..الله يسهل علينا يارب

شمس حياته أم العبادله حاولوا انكم تتغلبون على هالشعور حاولوا انكم تحسون انكم فرحانين أو أي شعور حلو عشان ما يطلعون عيالكم كله معصبين

endlesss hope هلا فيج اختي ؟؟؟ بس مارديتوا علي هل عادي ان مافي لوعة وايد؟ ومافي الام الا وقت الدورة؟؟
انا بصراحة لما اخذ الفوليك اسيد الي كتبته الدكتورة احس بدوخة ولوعة ومثل صداع وشد في الراس وتتسارع ضربات القلب.. هذا طبيعي؟؟ افكر اوقف الدوا بصراحة

ام العبادله،، شمس حياته ،، كله بسبب الهرمونات اكثروا من الاستغفار :)

ريف،، من تجربتي ما بدا وياي الترجيع واللوعه الا من الشهر الثاني بس طبعا كل حمل غير عن الثاني و كل حرمه غير عن الثانيه،، عموما الشهر الاول ما تحسين فيه بالحمل والكسل والنعاس و الشعور بالاجهاد من ابسط مجهود من سمات الشهر الاول،، بس لا توقفين الدوا ابدا خذيه مثل ما وصتج الدكتورة اللي تحسين به هو من الحمل مب من الدوا

انا بعد دائما معصبة .. و اعراض الدورة دائما معاي .. و كثر حبوب الشباب في وجهي و اسم وجهي ...!! كلشي توقعي يصير لج
الحمدلله ع كل حال