نصيحه من اهل الخبره

والله يا اختي انا ما سمعت عن غازات بالرحم.. واعتقد انه افضل لك تزوري الطبيب اذا حابه تطمني على حالك لانه كلامه بيكون مبني على فحص ومعاينه طبيه وكلامه ثقه ميه بالميه .. ربي يوفقك ويكتب لك الخير ..

والله انا اضيف رأيي مع رأي اختي ريحانة واستشيري الدكتوور ويكون استشاري لامراض النسا وولادة ويارب يرزقج ويرزقنا الذرية الطيبة

ماسمعت والله عن غازات الرحم من قبل بس يمكن لو سالتي دكتورة اكيد بكون عندها فكره وبالتوفيق يارب
وربي يرزقك بالذرية يارب

اول مره اسمع فيها يا الغلا
وربي يوفقج

وانا بعد اول مره اسمع عنها

انا مثلج وحده مساده قالت عندي غازات في الرحم بس ماقالت بتعطيني شي له بس مسدتني لانها قالت هذا شي عادي من كثر الابر الي خذيتها بس انصحج تسالين دكتوره افضل والله يوفقج ويرزقج الذريه الصالحه ياكريم

يمكن انا غير عنكم

لان كان فيني غازات

وبعد المساد والتحاميل كنت احس ابها

تطلع

استشيري الطبيب حبيبتي والله يوفقك لكل خير

أولا أختي العملة النادرة ابارك لك على الزواج لاني اعتبرك عروس جديدة ، وثانيا أتوقع ان حملك ان شاء الله ما تأخر يعني 8 شهور ما تعتبر تأخير ،
الكشف عن أسباب تأخر الحمل كما أعلم بعد سنة من الزواج حيث يبدأ الزوجين بالكشف ومراجعة الطبيب ،ثالثا اشلون تروحين للمسادة وانتي أصلا مو عارفة هل تأخير الحمل بسببك او بسبب زوجك ... يعني لازم الكشف يكون للطرفين وتحت إشراف الطبيب ، ومن رأيي انك تستمتعي بزواجك وبالايام الحلوة في العام الأول وريحي بالك وكوني هادئة وتوكلي على الله سبحانه وتعالى فكل أمورنا تسير بقضائه وقدره ...

وان شاء الله يحدث حمل بدون اطباء ولا أدوية .... أتمنى لك التوفيق

اضم كلامي للتوت البري والدكتورة قالت لي ما فيه شيء اسمه تدليك لرحم فماله داعي تضروا انفسكم لأن ربي خلق الرحم ينظف نفسه بنفسه

مشكورين خواتي ريحتوني
انا ما رحت للدكتورة لان لي صديقه راحت قبل ما تكمل السنه ورفضت الدكتورة تسوي لها اي شي الا بعد سنه
بس قريت كثير عن المسادات عشان جذي رحت مع اني افضل وارتاح للاشياء المبنيه على الامور العلمية
وانا ماني مستعجله على الابناء بس زوجي وهله مستعجلين انا عن نفسي احس روحي ليحين صغيره والاطفال مسؤولية اكبر مني بس من كثر ماكل الناس يسؤلوني مافي شي في الطريج تمللت ورحت لها

استشيري الطبيب حبيبتي والله يوفقك لكل خير

البنات كفو ووفو انا من رأيهم لازم تستشيري الطبيب الله يرزقك ويرزقنا الذرية الصالحة

موفقة حبيبتي وربي يرزقنااا ويرزقش في القريب العاجل

لا تسوين شئ ما تعرفين ايش هو...في وايد مسدات دواهم غلط في غلط
وانا بصراحة أخاف من اي شئ يدخل الرحم

ربي يسهلك اختي