من تبتدي معاي .. حياكم ..

بنات انا حابه اهتم بنفسي .. و ابي ابتدي نظام للعنايه من راسي إلى ساسي هههه
نظام : __ ريجيم - شعر - بشره ...

انا بنزل النظام و اللي حابه تشارك معاي ياليت تذكر لي حتى تصير منافسه بينا و كل منا تشجع الثانيه و بعدين نفيد خواتنا بالمنتدى :-

يالله .. توكلنا على الله :-

الريجيم << بنات هذا الريجيم والله روووعه انا جربته يومين و الله نزلت كيلوين بس بعدين وقفت .. وهذا الريجيم ينزلج كيلو كل يوم ..


الأفطار ثابت طيلة الأسبوع: شاي أو قهوة بدون سكر أو ان رغبت كأسان من الماء

يومي السبت والأحد
الغذاء: قطعة لحمة بقري "ستيك" مشوية ومعاها الكثير من السلطة "الخس" وطماطم وخيار وجزر بدون زيت ولكن القليل من الملح والليمون.
العشاء صحن سلطة فقط

يومي الأثنين والثلاثاء
الغذاء: بيضتان مسلوقتان وصحن سلطة
العشاء سلطة فقط

يومي الأربعاء والخميس
الغذاء: خيارتان وعلبة صغيرة "حوالي 125 غرام" من الزبادي الخالي الدسم
العشاء خيارتان فقط

يوم الجمعة
الغذاء: تفاحة
العشاء: تفاحة


ملاحظة: لا يمكن الأكل بين الوجبات ابداً ... وان شعرتي بدوخة بسيطة وهو شعور طبيعي لنقص السكر في هذا الرجيم فيمكني اخذ ملعقة شاي صغيرة من العسل
لا يمكنك الأستمرار في هذا الرجيم بعد أنتهاء الأسبوع الأول ولكن يجب أن ترتاحي لمدة يومين ومن بعد تبدأين من جديد..

______________________________________________


البشرة:-

الوجه :- منقوع المره و المره جدا ً مفيدة للبشرة :-
ناخذ مقدار من المره و نحطة في ماي و ينقع طول الليل و بعدين ناخذ المنقوع يعني ( نشخل المره من الماي ) نفصلهم وناخذ الماي و نحطه في علبه رشاش ونخليها فالغرفة او بالحمام..
غسل الوجه بصابون طبي ترتاحين له .. و غسيل الوجه 3 مرات على الأقل لأن انتي بعملية الغسيل تمنعياً تكون الشوائب و أي ميكروبات من تتكون على البشرة .. و رشي المره مرتين مره بالنهار اي وقت من النهار و مره قبل النوم...


المقشر :- ( بإمكانج استبدال المقشر بأي مقشر تحبين ) ..
انا راح استخدم هالمقشر انا مسويته و جد حلووو ...

ملح اليوكو + زيت جنين القمح + زيت اللوز المر + جل جونسون

نستخدمه بعد مانرجع من الدوام ( الظهر يعني ) ونخليه ساعه على الجسم ..
بعد ما تمر الساعه دخلي الحمام و معاج هالخلطة : -

مقادير متساويه من كل من؛

كوكو بتر لوشنcocoa butter lotion..(بس مو حق بالمرز)
جليسرين ابيض.(من الصيدليه)
بيبي جونسون جل
شوية زيت لوز(من المعصره)
واللي عندها خطوط السليوليت البيضا في جسمها تضيف كميه من استرتش ماركر حق لوريال....


طريقة الاستعمال...

تاخذي الخلطه معاك على الحمام هذا اهم شي...تستحمي بمويه دافيه او حاره شويه وتستعملي اي نوع مقشر للجسم بالليفه حقت البودي شوب...وبعد كذا تحطيها على جسمك بعد ماتتنشفي زين....
سويها مرتين في اليوم الصباح والمساء.

هذا الظهر ..

فليل قبل النوم نفس الطريقة .. مقشر ساعه على الجسم بعدين الخلطة ..

نغسل الجسم بـ ( الخلطة الصابونية ):-

للي مايعرفونها :- هذي طريقتها :-


1-صابونه الكركم -وحدة فقط------------------------ ( تبييض+ نظافة+ تشيل الحبوب الدهنيه بالجسم )
2-صابونه الغار-وحدة فقط-------------------------- ( تبييض + نظافة وتشيل الحبوب وتصفي)
3-صابونه البابايا -وحدة فقط-------------------------( تبييض + تشيل الحبوب وتوحد اللون)
4-ماي ورد علبه كامله------------------- ( ترطيب نعومه تبييض)
5-ربع ملعقه كبيره كركم جسم ------------------------( تبييض)
6-ملعقة كبيره ملح خشن -------------------( تطهر الخلطة + نظافة)
7-1صابونة الجلسرين من نتروجينا اواي نوع من الجلسرين ( مرطب ومبيض + منظف)
8-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندج كميه من الصابون المبشور


نخليهم ونروح نأخذ قدر ضيق اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم مال الجسم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه عجينة لينة


أي والله صدق بيذوب وتتكون عندك الخلطة والحين إذا سخنت الخلطة وبدت تتفرقع اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي ملعقة االنشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في يدك وفركي فيها جسمك كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها ..

الكريم المرطب اللي نستخدمه هذا الكريم يستخدم يوم و ترك :
يتكون من 4 كبسولات فتامين E الزيتية تفرقينها وتخلطينها مع الكريم ايبديرم الفلبيني الصنع بالبابايا
وهذا هو المرطب بس يوم بيوم ..

و باقي الأيام اي مرطب تحبينه .. و الأفضل الجليسوليد.. :)


الشعر :-

عمل حمام زيت للشعر بأي كريم تفضلينه او .. في الصالون .. في الأسبوع مره فقط ..

و انا توني شريت شامبوو ( سورسير ) بس ما أخذت التونيك ان شالله برجع آخذه و هذا الشامبو لوقف تساقط الشعر و مدحه الصيدلاني لي واايد فأخذته وجربته مره وحده و ماقدر احكم لأنها مره وحده بس بستمر عليه ان شالله .. :)

حبيباتي هذا الجدول بين يدينكم ياليت كل وحده بتشترك تذكر لي حتى اعرف منو اللي معاي و كل اسبوع نكتب النتايج للبنات ..

هااااااااه بنات .. LeTs Go