بنات عندي سؤال بس محرج اشوي

ن

نبع الإبداع

عروس مبدعة

03-05-2008 | 02:51 PM

السلام عليكم يا كروشات

أدخل بالموضوع على طول أحسن...

من الشهر الثالث و أنا أفكر كيف راح أتصرف إذا يت ساعة الولادة و أنا ما كنت جاهزة جسمانيا

أقصد نظافة ((المنطقة الحساسة)) أنا قلت بشيل شعر جسمي في بداية التاسع بالحلاوة أو

الشمع بس هاذيك المنطقة متعودة أنظفها بالموس و اتعرفون لازم كل ثلاث أيام على الأقل أو

خمس أيام إن طولت و أنظفها من جديد و أخاف لما أحس بالويع ((الإنقباضات)) أنظف المنطقة

الحساسة و بعدين يقولولي بعدك يمكن تولدين بعد يومين ثلاث و أنتو عارفين ان هذي المنطقة

ماتتحمل الموس يومين ورا بعض تلتهب و اتسوي حبوب :confused:و أنا مابا أبهدل نفسي قبل الولادة كفاية

الولادة و الخياطة و النفاس نفسه و أنا ولادتي راح تكون بعز الصييييييف يعني حر و لوعة كبد:tongue:

بنات إلي ولدت اتخبرني كيف تصرفت و إلي عندها خبره في هذي السوالف لا تخبل عليي لأني

صدق محتارة و تفكيري كلة منصب على هذي اللحظة.

أنتظر ردوردكم و خبراتكم ....

.

..★شـــااانيل★..

مشرفة سابقة

03-05-2008 | 03:07 PM

ماكو احراج
حاولي تشيلينها بالحلاوه اول ما تحسي بالم الولاده يعني يكون الرحم مفتوح 1 سانتي
يكون الوجع خفيف وتقدري تكوني في البيت
اما اذا انتي من الحريم الي يروح حزت الولاده يعني تكون خالصه وفاتح الرحم عالاخيرفشيليها بالموس وسريع عالمستشفى

ن

نبع الإبداع

عروس مبدعة

03-05-2008 | 03:22 PM

ج0ن مين يطولها;5909355:
ماكو احراج
حاولي تشيلينها بالحلاوه اول ما تحسي بالم الولاده يعني يكون الرحم مفتوح 1 سانتي
يكون الوجع خفيف وتقدري تكوني في البيت
اما اذا انتي من الحريم الي يروح حزت الولاده يعني تكون خالصه وفاتح الرحم عالاخيرفشيليها بالموس وسريع عالمستشفى

هلا أختي ج0ن مين يطولها

أنا ما أشيل هذي المنطقة بالحلاوة أفضل الموس لأنها بالحلاوة يكون الألم أضعاف مضاعفة

وشي طبيعي لما راح أحس بالألم بروح المستشفى عشان أعرف متى راح اتكون الولادة

عشان أسوي حسابي للنظافة بس بعد عشان يعرفون كم مفتوحة لازم أكون امنظفة المنطقة

عدل قبل ما أروح المستشفى :(

ا

الحلم الوردي

عروس مبدعة

03-05-2008 | 03:58 PM

مافي حل الا انك تشيليه بالحلاوة استحملي على نفسك شوي وانتي بتولدين يعني الم الحلاوة اهون من الولادة

شيليه بالحلاوة من بدايه التاسع واذا جى نهايه التاسع وماولدتي شيليه ثانيه واكيد بتصيرين نظيفه طول الوقت

وانتي ليش تفكرين خليها على الله واذا جى وقته الله بيحلها انا سمعت انا اذا مانظفتي المنطقه الممرضة تنظفها لك صحيح أحراج بس أنتي بذاك الوقت تبقين تولدين وبس

ن

نووور العيون

عروس مبدعة

03-05-2008 | 03:59 PM

بصراحه أنا أشل بحلاوه للنظافه و أنه يطول ما يطلع الشعر و إذا شليت بالموس ما بيكون عندي وقت خاصه بعد الولاده بيكون عندي بيبي و ما عندي وقت للسبوح كيف كل 3 ايام أشل موس؟؟؟
بس جربي مكينة البراون للمناطق الحساسه لو شليتي يومين ورا بعض عادي و تخلي المنطقه ناعمه هذا الي قريته من الي إستخدمن البراون.

أ

أحاسيس.

عروس رائعة

03-05-2008 | 04:05 PM

انا بعد مثلج محتاااره ما استخدم الحلاوه ابدا بس قلت حق نفسي كل اسبوع اشيل بالموس واتوكل على الله واذا كان الشعر صغير ما في اي احراااج يعني ايش رااح اتسوين هذي حال كل وحده

ي

يارا2006

عروس مشرقة

03-05-2008 | 04:43 PM

ما اعرف احس انه احسن تشيلي بالحلاوه لانه يطول نمو الشعر وكمان حبيبتي انظف وانعم
انا اشوف الموس يغلب يعني تساوي مره وحدي بشهر احسن من كل تلات ايام
والله انا بابشهر التاسع اعمل مرتين بالحلاوه اول التاسع وبنصف التاسع عشان اضمن انه يكون ولاشي
وصدقي مع التعويد يروح الوجع

ه

هايدي_n

عروس مبدعة

03-05-2008 | 05:21 PM

انا عن نفسي يااختي نبع الابداع في ولادتي ماشلته للاسف لاني ولدت في الاسبوع التاني من التاسع والدكتورة قايلتلي انت رح تفوتي موعدك فاخذت بكلام الدكتورة ومانظفت المنطقه الحساسه وقلت رح انظفها في اخر اسبوع من التاسع وولدت وكان شعر المنطقه يتعمل ظفاير ههههههههههههههههههههههههههههههههه
بس لو انت متعدوة على الموس سوي لموس اول ماتحسي بالام الولادة او لو نزلت عليك الميه وربي يسهل عليك امورك يارب

*

**روحي فداك**

عروس مشرقة

03-05-2008 | 05:28 PM

حبيبتي ما يبالها تفكير ولا وجع راس اول ما تحسين بالأم وانه بدا الجد نضفي في البيت قبل ما تطلعين وعاد من ثقلها دقيقتين وانتي خالصه والشنطه الي بتكون في يدج لازم تكونين حاطه 2 احتياط وموفقه والله يسهل علينا جميعا ياااااااااااارب

Q

Qtr Girl

عروس ماسية

03-05-2008 | 05:30 PM

انا متعوده اني اشيل حلاوه كل 3 اسابيع

وعقب مادخلت الشهر التاسع باسبوع سويت حلاوه والاسبوع الثاني ولدت يعني الحمدالله مافي شعر

بصراحه انا كل همي اني اروح لهم نظيفه استحي يشوفون فيني شعر

وكنت مجهزة ماكينه براون عشان كل ماتطلع شعره ألقطها

نصيحتي لج شيلي بالحلاوه لان عقب الولاده بتكون فيج خياطه وماراح تقدرين تشيلين موس

ومب حلو يستوي فيج شعر ومع دم النفاس والصيف تخيلي الريحه اللي بتطلع

والله يهون عليج

n

nasiba

عروس مشرقة

03-05-2008 | 06:22 PM

و لكن أنا سمعت أن الحلاوة تسبب إلتهابات للرحم و أن الأفضل هو الموس
أنا عن نفسي أستخدم الموس

ن

نبع الإبداع

عروس مبدعة

03-05-2008 | 07:13 PM

أختي baby story

أنا مش متعودة أشيل بالحلاوة و إذا حاولت اللحين بتكون صعبة جدا و توجع ولا بقدر أستخدم مخدر ولا شيء

لالالالا أستحي الممرضات يشيلونة لي إحراج و مب حلوة في حقي شو راح يقولون اني مش نظيفة أنا سمعت انه وحدة صارلها هالشء و كانو الممرضات يتأففون و يصرخون في وجهها ليش ما نظفتي قبل ماتين ... لالالا ما أتخيل نفسي في هالموقف

مشكورة أختي

أختي نووور العيون

أنا تعودت أشيل بالموس كل ثلاث أيام أو خمس أيام يعني بالنسبة لي السالفة بسيييييطة بالموس بس المكينة تةجع وايييييد و جربت براون بس ما نفعت وياي
الله يعين

مشكورة أختي

أختي صادقة احساس

مشكورة على الرد بصراحة ريحتيني كنت أحسب أني الوحيدة إلي تعاني من هذي المشكلة
الله يعين ساعتها شو راح يصير

أختي يارا2006

من ناحية النظافة الحلاوة أنظف بكثير من الموس بس عشان أشيل بالحلاوة و أنا مش متعودة باخذ وقت طوييل لين أخلص و المرة إلي بعدها لازم أنتظر الشعر لحد ما يطول عشان أشيله و أنا ما أقدر أنتظر لين يطول الشعر ما أحب يكون فيي شعر كيف بتقبل انه الشعر يكون طويل وما أعرف متى الوجع بيي كيف راح أستحمل الوجع لمدة ربع ساعة و أنا أشيل الشعر بالحلاوة يعني 2 في 1 ما أقدر
عموما مشكورة أختي

أختي هايدي ـ n

موقف محرج لا يحسد عليه الله يستر على الجميع ب... بس والله كلامج صح ما في حل غير اني أنتظر الوجع و معاه الماي إذا شفت المية نزلت أروح و أنظف بالموس و أمري لله
مشكورة أختي

أختي ** روحي فداك **

ما في حل غير هذا أستحمل الويع و أشيل بالموس و آخذ احتياط وياي ولا الفشيلة ويا الممرضات

مشكورة أختي

أختي Qtr Girl

الحلاوة مستحييل أستخدمها أفضل الموس بس ما بعد الولادة !!! صح انها مشكلة بس بلاقيلها حل بس إلي يخليها هينه أشوي انه محد راح يشوف المنطقة لا دكتورة و غيرها هههههه
مشكورة أختي

أختي nasiba

مشكورة على الرد و الله يسهل علينا و على كل حامل يارب

j

joojoo.sweet

عروس ماسية

03-05-2008 | 07:26 PM

أنا مثلك ماأشيل بالحلاوة وانا حامل لان الطبيب حذرني يوم سقطت أول مررة

وتسألت وجاوبتني أختي الكبيرة .. تقول يوم تدخلين التاسع كل ثلاث ايام حفي بالموس

ويوم نزل معاها دم وبدت معها آلام الطلق .. تروشت وشالت بالموس وبعدها راحت المستشفى

وربي سهل عليها :) لاتحاتين

a

aisha.. madam simo

عروس برونزية

03-05-2008 | 10:57 PM

فيه نسوان تحط بنج موضع وقت الحلاوله
اسئلي الدكتورة اذا ما فيها ضرر على الجنين سويها من دون وجع

ن

نبع الإبداع

عروس مبدعة

04-05-2008 | 03:45 PM

joojoo.sweet;5912010:
أنا مثلك ماأشيل بالحلاوة وانا حامل لان الطبيب حذرني يوم سقطت أول مررة

وتسألت وجاوبتني أختي الكبيرة .. تقول يوم تدخلين التاسع كل ثلاث ايام حفي بالموس

ويوم نزل معاها دم وبدت معها آلام الطلق .. تروشت وشالت بالموس وبعدها راحت المستشفى

وربي سهل عليها :) لاتحاتين

مشكورة أختي joojoo.sweet

مافي حل غير هذا لأنه الحلاوة مستحيل أستخدمها بسبب الألمممممممم

ن

نبع الإبداع

عروس مبدعة

04-05-2008 | 03:48 PM

madam simo;5913995:
فيه نسوان تحط بنج موضع وقت الحلاوله
اسئلي الدكتورة اذا ما فيها ضرر على الجنين سويها من دون وجع

هلا أختي madam simo

مشكلتي أخاف أستخدم أي شيء ما أعرفه أو محد من خواتي يستخدمه في البيت

أخاف من هذي الأشياء و بعدين هذي منطقة حساسة ما أحب أجرب فيها أي شيء
حتى لو قالتلي الدكتورة انه مافي ضرر منه إلا للضرورة القصوى

مشكورة على الرد :)

ع

عروس الغبيراء

عروس ذهبية

04-05-2008 | 06:50 PM

زين واللي مايقدر على الحلاوه؟؟؟

وسنه الني الحلق

و

وليف

عروس مبدعة

04-05-2008 | 07:04 PM

للـــــــــرفــ ع

بصراحه كنت افكر في هالمووووضوووع من زمااااااااان

ومحتااااره انا صح متعودة اشيل بحلاوة بس خااايفه بالشهر التاااسع اتعب ويصير مااافيني حيل

طيب وش الحل المناااسب وفعلا الموس مزعج

حتى لو شلت موس باليوم اللي بروح فيه المستشفى بعد الولادة بيومين بيطلع ويزعجني

ودي اعرف تجاااارب الأخوات بهالموضوع وياليت تفيدونا

ر

رائحة الورد

عروس مبدعة

22-05-2008 | 04:18 AM

الله يعينا حنا الحريم

i

innocent angel

عروس مشرقة

22-05-2008 | 11:07 AM

اما انا فخايفة فمرة نفسج يالغلا

انا متعودة اشيله ببراون

لكن هالشهر لما شلته حسيت بالام فظيعة مدري ليش

الله يعين