الدورة الغير منتظمة والحمل

السلام عليكم جزاك الله خير دكتورة ممكن تقولي لي رايك ف مشكلتي مع الدورة
بدت مشاكل الدورة عندي قبل لااتزوج ب6 شهور اعتقد بسبب اني كنت احاول اخفف وزني كان (63) وطولي 153 تقريبا وخذيت خلطة اعشاب تخسيس بعدها تمت الدورة تتاخر وتجي كل شهرين من غير ان ويهي صار متروس حب الشباب طبعا سرت عند كم طبيبة وقالوالي ماعندي تكيس ولامشكلة واضحة بس لخبطة ف الهرمونات بعد الزواج حملت ع طول وبعد الولادة نزلت لدورة بعد الاربعين مباشرة وانتظمت الدورة شوية بعدين ردت تنزل كل شهرين واستخدمت حبوب منع الحمل مرة وحدة بس لاني مااستحملت و استخدم مانع طبيعي وبنتي صار عمرها الان سنتين ونصف وماحاولت احمل من ربيت لحد الان وحاليا ناوية انشاءالله و ارغب ف تنظيم الدورة خصوصا ان مشكلة حب الشباب موجودة والطبيب قال انها مرتبطة بمشكلة الدورة وهي حاليا تتاخر اكثر من اول فمثلا شهر يناير نزلت بتاريخ 17 والي بعدها نزلت بتاريخ 11/3 ولحد الان مانزلت ورحت الاسبوع الماضي عند طبيبة وخلتني اسوي فحص دم عشان الحمل وطلعت النتيجة سلبية وبعدين خلتني اسوي فحص بالالتراساوند ولما عطيتها التقرير قالت عندي تكيس ف المبيضين بس انا استغربت لان المشكلة نفسها عندي من زمان وكلهم قالوا لي ماعندي تكيس وبعد حملت بدون علاج وبعدما تزوجت مباشرة فرحت عن طبيبة ثانية وفحصت بالسونار وقالت مافي تكيس والحمدلله وان المبايض ضعيفة عشان كذا الدورة ما تنزل بالاضافة الى ان وزني الان (75) واعطتني حبوب عشان تنزل الدورة اسمها provera اخذ حبة مرتين ف اليوم وتحميله استخدمها يوم بعد يوم وقالت لي اسوي فحص هرمونات بعدما تنزل الدورة ومن ثالث يوم اخذ كلوميد ثلاث حبات في اليوم لحد اليوم السابع للدورة . هذا اليوم الخامس الي اخذ فيه الدوا و الدورة بعدها مانزلت واخواتي يقولوا لي ان الحمل مايبان في فحص الدم بسرعة واني احتمال اكون حامل واستعجلت ف اخذ الدوا عشان انزل الدورة فياريت تخبريني رايك وجزاك الله عني خيرا.