روض الاطفال - منتديات عروس

ت

تيا111

عروس متألقة

01-05-2008 | 11:46 PM

هاااااااااي عرااااااااااايس

ابي ادخل بنتي ان شاء الله عالسنة الياية روضة زينة وعمرها 3سنين ورحت قلت حق خواتي انا مسؤولة عن عيالكم بدور احسن روضة في الدوحة وبدخلهم فيها ((عشان ماتزهق بنتي :tongue:)) خخخخخخ والحين انا ابي مشورتكم شنو احسن روضة في الدوحة :

انا سمعت عن بارك هاوس بس وايد غالية:eek:
ومادري احد جرب الاكاديمية او الخليج الغربي

علما ان اهم شي عندي تدريس اللغة الانجليزية والقران

*

*جوهرة الدوحة*

عروس فضية

02-05-2008 | 12:50 AM

اختي اللي سمعته عن بارك هاوس انهم مايهتمون في القرآن وايد
بس عندج اقرأ فيها الانجليزي والقرآن أوكي مهتمين فيه..
بس انا من وجهة نظري ان البنت ماتحطينها في مكان مختلط خصوصا ان يكونون معاها اجانب عشان جذي انا حطيت بناتي في اكاديمية الارقم اولا لانها دينية وقوية في الانجليزي
وثاني شي انها بس للبنات فما راح اتحاتين البنت حتى لو خليتيها اهناك لين الثانوية..
بس الولد ان شالله ناوية ادخله Doha Kolege

م

موتي ولاحزن زوجي

عروس مبدعة

02-05-2008 | 01:00 PM

اختيار جوهرة الدوحه جدا موفق واتفق معاها بصراحه الارقم مستواهم لايعلى عليه واهتمامهم بالقرآن جدا ممتاز وروضة اقرأ سمعت انها زينه حتى لو شفتي نتايج مسابقة القرأن طلابهم كانوا اكثر عدد وبالتوفيق

*

*جوهرة الدوحة*

عروس فضية

03-05-2008 | 12:32 AM

مشكووووووووووورة اختي (موتي ولاحزن زوجي) صح كلامج بالنسبة لمسابقة القرآن وترى بنتي الكبيرة وحدة منهم..

ت

تيا111

عروس متألقة

03-05-2008 | 04:09 PM

نزين اكاديمية الارقم وين مكانها ومتى يبدا الدوام يعني من كم لي كم واذا عندج رقمهم ياليت ادزينه لي حبيبتي بس انا بنتي عمرها راح يكون 3 سنين بالضبط في شهر 10

*

*جوهرة الدوحة*

عروس فضية

03-05-2008 | 10:11 PM

هلا اختي اكاديمية الارقم مكانها ورا معهدELSفي المعمورة ودوامهم من 7.30 - 12.15بالنسبة للكي جي 1
وياخذون من عمر 3سنوات..ويكون في تيست مبسط للطفلة يشوفون قدراتها والحين بطرش لج الرقم على الخاص والله يوفقج ان شالله