كل ما يخص ركننا

.

* يمنع منعاً باتاً رفع الموضوع عند مرور سنة على آخر رد وفي هذه الحالة سوف يحذف الرد ويغلق الموضوع
ويستثنى من ذلك المواضيع اللتي تعم بالفائدة على العضوات عند رفعها مثل
التصاميم الدعوية .. الاسلاميه .. تصاميم المناسبات ( سنه جديده .. رمضان .. عيد .. حج .. ) تصاميم الاستكرات المدرسيه

.

بالنسبة لخطة السنة هذي نحتاج تجديد .. مواضيع جماعية نطلع منها بشي جديد
طبعاً لازم يكون فيه دورة أو ورشة
لكن هذا الشي يكون بعد ما ننتهي من خصائص المنتدى بالأول
وضروري ننسق بيننا عشان لا يغيب أحد يغطي الثاني
وإذا افتكرت شي راح أرجع إن شاء الله

.

هلا نوري

..يمنع منعاً باتاً رفع الموضوع عند مرور سنة على آخر رد << آخر رد !!؟؟



من رايي يكون سنه من طرح الموضوع


لان الردود تكون مره متواصل ومره شهرين
ومرات اذا كمل مثلا 8 شهور تجي وحده وترفعه
جذي ماراح نخلص!!

ولا شرايكم؟


على طاري خصائص المنتدى
متى راح نخلص منهم
سالفتهم سالفه

الله يعين

.

صح كيوته أفضل من بعد سنة من إضافة الموضوع

إن شاء الله أقابلك قريب ع المسن

.

.


سلاااااام ..

كيفكــم ياحلووااااات

كل عام وانتم بخييير
الله يجعلها سنة خير وبركة ..


اعذرونـي بنات ..
مقدر اتابع الركن معكم ..مشغولة بالدراسة :(

سويم ..
كيفك وكيف رفيف وسعودي .

كيووت
كيفك ياقمر وكيف دراستك وبنوتاتك ان شاء الله تمام ..

سلوول
كيفك..وكيف البرد عندكم

نووواري
أخبارك ياعسل
وأخبار الحر عندكم
>>حاسدتكم على جوكم ..



مناسبة القوانين الجديدة ..
اعملوا الي تشوفوهـ مناسب ..


اذا في ورشة عمل خلوها بعد اختبارات الفاينل (نصف شهر 2)
بكون باءذن الله متواجدهـ ..


(ماراح تعملوا شي الحين حملة لغزة ؟)..

اما بالنسبة للخصائص :(

أكثر شي شايلة همه ..
بس انشغلت الحين مقدر اكمله الين يخلص هالسمستر :(




.

.

طيب يللااا شدو حيلكم ونعمل حمله لغزه زي المنقول

اش رايكم ؟؟

.

هلا رحوول

انا بخير ربي يسلمج
والبنوتات تمام ولله الحمد

انتي شحالج يادببببه ويين؟؟
اشتقنالج


نوري

حلوة فكرة الحمله
ياليت نبدا فيها من بكره
!!!!!

.

خلاص اوكي كيوته
بس بكره أنا مو موجوده بعمل لها بعد بكره بإذن الله

.

هلاا والله كيووته

انا بخير الحمدلله ..

...............

شفت نفسي فاضية اليوم
و اضفت موضوع لغزة

ياليت تشاركوا فيه

واذا عندكم افكار ..

مرحبا بنات
سوري على الغياب بنتي مريضه
مسكينه معها 3 في 1
نزله معويه + احتقان بالحلق والاذن تاثرت + اسنان
وخلاص طفشانه ومره تبكي وتصارخ من دون سبب <<<<<< كل هذا وتقول دون سبب
انا تعبت معها ونفسيتي صايره زفت
فاعذرووووووووووووووووووووني ودعواتكم

المهم

معك حق بنكيا وهذا اللي انا قصدته

سنه من تاريخ اضافه الموضوع

ان شاء الله اضيف القانون بكره اذا لم يحبسني حابس

بنات في شي رافع ضغطي
وحده الله يهديها اسمها ام نوح رفعت ك لالاستفسارات القديمه من شهر 10

وانا مافي غير احذف لها ردودها واقفل في بع ضالمواضيع

طبعا جاء النوم ومو شايفه شي فياليت تكملون الباقي

عموما انا ارسلت لها راسله ونبهتها باهالشي

وهي مو باس ماشيه على الاستفسارات حتى باقي الاقسام الله يهديها بس

دمتم بخير

السلامـ عليكمـ

سوري ع الغياب ظروف خارجه عن الاراده

وبارك الله فيكم ع الحملة ..

سلام يا بنات

حبيباتي لاحظت شي

من زمان ما ميزنا العضوات

مع ان فكره عمل اوسمه تميز كانت منطلقه من ركننا :(


وغير هذذا من زمان ما احد رشح المتمزيات بركن المشرفات
اقصد بهذا الموضوع
http://www.3roos.com/forums/t150730_25.html

انا رشحت كم اسم ارجو مراجعتهم واذا في اسماء اخرى اتمنى منكم ترشيحهم

وشكرا لكم

دمتم بخير

.

تعبنا ونحنا نتكلم في هذا الوضوع ومايصير شي
كلنا نتكاسل
كل الاركان عندهم متميزات الا ركننا المسكين
شكل الناس بتهج منه :/

.

.

بنات أرسلت لي شوشو
بخصوص البطاقات اللي اضافتهم ابتسامه برئيه
على إن رقم جوال مكتوب في البطاقات
فيه مشكله أو لأ ؟؟

.

مرحبا نور
حتى انا ما رديت عليها علشان رقم الجوال
لانه مخالف
واستغربت ردك

سابعــــا :
يمنع وضع روابط لمنتديــات أخرى او أرقام الهواتف الشخصية أو البريد الإلكتروني نهائياً في المشاركة

.

حذفت الموضوع يا عسل

.

نور عسوله انتي موجوده اذا ايه دخلي مسن
وحشتيني ودي اقرقر معاكي

.

أنا موجوده يا عسل

.

هااااي صبايا
شوفوا ردي ملخبط وفيني نوووووووم بالقوة اكتب لكم

سويت وسام للمتميزات للقسم

وباقي قسم الاتسفسارات ووسام اخصائيه فوتوشوب <<<<< مصره ومتمسكه بالاسم عاد ادعولي اشتغل عليه

سويت شكلين واحد بخلفيه سوداء

والثاني بدون
لوووول استعجلت وحفظتهم علشان رفيف صحيت ونسيت احركهم


رجعت وحركته بالاميج ريدي




عطوني رايكم هل يحتاج تعديل وما الى ذالك لنبدأ بالتنفيذ

وياليت لو سمحتوا تساعدوني وتذكروني بــ اسماء العضوات المتميزات بغيابي

علشان لا يتحسسون العضوات كرمان نا س وناس لا

وياليت بعد فضلا لا امرا تعطوني اسماء المتميزات بقسم الاستفسارات لو سمحتوا

ليش تنقطع الصورة رجعت عملت حركه بالفوتشووب وان شاء الله ما تنقطع وياليت تعلقون على الحركه والالوان لان هذا جهازي الالوان فيه شيييييييييييي مختلف عن باقي الاجهزه

هلا لولي


الله يعطيج العافيه ياقلبي
أنا كنت ماخذه همه لاني قلت لكم بسويه
بس ماتفرغت!!
عندي كومة امتحانات
كنت أبي أجمع كم شغله حلوه عشان أزبطه
بس الله ماراد

وماقصرتي ياقلبووو


الوسام جدا رائع ( الثالث المتحرك بدون إطار)
عجبني تأثير الجليتر عليه

بس رايي لو تغيرين لون الفيونكه للأصفر يطلع شوي نعنونش << منعش يعني هع
والفراشه تصغيرها شوي
واسم المنتدى يكون تحت
بيطلع أفضل


وتسلم ايديج يالغلا
بانتظار راي البقيه

دمتي بحفظ الله